ମୁମ୍ବାଇ: ଅଭିନେତ୍ରୀ ଅନୁଷ୍କା ଶର୍ମା କିଛିଦିନର ବ୍ୟବଧାନ ପରେ ପୁଣି ଇନ୍ଷ୍ଟାଗ୍ରାମକୁ ଫେରିଛନ୍ତି। ଏହି ଅଭିନେତ୍ରୀ ବର୍ତ୍ତମାନ ଲଣ୍ଡନରେ ଥାଇ ନବଜାତ ପୁତ୍ର ଅକାୟଙ୍କ ଯତ୍ନ ନେବାରେ ବ୍ୟସ୍ତ ଅଛନ୍ତି। ସେ ଗୁରୁବାର ନିଜର ଏକ ସୁନ୍ଦର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଏକ ଫୋନ୍ ବ୍ରାଣ୍ଡର ବିଜ୍ଞାପନ ଥିବା ଫଟୋରେ ଅନୁଷ୍କାଙ୍କ ହାତରେ ସ୍ମାର୍ଟ ଫୋନ୍ ଥିବା ଦେଖିବାକୁ ମିଳିଛି। ସେ ଏକ ଛୋଟ ଧଳା ଶର୍ଟ ଏବଂ ନୀଳ ଜିନ୍ସ ପିନ୍ଧିଛନ୍ତି।
ସେ ଇନଷ୍ଟାଗ୍ରାମରେ ଫଟୋ ଶେୟାର କରି ଏଥିରେ କ୍ୟାପଶନ ଲେଖିଛନ୍ତି, ସକାଳର ସୂର୍ଯ୍ୟ ଏବଂ ମୋର #OnePlusOpenରେ କିଛି ପଢ଼ିବା ସମୟ – ଦିନଟି କିକ୍ଷ୍ଟାର୍ଟ କରିବାର କ’ଣ ଭଲ ଉପାୟ। ଅନୁଷ୍କାଙ୍କ ପ୍ରଶଂସକମାନେ ତାଙ୍କୁ ଆପ୍ରେ ଦେଖି ଖୁସି ହୋଇଥିଲେ। ଏପରିକି ଜଣେ ପ୍ରଶଂସକ ତାଙ୍କୁ ଆଇପିଏଲରେ ଆରସିବି ପାଇଁ ଖେଳୁଥିବା ସ୍ବାମୀ ବିରାଟ କୋହଲିଙ୍କ ନିକଟକୁ ଏସ୍ଏମ୍ଏସ୍ ପଠାଇବାକୁ କହିଥିଲେ। ଆଉ ଜଣେ ୟୁଜର କହିଛନ୍ତି, ଷ୍ଟାଡିୟମରେ ଆର୍ସିବିକୁ ଖୁସି କରିବା ପାଇଁ ତୁମକୁ ମନେ ପକାଉଛି।
ଆଇପିଏଲ ପାଇଁ ଭାରତ ଫେରିବା ପୂର୍ବରୁ ବିରାଟ ଏବଂ ଅନୁଷ୍କା ଦୁଇ ମାସ ଧରି ଲଣ୍ଡନରେ ରହିଥିଲେ। ଅନୁଷ୍କା ଏବେ ମଧ୍ୟ ଝିଅ ଭାମିକା ଏବଂ ପୁଅ ଅକାୟଙ୍କ ସହ ଲଣ୍ଡନରେ ଅଛନ୍ତି। ଖବର ଅନୁଯାୟୀ, ସେ ଖୁବ୍ଶୀଘ୍ର ଭାରତକୁ ଫେରି ଝିଅ ଭାମିକାଙ୍କ ନାମ ସ୍କୁଲରେ ଲେଖାଇବେ।
ଜାନୁଆାରୀ ୨୦୨୪ରେ ଭାମିକାଙ୍କୁ ୩ ବର୍ଷ ବୟସ ହୋଇଛି ଏବଂ ଶିକ୍ଷା ନିୟମ ଅନୁଯାୟୀ, ସେ ୨୦୨୧ରେ ଜନ୍ମ ହୋଇଥିବାରୁ ସେ ଯେକୌଣସି ବିଦ୍ୟାଳୟରେ ନର୍ସରୀରେ ନାମ ଲେଖାଇବେ। ଏପ୍ରିଲ ୨୦ରୁ ୩୦ ପର୍ଯ୍ୟନ୍ତ ବିଦ୍ୟାଳୟରେ ପାଠପଢ଼ା ଆରମ୍ଭ ହେବ ଏବଂ ପୁନର୍ବାର ଗ୍ରୀଷ୍ମ ଛୁଟି ପାଇଁ ବନ୍ଦ ହୋଇଯିବ। ଜୁନ୍ରେ ପୁନଃ ସ୍କୁଲ ଖୋଲିବ। ତେଣୁ ପ୍ରଶଂସକମାନେ ଅନୁଷ୍କାଙ୍କୁ ଶୀଘ୍ର ଭାରତ ଫେରିଯିବେ ବୋଲି ଆଶା କରିଛନ୍ତି।
ଅକାୟ ଫେବୃଆରୀରେ ଜନ୍ମଗ୍ରହଣ କରିଥିଲେ। ଅନୁଷ୍କା ଏବଂ ବିରାଟ ଏନେଇ ଘୋଷଣା କରିଥିଲେ। ମାତ୍ର ଏଥର ସେ ଗର୍ଭବତୀ ଥିବା କଥା କାହାକୁ କହି ନ ଥିଲେ।
