ଓ୍ବାଶିଂଟନ୍,୧୪।୧: ଦୁନିଆର ସବୁଠାରୁ ବଡ କମ୍ପାନୀ ଆପଲର ସିଇଓ ଟିମ କୁକୁ ସବୁବେଳେ ଚର୍ଚ୍ଚାରେ ରୁହନ୍ତି। ଷ୍ଟିଭ ଜବ୍ସଙ୍କର ମୃତ୍ୟୁ ପରେ ଆପଲକୁ ସବୁ ଟେକ୍ କମ୍ପାନୀ ଠାରୁ ଶିଖରକୁ ନେବାକୁ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛିି ।
ନିକଟରେ ଏକ ରିପୋର୍ଟ ପ୍ରକାଠଶ ପାଇଛି ଯେଉଁଠି ଟିମ କୁକଙ୍କର ଦରମା ସମ୍ପର୍କରେ ଜଣାପଡିଛି। କୁକ ୨୦୨୩ରେ ପ୍ରତି ଘଣ୍ଟାରେ ୬ଲକ୍ଷ ଟଙ୍କା ରୋଜଗାର କରିଛନ୍ତି। ଏହି ଆଇଫୋନ ମେକର କମ୍ପାନୀ ଆମେରିକାର ସିକ୍ୟୁରିଟି ଏକ୍ସଚେଞ୍ଜ କମିଶନ ସହ ପ୍ରୋକ୍ସି ଫାଇଲିଂ ବେଳେ ୬୩.୨୧ ମିଲିୟନ ଡଲାର ଆୟ କରିଛି। ଆପଲ ନିଜର ପ୍ରୋକ୍ସି ଫାଇଲିଂବେଳେ ରିପୋର୍ଟରେ କହିଛି ଯେ, ୨୦୨୩ରେ କୁକଙ୍କ ଦରମା ବେସିକ ୩ମିଲିୟନ ଡଲାର ଅର୍ଥାତ୍ ୨୫କୋଟି ଟଙ୍କା ଥିଲା। ୪୭ ମିଲିୟନ ଡଲାର ଷ୍ଟକ ଆୱାର୍ଡ, ୧୦.୭ ମିଲିୟନ ଡଲାର ନନ-ଇକ୍ୱିଟି ଇନ୍ସେଟିଭ, ୨.୫ ମିଲିୟନ ଡଲାର ଅନ୍ୟ ଅର୍ଥ ମିଳିଛି। ଏହା ଅନୁସାରେ ୨୦୨୨ରେ ଟିମ କୁକଙ୍କୁ ମୋଟ ୯୯.୪ ମିଲିୟନ ଡଲାର ମିଳିଥିଲା । ତେବେ ୨୦୨୩ରେ କୁକଙ୍କୁ ୫୨୩.୮୩କୋଟି ଟଙ୍କା ଦରମା ମିଳିଛି। ଏହା ଅନୁସାରେ ସେ ପ୍ରତି ଘଣ୍ଟାରେ ୬ଲକ୍ଷ ଟଙ୍କା ରୋଜଗାର କରିଛନ୍ତି।
ସେହିପରି ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା ୨୦୨୩ରେ ୪୮.୫ ମିଲିୟନ ଡଲାର ଦରମା ପାଇଛନ୍ତି । ଅନ୍ୟପଟେ ଗୁଗଲ ସିଇଓ ସୁନ୍ଦର ପିଚାଇ ୨୦୨୨ରେ ୨୨୬ମିଲିୟନ ଡଲାର ଆୟ କରିଥିଲେ।
