ଭଦ୍ରକ,୩ା୮: ଭଦ୍ରକ ଜିଲା ଧୂଷୁରୀ ଥାନା ଅନ୍ତର୍ଗତ ପଙ୍ଗଟା ଗ୍ରାମର ଜଣେ ବୃଦ୍ଧା ଘରୁ ରାଗି କି କେଉଁଆଡ଼େ ଚାଲିଯାଇଛନ୍ତି। ବୃଦ୍ଧା ଜଣକ ହେଲେ ଚିତ୍ତରଞ୍ଜନ ସାହୁଙ୍କ ସ୍ତ୍ରୀ ରମାମଣି(୬୦)। ଗୁରୁବାର ଘରେ କିଛି କଥାକୁ ନେଇ ସାମାନ୍ୟ ପାଟିତୁଣ୍ଡ ହୋଇଥିଲା। ଏଥିରେ ରାଗି କି ରମାମଣି କେଉଁଆଡ଼େ ପଳାଇଛନ୍ତି। ପରିବାର ଲୋକେ ବନ୍ଧୁବାନ୍ଧବ ଆତ୍ମୀୟ ସ୍ବଜନଙ୍କ ଘରେ ଖୋଜାଖୋଜି କରିଥିଲେ ମଧ୍ୟ ଏଯାଏ କୌଣସି ସନ୍ଧାନ ପାଇପାରୁନାହାନ୍ତି। ଏନେଇ ଧୂଷୁରୀ ଥାନାରେ କେସ୍ ନଂ ୮୭/୨୪ରେ ଏକ ମାମଲା ରୁଜୁ ହେବା ସହ ପୋଲିସ ତଦନ୍ତ ଚଳାଇଛି। ଅନ୍ୟପକ୍ଷରେ ବୃଦ୍ଧା ରମାମଣିଙ୍କୁ ନ ପାଇ ପରିବାର ଲୋକେ ଦୁଃଖରେ ଭାଙ୍ଗି ପଡ଼ିଥିବା ବେଳେ ତାଙ୍କ ଫେରିବା ବାଟକୁ ଚାହିଁ ବସିଛନ୍ତି।
