ପଟ୍ଟାଙ୍ଗି,୨।୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅଧୀନରେ ରହିଥିବା କୋଟିଆ ପଞ୍ଚାୟତର ସୀମାନ୍ତ ଗ୍ରାମରେ ବ୍ଲକ ପ୍ରଶାସନ ପକ୍ଷରୁ ଲୋକଙ୍କୁ ଏକାଠିକରି ବୈଠକ ମାଧ୍ୟମରେ ରାଜ୍ୟ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଆଲୋଚନା ମାଧ୍ୟମରେ ବୁଝାଇଥିଲେ ।
ସୂଚନା ମୁତାବକ ଉକ୍ତ ପ୍ରଶାସନ ପକ୍ଷରୁ ପଞ୍ଚାୟତର ସୀମାବର୍ତ୍ତି ଗ୍ରାମ ଆର୍ଜୁବାଲସା ଓ ତାଡିବାଲସା ଦୁଇ ଗ୍ରାମରେ ପହଞ୍ଚି ଏକ ଜନ ସମ୍ପର୍କ ବୈଠକ ଆୟୋଜନ କରି ସୀମାନ୍ତ ବାସୀଙ୍କ ସମସ୍ୟା ସମ୍ପର୍କରେ ଅବଗତ ହୋଇଥିଲେ । ସୀମାନ୍ତବାସୀଙ୍କ ଠାରୁ ଆସିଥିବା ସମସ୍ୟା ଅତି ଶୀଘ୍ର ପର୍ଯ୍ୟାୟକ୍ରମେ ସମାଧାନ କରାଯିବ ବୋଲି ବିଡିିଓ ରାମକ୍ରିଷ୍ନା ନାୟକ ଆଲୋଚନା ମାଧ୍ୟମରେ ବୁଝାଇଥିଲେ ।
ସେପଟେ ସୀମାନ୍ତ ବାସୀଙ୍କ ଆଧାର କାର୍ଡ ଯାଞ୍ଚକରି ରାଶନ କାର୍ଡ ସହ ସଂଯୋଗ ହୋଇଛି କି ନାହିଁ ନିଜ ସହ ନେଇ ଯାଇଥିବା ରେକର୍ଡ ଯାଞ୍ଚ କରିଥିଲେ। ପରେଉପସ୍ଥିତ ସୀମାନ୍ତ ବାସିଙ୍କ EKYC କରି ଆଧାର କାର୍ଡ ଅପଡେଡ କରାଯାଇଥିଲା । ଏହି ସମୟରେ ବ୍ଲକ ଯୋଗାଣ ଅଧିକାରୀ ଅଶୋକ କୁମାର ସାହୁ, ବ୍ଲକ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ବିଏସଏସଓ ସୁଧିର୍ ସାହୁ , ଏପିଓ ସୌମେନ୍ଦ୍ର ନାୟକଙ୍କ ସହ ବ୍ଲକର ଅନ୍ୟ ବିଭାଗର ଅଧିକାରୀ, କର୍ମଚାରୀ ଯୋଗଦେଇ ନିଜ ନିଜ ବିଭାଗ ସମ୍ପର୍କରେ ଉପସ୍ଥିତ ସୀମାନ୍ତବାସୀଙ୍କୁ ବୁଝାଇ ଥିଲେ । ଉକ୍ତ କାର୍ଯ୍ୟକ୍ରମ ପଞ୍ଚାୟତ ପିଇଓ କଣ୍ଡା ଗଲରୀ ଓ ଡିଇଓ ସୁକାନ୍ତ ରୁଡି ପଞ୍ଚାୟତ କାର୍ଯ୍ୟାଳୟ ପକ୍ଷରୁ ଯୋଗାଇ ଦିଆ ଯାଉଥିବା ସୁବିଧା ସମ୍ପର୍କରେ ଅବଗତ କରାଇଥିଲେ ।
ସୂଚନାଯୋଗ୍ୟ, ପଡୋଶୀ ଆନ୍ଧ୍ର ରାଜ୍ୟର ପାର୍ବତୀପୁରମ ମାନ୍ୟାମ ଜିଲାର ସାଲୁର ବ୍ଲକ ପ୍ରଶାସନର କର୍ମଚାରୀ ଉପରସେମ୍ବି, ଗଞ୍ଜେଇ ପଦର ପରି ଅନ୍ୟ ସୀମାନ୍ତ ଗ୍ରାମରେ ପହଞ୍ଚି ଆଧାର କାର୍ଡ ଅପଡେଡ୍ କରି ରାଶନ କାର୍ଡ ପ୍ରଦାନ କରିବା ତିନିଦିନ ପରେ ଓଡ଼ିଶାର ପଟ୍ଟାଙ୍ଗି ବ୍ଲକ ପ୍ରଶାସନ କୋଟିଆ ପଞ୍ଚାୟତର ଉପରୋକ୍ତ ଗ୍ରାମରେ ପହଞ୍ଚି ଜନ ସମ୍ପର୍କ କାର୍ଯ୍ୟକ୍ରମ କରି ସୀମାନ୍ତବାସୀଙ୍କ ନିକଟରେ ପହଞ୍ଚି ଏହିପରି ପଦକ୍ଷେପ ଗ୍ରହଣ କରାଯାଇଛି ।
