ନୂଆଦିଲ୍ଲୀ,୨୦।୩: ଆଜି ବିଶ୍ୱ ଖୁସି ଦିବସ ଏବଂ ଏହି ଅବସରରେ “ବିଶ୍ୱ ଖୁସି ରିପୋର୍ଟ 2025” ମଧ୍ୟ ପ୍ରକାଶିତ ହୋଇଛି। ଫିନଲାଣ୍ଡ ଲଗାତାର ଅଷ୍ଟମ ବର୍ଷ ପାଇଁ ସବୁଠାରୁ ଖୁସି ଦେଶ ହେବାର ମୁକୁଟ ପିନ୍ଧାଯିବା ଆଶ୍ଚର୍ଯ୍ୟର କଥା ନୁହେଁ। ଏହାର ଅର୍ଥ ହେଉଛି ଯେ ନର୍ଡିକ ଦେଶଗୁଡ଼ିକ ଖୁସି ପାଇଁ ଦୌଡ଼ରେ ପ୍ରାଧାନ୍ୟ ବିସ୍ତାର କରିଚାଲିଛନ୍ତି। ଡେନମାର୍କ, ଆଇସଲାଣ୍ଡ ଏବଂ ସ୍ବିଡେନ ମଧ୍ୟ ଶ୍ରେଷ୍ଠ ୪ ମଧ୍ୟରେ ଅଛନ୍ତି।
ଅକ୍ସଫୋର୍ଡ ବିଶ୍ୱବିଦ୍ୟାଳୟର ୱେଲବିଂ ରିସର୍ଚ୍ଚ ସେଣ୍ଟରର ଏହି ରିପୋର୍ଟରୁ ଜଣାପଡିଛି ଯେ ଆର୍ଥିକ ସମୃଦ୍ଧି ଅପେକ୍ଷା ଖୁସିରେ ବିଶ୍ୱାସ, ସହଯୋଗ ଏବଂ ସମାଜ ପ୍ରତି ଏକ ସକାରାତ୍ମକ ଦୃଷ୍ଟିକୋଣ ଅଧିକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। କିନ୍ତୁ ପ୍ରଶ୍ନ ହେଉଛି ଖୁସି ଦେଶ ବିଷୟରେ ଜାଣିଲେ ମଧ୍ୟ ସବୁଠାରୁ ଦୁଃଖୀ ଦେଶ କେଉଁଗୁଡ଼ିକ?
ନର୍ଡିକ ଦେଶଗୁଡ଼ିକ ଶୀର୍ଷ ସ୍ଥାନ ଅଧିକାର କରିଥିଲେ ମଧ୍ୟ, ଆମେରିକା ଏବଂ ୟୁକେ ରାଙ୍କିଂରେ ନିରନ୍ତର ହ୍ରାସ ପାଇଛି। ପୂର୍ବରୁ ଶ୍ରେଷ୍ଠ 20 ମଧ୍ୟରେ ସାମିଲ ଥିବା ଆମେରିକା ଏବେ ଏହି ତାଲିକାରେ ଆହୁରି ତଳକୁ ଖସିଯାଇଛି। ବିଶେଷଜ୍ଞଙ୍କ ମତରେ, ଆମେରିକାରେ ବଢ଼ୁଥିବା ସାମାଜିକ ଅସମାନତା, ଚାପ ଏବଂ ମାନସିକ ସୱାସ୍ଥ୍ୟ ସମସ୍ୟା ଲୋକଙ୍କ କଲ୍ୟାଣ ଉପରେ ନକାରାତ୍ମକ ପ୍ରଭାବ ପକାଉଛି। ସେହିପରି, ବ୍ରିଟେନ ମଧ୍ୟ ଏହାର ପୂର୍ବ ରାଙ୍କିଂ ତଳେ ଖସିଯାଇଛି, ଯାହା ସୂଚାଇ ଦିଏ ଯେ ବିକଶିତ ଦେଶଗୁଡ଼ିକରେ ଖୁସି କେବଳ GDP ଅଭିବୃଦ୍ଧି ଦ୍ୱାରା ର୍ନିଣ୍ଣୟ କରାଯାଏ ନାହିଁ।
