ପାଟଣା,୬ା୧୦(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ରେଞ୍ଜ ଉଦୟପୁର ବିଟ୍ ଅଞ୍ଚଳ ବରବେଡ଼ା ଗ୍ରାମର ଦୟାନିଧି ନାଏକ ଓ ହଳଦୀ ବଟା ମୁଣ୍ଡା ସାହିର ଦଡେ ମୁଣ୍ଡାଙ୍କ ଖପର ଘର ଭାଙ୍ଗି ଦେଇଛି ଗୋଠଛଡ଼ା ଦନ୍ତା। ଦୟାନିଧି ଓ ଦଡେ ଘରେ ଶୋଇଥିବା ବେଳ ହାତୀ ଘର ଭାଙ୍ଗିଦେଇଥିଲା। ଉଭୟ ଘରୁ ଦୌଡ଼ି ପଳାଇଥିଲେ। ଫଳରେ ଅଳ୍ପକେ ବର୍ତ୍ତି ଯାଇଛନ୍ତି। ଦନ୍ତା ଘର ଭାଙ୍ଗି ଧାନ ଚାଉଳ ଖାଇଦେଉଛି। ଏହି ଦନ୍ତା ଗୁରୁବାର ସନ୍ଧ୍ୟାରେ ଦ୍ରୌପଦୀ ହୁଡ଼ିରେ ଡେରା ପକାଇଥିବା ସାହାରପଡ଼ା ବନପାଳ ଭୂପତି ସେଠୀ କହିଛନ୍ତି। ଅନ୍ୟପକ୍ଷରେ ୧୮ ଟିକିଆ ବଣୁଆ ହାତୀପଲ ପାଟଣା ରେଞ୍ଜ ସାହାରପଡ଼ା ସେକ୍ସନ ଅଞ୍ଚଳରେ ଉପଦ୍ରବ ଜାରି ରଖିଛନ୍ତି। ବୁଧବାର ବିଳମ୍ବିତ ରାତିରେ ହାତୀପଲ ଜୁମେଇଁ, ମଲାରପଦା, ବାଲିତୋଟା, ମୟୂରପଙ୍ଖା ଅଞ୍ଚଳରେ ବ୍ୟପାକ ଧାନ ସହ କଖାରୁଚାଷ ନଷ୍ଟ କରିଛନ୍ତି। ୧୮ ଟିକିଆ ହାତୀପଲ କରଞ୍ଜିଆ ରେଞ୍ଜ ବଡ଼ ଦେଉଳି ଜଙ୍ଗଲରେ ଥିବା ବନବିଭାଗ ସୂଚନା ଦେଇଛି। ମୂଷାଖରୀ କାଶିଆ ଜଙ୍ଗଲରେ ୨ଟି ଗୋଠଛଡ଼ା ହାତୀ ଡେରା ପକାଇଥିବା ଜଣାପଡ଼ିଛି।
