ମୁମ୍ବାଇ: ବଲିଉଡ୍ ନାୟିକା ଅନନ୍ୟା ପାଣ୍ଡେ ଓ ଅଭିନେତା ଆଦିତ୍ୟ ରୟ କପୁରଙ୍କ ଡେଟିଂ ର୍ୟୁମସର୍ର୍ ବେଶ କିଛିଦିନ ହେବ ଚର୍ଚ୍ଚାରେ ରହିଛି। ଉଭୟଙ୍କୁ ଅନେକ ଥର କିଛି ଇଭେଣ୍ଟରେ ସ୍ପଟ୍ ବି କରାଯାଇଛି। ଦୁହେଁ ନିଜ ରିଲେଶନ ବିଷୟରେ ଏପର୍ଯ୍ୟନ୍ତ ମୁହଁ ଖୋଲି ନ ଥିଲେ ବି ଶୁକ୍ରବାର ରାତିରେ ପୁଣି ଥରେ ଏହି କପଲ ମୁମ୍ବାଇରେ ଡିନର ଡେଟ୍ରେ ନଜର ଆସିଥିଲେ। ଏହି ଲଭବାର୍ଡ ପରସ୍ପରଙ୍କ ହାତ ଧରିଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଉଭୟଙ୍କ ମଧ୍ୟରେ କିଛି ଚାଲିଥିବା ନେଇ ଏଥିରୁ ଅନୁମାନ କରାଯାଉଛି। ଭାଇରାଲ ଭିଡିଓରେ ଅନନ୍ୟା ଏବଂ ଆଦିତ୍ୟ ମୁମ୍ବାଇର ଏକ ରେଷ୍ଟୁରାଣ୍ଟରେ ସେମାନଙ୍କର କେତେଜଣ ସାଙ୍ଗଙ୍କ ସହ କଥା ହେଉଥିବା ଦେଖିବାକୁ ମିଳିଛି। କୌତୁହଳର ବିଷୟ, ଭାଇରାଲ କ୍ଲିପରେ ‘ଷ୍ଟୁଡେଣ୍ଟ ଅଫ୍ ଦି ଇୟର ୨’ ତାରକା ଆଦିତ୍ୟଙ୍କ ହାତ ଧରି କାହା ସହିତ କଥାବାର୍ତ୍ତା ହୋଇଥିବା ଦେଖିବାକୁ ମିଳିଥିଲା। କେବଳ ଏତିକି ନୁହେଁ, ଅଭିନେତ୍ରୀ ଆଦିତ୍ୟଙ୍କ କାନ୍ଧରେ ମଧ୍ୟ ମୁଣ୍ଡ ରଖିଥିଲେ। ଉଭୟେ ଡେଟିଂ କରୁଥିବା ଏଥିରୁ ନିଶ୍ଚିତ ହୋଇଛି। ଗତବର୍ଷ ଅନନ୍ୟା କଫି ଓ୍ବିଥ କରନ ୭ ସିଜନରେ ଆସିବା ଦିନଠାରୁ ଆଦିତ୍ୟଙ୍କ ସହ ତାଙ୍କର ଡେଟିଂ ଗୁଜବ ବ୍ୟାପିଥିଲା। ଏହି ସମୟରେ ସେମାନଙ୍କ ରିଲେଶନ ବିଷୟରେ କରନ ସାମାନ୍ୟ ହିଣ୍ଟ୍ସ୍ ଦେଇଥିଲେ। ପୂର୍ବରୁ ଅନନ୍ୟା ଏବଂ ଆଦିତ୍ୟ ୟୁରୋପରେ ମଧ୍ୟ ଏକ ରୋମାଣ୍ଟିକ ଭ୍ୟାକେଶନ ଉପଭୋଗ କରିଥିଲେ। ସେହିପରି ଦୁଇଷ୍ଟାର ଏକାଠି ମାଦ୍ରିଦରେ ଆର୍କଟିକ୍ ମଙ୍କିଜ କନସର୍ଟରେ ଯୋଗଦେଇଥିଲେ।
