ଭୁବନେଶ୍ୱର,୨୩।୩: ଆର୍ସଲର ମିତ୍ତଲ ନିପ୍ପନ୍ ଷ୍ଟିଲ ଇଣ୍ଡିଆ (ଏଏମ୍ଏନ୍ଏସ୍ ଇଣ୍ଡିଆ) ର ଓଡ଼ିଶା ୟୁନିଟ୍ ପକ୍ଷରୁ ୫୨ତମ ଜାତୀୟ ସୁରକ୍ଷା ସପ୍ତାହ (ଏନ୍ଏସ୍ଡବ୍ଲ୍ୟୁ) ପାଳିତ ହୋଇଯାଇଛି। ଏପରିକି କମ୍ପାନୀର ସମସ୍ତ କାର୍ଯ୍ୟ କ୍ଷେତ୍ର (ଓଡ଼ିଶା) ଠାରେ ମଧ୍ୟ ଏହା ପାଳନ କରାଯାଇଥିଲା। ବିଶେଷକରି ସପ୍ତାହବ୍ୟାପୀ ଆୟୋଜିତ ବିଭିନ୍ନ କାର୍ଯ୍ୟକ୍ରମରେ କମ୍ପାନୀର ବରିଷ୍ଠ ନେତୃତ୍ୱବୃନ୍ଦ, ବ୍ୟବସାୟ ସହଯୋଗୀ, କର୍ମଚାରୀ ଏବଂ କାରଖାନା ପରିଚାଳନାଠାରେ ନିୟୋଜିତ ଶ୍ରମିକ ପ୍ରତ୍ୟକ୍ଷ ଭାବେ ଯୋଗଦାନ କରିଥିଲେ।
ଏ ସମ୍ପର୍କରେ ଏଏମ୍ଏନ୍ଏସ୍ ଇଣ୍ଡିଆ (ଓଡ଼ିଶା ଅପରେଶନ)ର କାର୍ଯ୍ୟନିର୍ବାହୀ ଅଧିକାରୀ ସୁରେଶା.ଜି କହିଛନ୍ତି, ନିରପତ୍ତା ଏକ ବ୍ୟକ୍ତିଗତ ତଥା ସାମୂହିକ ଦାୟିତ୍ୱବୋଧତା। ଏପରିକି କମ୍ପାନୀ ପରିସରରେ କାର୍ଯ୍ୟ କରୁଥିବା ସମସ୍ତ କର୍ମଚାରୀ ଏବଂ ଶ୍ରମିକମାନଙ୍କ ସ୍ବାସ୍ଥ୍ୟ ଏବଂ ସୁରକ୍ଷାକୁ ଏକ ଦୃଷ୍ଟାନ୍ତମୂଳକ ସ୍ତର ସ୍ଥିର କରିବାକୁ ଆମେ ପ୍ରତିଶ୍ରୁତିବଦ୍ଧ। ବିଶେଷକରି ଆମେ ସ୍ବାସ୍ଥ୍ୟ ଏବଂ ସୁରକ୍ଷାକୁ ଏକ ସାମାଜିକୀକରଣ କରିବାକୁ ଲକ୍ଷ୍ୟ ରଖିବା ସହ ବିଭିନ୍ନ ଆଚରଣ ଭିତ୍ତିକ ଅଧିବେଶନ, କ୍ରସ୍ ଫଙ୍କ୍ସନାଲ ଶପ୍ ଫ୍ଲୋର ଅଡିଟ୍, ବିଭିନ୍ନ ପୁରସ୍କାର ଏବଂ ସ୍ବୀକୃତି ଇତ୍ୟାଦିର କାର୍ଯ୍ୟକ୍ରମ ଆରମ୍ଭ କରିଛୁ। ଏପରିକି ଯେକୌଣସି କାରଖାନା ପାଇଁ ବ୍ୟବସାୟିକ ସ୍ବାସ୍ଥ୍ୟ ଏବଂ ସୁରକ୍ଷା ଉପରେ ସର୍ବଦା ପ୍ରାଥମିକତା ଦେବା ନିତାନ୍ତ ଜରୁରୀ। ଅପରପକ୍ଷରେ ଜାତୀୟ ନିରାପତ୍ତା ସପ୍ତାହ-୨୦୨୩ର ଶୁଭାରମ୍ଭ ଅବସରରେ ଆୟୋଜିତ କାର୍ଯ୍ୟକ୍ରମରେ ୧୭୦ରୁ ଅଧିକ କର୍ମଚାରୀ ଓ ବ୍ୟବସାୟିକ ସହଯୋଗୀ ଅଂଶଗ୍ରହଣ କରିଥିଲେ।
