ଦିଗପହଣ୍ଡି,୧୩|୧୦(ଅଶେଷ ନାଥ ମିଶ୍ର: )ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଅଲ୍ ଓଡ଼ିଶା ଅଙ୍ଗନୱାଡ଼ି ଲେଡିଜ୍ ୱାର୍କର ଆସୋସିଏସନ୍ ବ୍ଲକ ଶାଖା କମିଟି ପକ୍ଷରୁ ପାଟପୁର ଠାରେ ସଭା ଓ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି।ସଭାନେତ୍ରୀ ପ୍ରତିମା କୁମାରୀ ଦେବୀ,ସମ୍ପାଦିକା ମମତା ବାରିକ, କୋଷାଧ୍ୟକ୍ଷା ଜି.ଇନ୍ଦ୍ରାଣୀ ଦୋରାଙ୍କ ନେତୃତ୍ୱରେ ବହୁ ସଂଖ୍ୟକ ଅଙ୍ଗନୱାଡ଼ି କର୍ମୀ ଶୋଭାଯାତ୍ରାରେ ଆସି ସାନଖେମୁଣ୍ଡି ସିଡ଼ିପିଓ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ପରେ ଆୟୋଜିତ ପ୍ରତିବାଦ ସଭାରେ ଭାରତୀୟ ମଜଦୁର ସଂଘର କାର୍ଯ୍ୟକର୍ତ୍ତା ଏ.ପ୍ରସାଦ ଦୋରା,ଉପଦେଷ୍ଟା ସାଧୁ ଚରଣ ନାହାକ,କାମେଶ୍ୱର ଜେନା,ରାଜୁ ସ୍ବାଇଁ ପ୍ରମୁଖ ଉପସ୍ଥିତ ରହି ଅଙ୍ଗନୱାଡ଼ି କର୍ମୀ ମାନଙ୍କ ନ୍ୟାର୍ଯ୍ୟ ଦାବୀପୁରଣ ପାଇଁ ଉଦବୋଧନ ଦେଇଥିଲେ। ଅଙ୍ଗନୱାଡି କର୍ମୀ ଙ୍କ ୫୫ ବର୍ଷ ବୟସରେ ସ୍ଵାସ୍ଥ୍ୟ ପ୍ରମାଣପତ୍ର ଦାଖଲକୁ ବାଧ୍ୟତାମୂଳକ ନିଷ୍ପତ୍ତିକୁ ପ୍ରତ୍ୟାହାର କରାଯାଉ।ବୟସାଧିକ କାରଣ ଦର୍ଶାଇ ସେମାନଙ୍କୁ କାର୍ଯ୍ୟରୁ ବହିଷ୍କାର ନିଷ୍ପତ୍ତିକୁ ବାତିଲ କରାଯାଉ। ଦକ୍ଷତା ଅନୁଯାୟୀ ସେମାନଙ୍କୁ ସୁପରଭାଇଜର ପଦବୀକୁ ପଦୋନ୍ନୋତି କରାଯାଉ ପ୍ରଭୃତି ୧୪ ଦଫାଦାବି ପୁରଣ ପାଇଁ ସଂଘ ପକ୍ଷରୁ ସିଡିପିଓ ଙ୍କୁ ଦସ୍ତଖତ ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଥିଲା।କାର୍ଯ୍ୟକ୍ରମରେ ସଂଘର ସମସ୍ତ ଅଙ୍ଗନୱାଡ଼ି ସେକ୍ଟର ନେତୃବୃନ୍ଦ ଉପସ୍ଥିତ ଥିଲେ।