୨୦୦୫-୨୦୧୦ ତୁଳନାରେ ପାଶ୍ଚାତ୍ୟ ଶିଳ୍ପ ଦେଶଗୁଡ଼ିକରେ ଖୁସିର ଗ୍ରାଫ ଏବେ ନିମ୍ନଗାମୀ ହୋଇଛି। ୧୫ଟି ଦେଶରେ ଖୁସି ସ୍ତର ହ୍ରାସ ପାଇଛି, ଯେତେବେଳେ କେବଳ ୪ଟି ଦେଶରେ ଉନ୍ନତି ହୋଇଛି। ବିଶେଷକରି, ଆମେରିକା, ସ୍ବିଜରଲାଣ୍ଡ ଏବଂ କାନାଡାରେ ୦.୫ ପଏଣ୍ଟରୁ ଅଧିକ ହ୍ରାସ ଘଟିଛି, ଯାହା ସେମାନଙ୍କୁ “ଶ୍ରେଷ୍ଠ ୧୫ ସବୁଠାରୁ ଅବସାଦଗ୍ରସ୍ତ” ଦେଶ ତାଲିକାରେ ସ୍ଥାନିତ କରିଛି।
ଆଫଗାନିସ୍ତାନ ପୁଣିଥରେ ବିଶ୍ୱର ସବୁଠାରୁ ଦୁଃଖୀ ଦେଶ ମଧ୍ୟରୁ ଗୋଟିଏ ପାଲଟିଛି। ଆଫଗାନ ମହିଳାମାନେ କହିଛନ୍ତି ଯେ ଏହି ଦେଶରେ ଜୀବନ ଏକ ସଂଘର୍ଷ ପାଲଟିଛି। ପଶ୍ଚିମ ଆଫ୍ରିକାର ସିଏରା ଲିଓନ ଦ୍ୱିତୀୟ ସ୍ଥାନରେ ଥିବା ବେଳେ ଲେବାନନ ତୃତୀୟ ସର୍ବାଧିକ ଗରିବ ଦେଶ ଭାବରେ ସ୍ଥାନିତ ହୋଇଛି।
ଗ୍ୟାଲପ ସିଇଓ ଜନ କ୍ଲିଫ୍ଟନଙ୍କ ଅନୁସାରେ, ଖୁସି କେବଳ ଟଙ୍କା କିମ୍ବା ଅଭିବୃଦ୍ଧି ଉପରେ ର୍ନିଭର କରେ ନାହିଁ, ବରଂ ଏହା ପରସ୍ପର ଉପରେ ମଧ୍ୟ ର୍ନିଭର କରେ ଯେ ଲୋକମାନେ ପରସ୍ପର ଉପରେ କେତେ ବିଶ୍ୱାସ କରନ୍ତି ଏବଂ ସେମାନେ ପରସ୍ପର ପ୍ରତି କେତେ ସହାୟକ। ଗବେଷକମାନେ ବିଶ୍ୱାସ କରନ୍ତି ଯେ ପରିବାର ସହିତ ଭୋଜନ କରିବା, ବିଶ୍ୱସ୍ତ ବ୍ୟକ୍ତିଙ୍କ ସାଥ ଏବଂ ସାମାଜିକ ସମର୍ଥନ ଭଳି ଛୋଟ ସାମାଜିକ କାରଣଗୁଡ଼ିକ ଖୁସିର ପ୍ରମୁଖ କାରଣ ମଧ୍ୟରୁ ଗୋଟିଏ।
ଯଦିଓ ୟୁରୋପୀୟ ଦେଶଗୁଡ଼ିକ ଏପର୍ଯ୍ୟନ୍ତ ଶ୍ରେଷ୍ଠ 20ଟିରେ ପ୍ରାଧାନ୍ୟ ବିସ୍ତାର କରୁଛନ୍ତି, କିନ୍ତୁ ଏଥର କିଛି ନୂଆ ଦେଶ ଶ୍ରେଷ୍ଠ 10ଟିରେ ସ୍ଥାନ ପାଇଛନ୍ତି। ପ୍ରଥମ ଥର ପାଇଁ ବିଶ୍ୱର ୧୦ଟି ଖୁସି ଦେଶ ମଧ୍ୟରେ କୋଷ୍ଟାରିକା ଏବଂ ମେକ୍ସିକୋ ସ୍ଥାନ ପାଇଛନ୍ତି। ରିପୋର୍ଟରେ କୁହାଯାଇଛି ଯେ ମେକ୍ସିକୋ ଏବଂ ୟୁରୋପରେ ଚାରିରୁ ପାଞ୍ଚ ଜଣ ସଦସ୍ୟ ଥିବା ପରିବାର ସବୁଠାରୁ ସନ୍ତୁଷ୍ଟ ଜୀବନଯାପନ କରନ୍ତି। କେବଳ ଏତିକି ନୁହେଁ, ବର୍ତ୍ତମାନ ଯୁଦ୍ଧ ଭଳି ପରିସ୍ଥିତିର ସମ୍ମୁଖୀନ ହେଉଥିବା ଇସ୍ରାଏଲ ମଧ୍ୟ ଅଷ୍ଟମ ସ୍ଥାନରେ ରହିଛି।
