ମାଲକାନଗିରି,୧୯।୧୦(ଡି.ଏନ.ଏ.): ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନା କିପରି ଗ୍ରାମରେ ପହହଞ୍ଚତ୍ବ ଏବଂ ଲୋକେ ଉପକଅତ ହେବେ ସେଥିପାଇଁ ସରକାର ବହୁ ଅର୍ଥ ଖର୍ଚ୍ଚ କରିଥାନ୍ତି। ମାତ୍ର ସ୍ଥାନୀୟ କେତେକ ଅଧିକାରୀଙ୍କ ଅବହେଳା ଯୋଗୁ ମାଲକାନଗିରି ଜିଲା କୋରୁକୋଣ୍ଡା ବ୍ଲକ ରଗେଇପୁସପାଲି ଗ୍ରାମରେ ଲୋକଙ୍କୁ ମିଳିପାରୁନି ମୌଳିକ ସୁବିଧା । ଏହି ଗ୍ରାମରେ ୩୫ଟି ପରିବାରର ୨୦୦ ଜଣ ଲୋକ ବସବାସ କରନ୍ତି। ଗ୍ରାମକୁ ଯାତାୟାତ ଲାଗି ଏଯାଏ ଭଲ ରାସ୍ତାଟି ନାହିଁ । ଫଳରେ ଲୋକେ ଗାଁ ପାଖ ଦେଇ ଯାଇଥିବା ନାଳ ଓ ଚେକ ଡ୍ୟାମ୍ ହୁଡାରେ ଯାତାୟତ କରୁଛନ୍ତି। କେହି ଅସସ୍ଥ ହୋଇପଡିଲେ ଗ୍ରାମପାଖକୁ ଆମ୍ବୁଲାନ୍ସ ଆସିପାରୁ ନ ଥିବାରୁ ରୋଗୀ ଚିକିତ୍ସା ପାଇଁ ହସ୍ପିଟାଲରେ ପହଞ୍ଚିବା ଅସୁବିଧା ହେଉଛି ବୋଲି ଗ୍ରାମବାସୀ କହିଛନ୍ତି। ଗ୍ରାମରେ ପିଇବା ପାଣି ସମସ୍ୟା ମଧ୍ୟ ରହିଛି। ଏଠାରେ ଦୁଇଟି ନଳକୂପ ରହିଥିବା ସତ୍ୱେ ସେଥିରୁ ଗୋଟିଏରୁ ଅଳ୍ପ ପାଣି ବାହାରିବା ପରେ ଆଉ ପାଣି ଆସୁନାହିଁ। ଅନ୍ୟ ଗୋଟିଏ ନଳକୂପ ଉପରେ ଗ୍ରାମବାସୀ ନିର୍ଭର କରିଛନ୍ତି। ଗ୍ରାମରେ ଥିବା ଅଙ୍ଗନଓ୍ବାଡି କେନ୍ଦ୍ରରେ ଜଣେ ଅଙ୍ଗନଓ୍ବାଡି କର୍ମୀ ଓ ଜଣେ ସହାୟକ ଅଛନ୍ତି। ୧୭ଜଣ ପିଲା ଆସୁଛନ୍ତି। ମାତ୍ର ଅଙ୍ଗନଓ୍ବାଡି କେନ୍ଦ୍ରର ଗୃହଟିଏ ଏଯାଏ ନାହିଁ। ଫଳରେ କୁନି କୁନି ପିଲାଙ୍କୁ କର୍ମୀ ଜଣକ ନେଇ ଗ୍ରାମ ମଝିରେ ଥିବା ଗଛମୂଳେ ପାଠ ପଢାଇ କେନ୍ଦ୍ର ଚଳୂାଉଥିବା ଦେଖିବାକୁ ମିଳୁଛି। ବର୍ଷା ହେଲେ ଗ୍ରାମର ଜଣେ ଲୋକଙ୍କ ଘରେ ଅଙ୍ଗନଓ୍ବାଡି କେନ୍ଦ୍ର ଚାଲୁଛି। ସେଠାରେ ପିଲାମାନଙ୍କୁ ରନ୍ଧା ଖାଦ୍ୟ ପ୍ରଦାନ କରାଯାଉଥିବା କର୍ମୀ ଜରକ କହିଛନ୍ତି। ଏହି ଗ୍ରାମ ଦେଇ ପୁଜାରିଗୁଡା, କୁସୁରିଗୁଡା, ସିମାକୁଣ୍ଡା ଓ କାଳିଆମୁଣ୍ଡା ଆଦି ଗ୍ରାମର ଲୋକମାନେ ତାରଲାକୋଟା ପଞ୍ଚାୟତକୁ ନିଜ କାମ ପାଇଁ ଆସିଥାନ୍ତି। ରଗେଇ ପୁସପାଲି ଗ୍ରାମବାସୀ କୋରକୁଣ୍ଡା ବିଡିଓଙ୍କୁ ଦୁଇବର୍ଷ ତଳେ ଡାକି ଆଣି ଗ୍ରାମର ସମସ୍ୟା ସମ୍ପର୍କରେ ଅବଗତ କରାଇଥିଲେ। ଏଯାଏ ସେମାନଙ୍କ କୌଣସି ସମସ୍ୟା ସମାଧାନ ପ୍ରତି ବିଡିଓ ଗୁରୁତ୍ୱ ଦେଇ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏନେଇ କୋରକୁଣ୍ଡା ବିଡିଓ ଅଂଶୁମାନ ମହାପାତ୍ରଙ୍କୁ ପଚାରିବାରୁ ସେ କହିଲେ, ଗ୍ରାମର ସମସ୍ୟାକୁଡିକ ସମାଧାନ କରାଯିବ ପ୍ରତିଶ୍ରୁତି ଦେଇଛନ୍ତି। ଏଥିସହ ଅଙ୍ଗନଓ୍ବାଡି କେନ୍ଦ୍ରର ସମସ୍ୟା ବୁଝି ଏହାର ତୁରନ୍ତ ସମାଧାନ କରିବାକୁ ସିଡିପିଓଙ୍କୁ କୁହାଯିବ ବୋଲି ପ୍ରକାଶ କରିଛନ୍ତି।
