ନୂଆଦିଲ୍ଲୀ, ୧୬।୪: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଅବକାରୀ ନୀତି ଘୋଟାଲା ସମ୍ପର୍କରେ ସିବିଆଇ ରବିବାର ପଚରାଉଚରା କରିବେ। ତେବେ ଏହା ପୂର୍ବରୁ ସେ ନିଜ ବାସଭବନରେ ଦଳୀୟ କର୍ମୀଙ୍କ ସହ ଏକ ଉଚ୍ଚସ୍ତରୀୟ ବୈଠକ କରିଛନ୍ତି। ସେଠାରେ ସେ ସାମ୍ବାଦିକ ସମ୍ମିଳନୀ କରି ଭାଜପାକୁ ଟାର୍ଗେଟ କରିଛନ୍ତି। ସେ କହିଛନ୍ତି, ଭାଜପା ଯଦି ଏବେ ନିର୍ଦ୍ଦେଶ ଦିଏ ତେବେ ସିବିଆଇ ମୋତେ ସାଙ୍ଗେ ସାଙ୍ଗେ ଗିରଫ କରିବ। ସେ ଆହୁରି କହିଛନ୍ତି, ଭାଜପା ବିରୋଧରେ ଯେ କେହି ବି ଯିବେ ସମସ୍ତଙ୍କୁ ଜେଲ୍ ପଠାଇଦେବେ। ସେମାନେ ବହୁତ ଅହଙ୍କାରୀ ହୋଇଗଲେଣି। କେବଳ ସାଧାରଣ ଲୋକ ନୁହେଁ, ନ୍ୟାୟାଧୀଶ, ଗଣମାଧ୍ୟମ ଏବଂ ଉଦ୍ୟୋଗପତିଙ୍କୁ ବି ଡରେଇ ରଖିଛନ୍ତି।
