ବିଶାଖାପାଟନମ,୧।୨: ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ବିଶାଖାପାଟନମରେ ଖେଳାଯାଉଛି। ଟସ ଜିତିବା ପରେ ଟିମ ଇଣ୍ଡିଆ ପ୍ରଥମେ ବ୍ୟାଟିଂ କରୁଛି। ବେନ ଷ୍ଟୋକ୍ସଙ୍କ ଅଧିନାୟକତ୍ୱରେ ଥିବା ଇଂଲଣ୍ଡ ଦଳ ପ୍ରଥମେ ବୋଲିଂ କରିବାକୁ ପଡ଼ିଆକୁ ଆସିଛି। ଇଂଲଣ୍ଡ ଖେଳୁଥିବା ଏକାଦଶରେ ଜେମ୍ସ ଆଣ୍ଡରସନଙ୍କୁ ସାମିଲ କରିଥବଲା। ଫିଲ୍ଡରେ ପ୍ରବେଶ କରିବା ମାତ୍ରେ ଆଣ୍ଡରସନ ତାଙ୍କ ନାମରେ ଏକ ସ୍ବତନ୍ତ୍ର ରେକର୍ଡ ସୃଷ୍ଟି କରିଥିଲେ। ସେ ଭାରତରେ ଟେଷ୍ଟ ଖେଳିଥିବା ପଞ୍ଚମ ବୟୋଜ୍ୟେଷ୍ଠ ଖେଳାଳି ହୋଇଛନ୍ତି।
ଭାରତରେ ଟେଷ୍ଟ ଖେଳିଥିବା ବୟୋଜ୍ୟେଷ୍ଠ ଖେଳାଳି ତାଲିକାରେ ଆଣ୍ଡରସନ ପଞ୍ଚମ ସ୍ଥାନରେ ଅଛନ୍ତି। ତାଙ୍କୁ ୪୧ ବର୍ଷ ବୟସ ୧୮୭ ଦିନ। ବିନୁ ମଙ୍କଡ ଚତୁର୍ଥ ସ୍ଥାନରେ ଅଛନ୍ତି। ସେ ୧୯୫୯ରେ ୪୧ ବର୍ଷ ୩୦୦ ଦିନରେ ଟେଷ୍ଟ ଖେଳିଥିଲେ। ୧୯୩୪ରେ ହ୍ୟାରି ଏଲିଅଟ ଏକ ଟେଷ୍ଟ ମ୍ୟାଚ ଖେଳିଥିଲେ। ଏହି ତାଲିକାରେ ଜୋନ ଟ୍ରାଇକୋସ ଶୀର୍ଷରେ ଅଛନ୍ତି। ସେ ୪୫ ବର୍ଷ ୩୦୦ ଦିନ ବୟସରେ ଭାରତରେ ଏକ ଟେଷ୍ଟ ମ୍ୟାଚ ଖେଳିଥିଲେ।
ସୂଚନାଯୋଗ୍ୟ ଯେ, ଜେମ୍ସ ଆଣ୍ଡରସନଙ୍କ ରେକର୍ଡ ଏପର୍ଯ୍ୟନ୍ତ ଭଲ ରହିଛି। ସେ ୧୮୪ଟି ଟେଷ୍ଟ ମ୍ୟାଚରେ ୬୯୦ ଉଇକେଟ ନେଇଛନ୍ତି। ଏହି ଅବଧି ମଧ୍ୟରେ ଏକ ଇନିଂସରେ ୪୨ ରନ ଦେଇ ୭ ଉଇକେଟ୍ ନେବା ତାଙ୍କ ସର୍ବଶ୍ରେଷ୍ଠ ପ୍ରଦର୍ଶନ। ଟେଷ୍ଟରେ ଆଣ୍ଡରସନ ସର୍ବାଧିକ ୧୧ ଉଇକେଟ ନେଇଛନ୍ତି। ଆଣ୍ଡରସନ ତାଙ୍କ ଟେଷ୍ଟ କ୍ୟାରିୟରରେ ୭୦୦ ଉଇକେଟ ପୂରଣ କରିବାକୁ ଯାଉଛନ୍ତି। କିନ୍ତୁ ଏଥିପାଇଁ ତାଙ୍କୁ ୧୦ଟି ଉଇକେଟ ନେବାକୁ ପଡିବ। ସେ ୧୯୪ଟି ମ୍ୟାଚରେ ୨୬୯ ଉଇକେଟ ନେଇଛନ୍ତି।
