ଭୁବନେଶ୍ୱର,୨୭।୭(ବ୍ୟୁରୋ)-ଭୁବନେଶ୍ୱରରେ ଆଉ ଏକ କୋଭିଡ୍ ହସ୍ପିଟାଲ ସୋମବାରଠାରୁ କାର୍ଯ୍ୟକ୍ଷମ ହୋଇଛି। ଚନ୍ଦ୍ରଶେଖରପୁର ସ୍ଥିତ ଆଦିତ୍ୟ ଅଶ୍ୱିନୀ ହସ୍ପିଟାଲରେ ଏହି ବ୍ୟବସ୍ଥା ହୋଇଛି। ଏହି ହସ୍ପିଟାଲରେ ୧୫୦ ଶଯ୍ୟାର ବ୍ୟବସ୍ଥା ରହିଥିବା ବେଳେ ୩୦ଟି ଆଇସିୟୁର ବେଡ୍ ରହିଛି। ବିଏମ୍ସି ଓ ହସ୍ପିଟାଲ ପକ୍ଷରୁ ପିପିପି ମାଧ୍ୟମରେ ଏହି ସେବା କରାଯିବା ପାଇଁ ସ୍ଥିର ହୋଇଛି। ସୋମବାର ବିଏମ୍ସି କମିଶନର ପ୍ରେମଚନ୍ଦ୍ର ଚୌଧାରୀ ଓ ହସ୍ପିଟାଲ୍ ମଧ୍ୟରେ ଏମ୍ଓୟୁ ପରେ ହସ୍ପିଟାଲ୍ଟି ବିଧିବଦ୍ଧ ଭାବେ କାର୍ଯ୍ୟକ୍ଷମ ହୋଇଛି। ଆଦିତ୍ୟ ଅଶ୍ୱିନୀ ହସ୍ପିଟାଲ ବ୍ୟତୀତ ହାଇଟେକ୍ ହସ୍ପିଟାଲ୍ରେ ମଧ୍ୟ ବିଏମ୍ସି ସହଯୋଗରେ ଏକ ୫୫୦ ସଯ୍ୟା ବିଶିଷ୍ଟ କୋଭିଡ୍ ହସ୍ପିଟାଲ୍ ପ୍ରସ୍ତୁତ ହୋଇଛି। ସେହିପରି ଭୁବନେଶ୍ୱରର ତିନୋଟି ଜୋନ୍ରେ କୋଭିଡ୍ କେୟାର ହୋମ୍ ଖୋଲାଯାଇ ପ୍ରତି ହୋମ୍ରେ ୫୦ଟି ଲେଖାଏ ଶଯ୍ୟା ବ୍ୟବସ୍ଥା କରିବା ପାଇଁ ବିଏ୍ମସି ପ୍ରକ୍ରିୟା ଆରମ୍ଭ କରିଛି। ପୂର୍ବରୁ ଭୁବନେଶ୍ୱରରେ ସମ୍ ଓ କିମ୍ସ ଦୁଇଟି କୋଭିଡ୍ ହସ୍ପିଟାଲରେ କରୋନା ଚିକିତ୍ସା ହେଉଥିଲା।
