ନୂଆଦିଲ୍ଲୀ,୬।୪: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ବାର୍ଷିକ ବିକ୍ରି ଫଳାଫଳ ସମ୍ପର୍କରେ ଘୋଷଣା କରାଯାଇଛି। ଏପରିକି କମ୍ପାନୀ ୨୦୨୨-୨୩ ଆର୍ଥିକ ବର୍ଷରେ ମୋଟ ୯୧,୪୧୮ ଯାନ ଘରୋଇ ବଜାରରେ ବିକ୍ରି କରିଥିବା ବେଳେ ୨୦୨୧-୨୨ ବର୍ଷ ବିକ୍ରି ତୁଳନାରେ ୭% ଅଭିବୃଦ୍ଧି କରିପାରିଛି। ଅପରପକ୍ଷରେ ୨୦୨୧-୨୨ ଆର୍ଥିକ ବର୍ଷରେ କମ୍ପାନୀ ମୋଟ ୮୫,୬୦୯ ୟୁନିଟ୍ ଗାଡ଼ି ବିକ୍ରି କରିଥିଲା। ସେହିଭଳି କମ୍ପାନୀ ୨୦୨୨-୨୩ ଆର୍ଥିକ ବର୍ଷରେ ମୋଟ ୨୨,୭୨୨ ୟୁନିଟ୍ ଗାଡ଼ି ରପ୍ତାନି କରିଥିବା ବେଳେ ୨୦୨୧-୨୨ ଆର୍ଥିକ ବର୍ଷ ତୁଳନାରେ ୧୭% ବୃଦ୍ଧି ଘଟିଛି।
ଏପରିକି ୨୦୨୧-୨୨ ଆର୍ଥିକ ବର୍ଷରେ କମ୍ପାନୀ ୧୯,୪୦୧ ୟୁନିଟ୍ ଗାଡ଼ି ରପ୍ତାନି କରିଥିଲା। ଏ ସମ୍ପର୍କରେ ଏଚ୍ସିଆଇଏଲ୍ର ନିର୍ଦ୍ଦେଶକ ( ମାର୍କେଟିଂ ଆଣ୍ଡ ସେଲ୍ସ) ୟୁଇଚି ମୁରାଟା କହିଛନ୍ତି, ୨୦୨୨-୨୩ ଆର୍ଥିକ ବର୍ଷରେ ଆମର ବିକ୍ରି ପରିମାଣ ପୂର୍ବ ଆର୍ଥିକ ବର୍ଷ ତୁଳନାରେ ଭଲ ରହିଛି। ଏପରିକି ଆମର ଆମେଜ ଏବଂ ସିଟି ଭଳି ୨ ପ୍ରିମିୟମ ମଡେଲର ବିକ୍ରି ଉଭୟ କାରବାର ଓ ବଜାର ଅଭିବୃଦ୍ଧିରେ ବେଶ୍ ସହାୟକ ହୋଇଛି। ସେହିଭଳି କମ୍ପାନୀ ୨୦୨୩ ମାର୍ଚ୍ଚରେ ମୋଟ ୬୬୯୨ୟୁନିଟ୍ ଯାନ ଘରୋଇ ବଜାରରେ ବିକ୍ରି କରିଥିଲା ବେଳେ ୩୧୮୯ ୟୁନିଟ୍ ଯାନ ରପ୍ତାନି କରିଛି। ଅପରପକ୍ଷରେ ୨୦୨୨ ମାର୍ଚ୍ଚରେ କମ୍ପାନୀ ମୋଟ ୬୫୮୯ ୟୁନିଟ୍ ଯାନ ଘରୋଇ ବଜାରରେ ବିକ୍ରି କରିଥିବା ବେଳେ ୨୨୪୩ ୟୁନିଟ୍ ଯାନ ରପ୍ତାନି କରିଥିଲା।
