ନନ୍ଦପୁର,୩ା୮(ତୁଷାରକାନ୍ତ ମହାନ୍ତି): କୋରାପୁଟ ଜିଲା ନନ୍ଦପୁର ଥାନା ଅଧୀନ କୁମାରଗନ୍ଧନା ପଞ୍ଚାୟତର ପାଲିବା ରେଳ ଷ୍ଟେଶନ ବାହାରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ପୋଲିସ ଉଦ୍ଧାର କରିଛି। ବ୍ୟକ୍ତିଜଣଙ୍କ ପରିଚୟ ମିଳିନି। ସେ ୩/୪ ଦିନ ହେଲା ଷ୍ଟେଶନ ଅଞ୍ଚଳରେ ବୁଲାବୁଲି କରୁଥିଲେ। ବର୍ଷା କିମ୍ବା ରାତି ହେଲେ ଷ୍ଟେଶନ ବେଞ୍ଚରେ ରହୁଥିଲେ। ରବିବାର ରାତିରେ ଷ୍ଟେଶନ ବାହାରେ ଚଲାବୁଲା କରୁଥିବାବେଳେ ହଠାତ୍ ରକ୍ତବାନ୍ତି କରି ରାସ୍ତାକଡ଼କୁ ଟଳି ପଡ଼ିଥିଲେ ବୋଲି ସ୍ଥାନୀୟ ଲୋକେ ସୂଚନା ଦେଇଛନ୍ତି। ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସକୁ ସୂଚନା ଦିଆଯାଇ ଥିଲା। ନନ୍ଦପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେବାରେ ଉପସ୍ଥିତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ନନ୍ଦପୁର ପୋଲିସ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଶବ ବ୍ୟବଚ୍ଛେଦ ଗୃହରେ ମୃତଦେହ ରଖି ମୃତ ବ୍ୟକ୍ତି ଜଣଙ୍କ ପରିଚୟ ଖୋଜୁଛି। ଯଦି କେହି ବ୍ୟକ୍ତି ଜଣଙ୍କୁ ଜାଣି ଥାଆନ୍ତି ତା’ ହେଲେ ତାଙ୍କ ପରିବାର ସମେତ ନନ୍ଦପୁର ପୋଲିସକୁ ସୂଚନା ଦେବାକୁ ଅନୁରୋଧ କରିଛନ୍ତି।
