ବଲାଙ୍ଗୀର, ୨୭।୧୦ (ସୁନିଲ କୁମାର ମହାନ୍ତି): ବଲାଙ୍ଗୀର ଦୁର୍ନୀତି ନିବାରଣ ବିଭାଗ ପକ୍ଷରୁ ସୋମବାର ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଆରମ୍ଭ ହୋଇଛି । ଏହି ଦୁର୍ନୀତି ସଚେତନତା ସପ୍ତାହ ପାଳନ ଅକ୍ଟୋବର ୨୭ରୁ ଆରମ୍ଭ ହୋଇ ନଭେମ୍ବର ୨ ତାରିଖ ପର୍ଯ୍ୟନ୍ତ ଚାଲିବ । ଭିଜିଲାନ୍ସ ଉପଆରକ୍ଷୀ ଅଧିକ୍ଷକ ପୁଲସ୍ତି ଛତ୍ରିଆ ,ଆରକ୍ଷୀ ନିରୀକ୍ଷକ ଟେରେସା ଖେସ, ଉପ ଆରକ୍ଷୀ ନିରକ୍ଷକ ଝସକେତନ ବାରିକ, ଶଙ୍କର ଚରଣ କ୍ଷେତି, ଦିଲୀପ କୁମାର ନାୟକଙ୍କ ନେତୃତ୍ୱରେ ସରକାରୀ ଆୟୁର୍ବେଦିକ ମହାବିଦ୍ୟାଳୟ ଓ ଚିକିତ୍ସାଳୟର ଅଧ୍ୟକ୍ଷ ପ୍ରଫେସର ଡ଼ା. ମନୋଜ ସାହୁ, ସମସ୍ତ ଛାତ୍ରୀଛାତ୍ର, ସ୍ନାତକୋତ୍ତର ଛାତ୍ରୀଛାତ୍ର ବିଭିନ୍ନ ବିଭାଗର ପ୍ରଫେସର, ଡାକ୍ତର, କର୍ମଚାରୀ ସଚେତନତା ପଦଯାତ୍ରାରେ ସହର ପରିକ୍ରମା କରିଥିଲେ । ସରକାରୀ ଆୟୁର୍ବେଦିକ କଲେଜ ଓ ହସ୍ପିଟାଲରୁ ପଦଯାତ୍ରା ବାହାରି ସହରର ଭାଗିରଥ ଛକ, ଏସ୍ପି ଅଫିସ, ଶିଶୁ ଉଦ୍ୟାନ, ଗୁଗୁଡ଼ିପଡ଼ା ପରିକ୍ରମା କରିଥିଲା। ଉପ ଆରକ୍ଷୀ ଅଧିକ୍ଷକ ପୁଲସ୍ତି ଛତ୍ରିଆ,ଛାତ୍ରୀଛାତ୍ର ତଥା କର୍ମଚାରୀଙ୍କ ଉଦ୍ଦେଶ୍ୟରେ ଦୁର୍ନୀତି ନିବାରଣ ସପ୍ତାହର ଉଦ୍ଦେଶ୍ୟ ସମ୍ପର୍କରେ ଅବଗତ କରାଇଥିଲେ । ପୂର୍ବାହ୍ନ ୧୧ଟା ସମୟରେ ସରକାରୀ ଆୟୁର୍ବେଦିକ କଲେଜ ଭାରପ୍ରାପ୍ତ ଅଧ୍ୟକ୍ଷ ପ୍ରଫେସର ଡା. ଶିବବ୍ରତ ବେହେରାଙ୍କ ନେତୃତ୍ୱରେ ସମସ୍ତ ଛାତ୍ରୀଛାତ୍ର ଓ କର୍ମଚାରୀ ଏକତ୍ରିତ ହୋଇ ଓଡ଼ିଶା ସରକାରଙ୍କ ଦ୍ବାରା ଆୟୋଜିତ ରାଜ୍ୟସ୍ତରୀୟ ଦୁର୍ନୀତି
ନିବାରଣ ସଚେତନତା ସପ୍ତାହ ୨୦୨୫ କାର୍ଯକ୍ରମରେ ଯୋଗଦାନ କରି ସାମୂହିକ ଶପଥ ପାଠ କରିଥିଲେ । ଏହି ସାମୂହିକ ଶପଥ ପାଠ କାର୍ଯ୍ୟକ୍ରମରେ ଭାରପ୍ରାପ୍ତ ଅଧ୍ୟକ୍ଷ ପ୍ରଫେସର ଡା. ଶିବ ପ୍ରସାଦ ବେହେରା, ଡା. ବୁଦ୍ଧଦେବ ମିଶ୍ର, ପଡ଼ ଭାଗ୍ୟ ରଂଜନ ଦାଶ, ଡା. ସ୍ନେହଲତା ପ୍ରଧାନ, ଡା. ଦୁଷ୍ମନ୍ତ କୁମାର ମାଝୀ, ଡା. ତ୍ରିଲୋଚନ ପଣ୍ଡା, ଡା. ଲିଲି ମେହେର, ଡା. ସୋମ୍ୟାଲିନା ବରାଳ , ଡା. ସିଦ୍ଧାର୍ଥ ନାୟକ, ଡା. ବାସନ୍ତୀ ଗଡ଼ନାୟକ, ଡା. ବଳରାମ ପ୍ରଧାନ , ପି ଜି ଡାକ୍ତର ମିଥିଳା ଜେଦେ, ଗୃହ ଚିକିଶ୍ରିକ ଡ ସୁବ୍ରତ ସିଂ ରାଜପୁତ, ଡ଼ ଅସିତ୍ କୁମାର ସାହୁ ସାମିଲ ଥିଲେ। ଶୋଭାଯାତ୍ରା ସମୟରେ ଦୁର୍ନୀତି ନିବାରଣ ସମ୍ବନ୍ଧୀୟ ବିଭିନ୍ନ ସ୍ଲୋଗାନ ଦେଇ ହାତରେ ପ୍ଲାକାର୍ଡ ଧରି ଜନସଚେତନତା ସୃଷ୍ଟି କରାଯାଇଥିଲା ।
