ଭୁବନେଶ୍ୱର,୬।୨: ବର୍ତ୍ତମାନର ଡିଜିଟାଲ ଯୁଗରେ ତଥ୍ୟ ଚୋରି ବା ‘ଡାଟା ବ୍ରିଚ୍’ ଏକ ବଡ଼ ସମସ୍ୟା ଭାବେ ଉଭା ହୋଇଛି। ଆପଣଙ୍କ ବ୍ୟକ୍ତିଗତ ଇମେଲ୍ ଆଇଡି (Email ID) କୌଣସି ସାଇବର ଆକ୍ରମଣର ଶିକାର ହୋଇଛି କି ନାହିଁ, ତାହା ଏବେ ଆପଣ ଅତି ସହଜରେ ଜାଣିପାରିବେ।
କୌଣସି ଆପ୍ ବା ସାଇନ୍-ଅପ୍ ନ କରି ଆପଣ haveibeenpwned.com ୱେବସାଇଟ୍କୁ ଯାଇ ନିଜର ଇମେଲ୍ ଆଇଡି ଦେଇ ଯାଞ୍ଚ କରିପାରିବେ ଯେ ଆପଣଙ୍କ ତଥ୍ୟ ଚୋରି ହୋଇଛି କି ନାହିଁ।
ଅନେକ ସମୟରେ ଆମେ ବିଭିନ୍ନ ଆକାଉଣ୍ଟ ପାଇଁ ସମାନ ପାସୱାର୍ଡ ବାରମ୍ବାର ବ୍ୟବହାର କରିଥାଉ। ଏହାଦ୍ୱାରା ସାଇବର ଠକମାନେ ସହଜରେ ଆପଣଙ୍କ ଆକାଉଣ୍ଟକୁ ହ୍ୟାକ୍ କରି ପରିଚୟ ଅପବ୍ୟବହାର ଏବଂ ଆର୍ଥିକ ଠକେଇ ଭଳି ଅପରାଧ କରିବାର ସୁଯୋଗ ପାଇଥାନ୍ତି।
କଣ ଆପଣ ଜାଣନ୍ତି? https://t.co/ThJbzebUzo ୱେବସାଇଟରେ ଆପଣ ବିନା କୌଣସି app କିମ୍ବା signup ରେ ଯାଞ୍ଚ କରିପାରିବେ ଯେ ଆପଣଙ୍କର Email ID କୌଣସି data breach (ତଥ୍ୟ ଚୋରି) ର ଅଂଶ ହୋଇଛି କି ନାହିଁ।
ସମାନ ପାସୱାର୍ଡ଼ ଗୁଡିକ ବାରମ୍ବାର ବ୍ୟବହାର କରାଯିବା ଦ୍ୱାରା ଆପଣଙ୍କର ତଥ୍ୟ ଚୋରି ହୋଇଯିବାର ସମ୍ଭାବନା ଥାଏ,… pic.twitter.com/5h0ffJjfCD
— COMMISSIONERATE POLICE (@cpbbsrctc) February 5, 2026
ସୁରକ୍ଷିତ ରହିବାର ୩ଟି ମୁଖ୍ୟ ଉପାୟ:
ଦୃଢ ପାସୱାର୍ଡ: ସବୁବେଳେ ଜଟିଳ ଏବଂ ଅଲଗା ଅଲଗା ପାସୱାର୍ଡ ବ୍ୟବହାର କରନ୍ତୁ।
2FA ସକ୍ରିୟ କରନ୍ତୁ: ନିଜର ସମସ୍ତ ଗୁରୁତ୍ୱପୂର୍ଣ୍ଣ ଆକାଉଣ୍ଟରେ ‘ଟୁ-ଫ୍ୟାକ୍ଟର ଅଥେଣ୍ଟିକେସନ’ (2-Factor Authentication) ବ୍ୟବହାର କରନ୍ତୁ, ଯାହା ଆପଣଙ୍କ ଡିଜିଟାଲ୍ ସୁରକ୍ଷାକୁ ଦ୍ୱିଗୁଣିତ କରିଥାଏ।
ସଚେତନତା: ସାଇବର ସୁରକ୍ଷା କ୍ଷେତ୍ରରେ ସଚେତନତା ହିଁ ଆପଣଙ୍କର ପ୍ରଥମ ପ୍ରତିରକ୍ଷା।
ଯଦି ଆପଣ କୌଣସି ପ୍ରକାରର ସାଇବର ଠକାମୀର ଶିକାର ହୁଅନ୍ତି, ତେବେ ବିଳମ୍ବ ନକରି ତୁରନ୍ତ ୧୯୩୦ ନମ୍ବରକୁ କଲ୍ କରନ୍ତୁ କିମ୍ବା cybercrime.gov.in ରେ ଅଭିଯୋଗ କରନ୍ତୁ।
