ଭୁବନେଶ୍ୱର,୨୮।୯: ଶ୍ରମ ଓ ନିଯୁକ୍ତି ମନ୍ତ୍ରଣାଳୟ (ଏଲ୍ ଆଣ୍ଡ ଇଏମ୍) ଏବଂ ଆମାଜନ୍ ଇଣ୍ଡିଆ ମଧ୍ୟରେ ଏକ ଦ୍ୱିପାକ୍ଷିକ ବୁଝାମଣା ନିକଟରେ ହୋଇଯାଇଛି। ଏପରିକି ପ୍ଲାଟ୍ଫର୍ମ (ଆମାଜନ୍) ନ୍ୟାଶନାଲ କ୍ୟାରିୟର ସର୍ଭିସ୍ (ଏନ୍ସିଏସ୍) ପୋର୍ଟଲକୁ ଉପଯୋଗ କରିବା ଲାଗି ଏଲ୍ ଆଣ୍ଡ ଇଏମ୍ ସହ ଏକ ବୁଝାମଣାପତ୍ର (ଏମ୍ଓୟୁ) ସ୍ବାକ୍ଷରିତ କରିଛି। ଏହାଫଳରେ ଭାରତବ୍ୟାପୀ ରୋଜଗାର ସନ୍ଧାନ କରୁଥିବା ବ୍ୟକ୍ତିଙ୍କ ପାଇଁ ଆମାଜନ୍ ଓ ଏହାର ଷ୍ଟାଫିଙ୍ଗ୍ ଏଜେନ୍ସିଗୁଡିକୁ ଏନ୍ସିଏସ୍ ପୋର୍ଟାଲ ଜରିଆରେ ଜବ୍ ଓପ୍ନିଂ ପୋଷ୍ଟ କରିବା ଓ ପ୍ରାର୍ଥୀ ହାସଲ କରିବାରେ ସାହାଯ୍ୟ କରିବ। ଏହି ସହଭାଗିତା ଭାରତରେ ଉଭୟ ରୋଜଗାର ସନ୍ଧାନକାରୀ ବ୍ୟକ୍ତି ଓ ନିଯୁକ୍ତିଦାତାମାନେ ସମ୍ମୁଖୀନ ହେଉଥିବା ଆହ୍ବାନଗୁଡିକୁ ସମାଧାନ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ପାଲଟିବ। ଏସ୍ଏସ୍ସି ପୋର୍ଟାଲରେ ପଞ୍ଜୀକରଣ କରାଇଥିବା ନିଯୁକ୍ତି ସନ୍ଧାନକାରୀଙ୍କ ମୋଟ ସଂଖ୍ୟା ୮୭ଲକ୍ଷରୁ ଅଧିକ ଥିଲା ବୋଲି ମନ୍ତ୍ରଣାଳୟ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି।
କେନ୍ଦ୍ରମନ୍ତ୍ରୀ ଡା. ମନ୍ସୁଖ ମାଣ୍ଡବ୍ୟ କହିଛନ୍ତି, ଆମେ ଏହି ମୂଲ୍ୟବାନ ସହଯୋଗୀରେ ପରିଣତ ସାଙ୍ଗକୁ ଏନ୍ସିଏସ୍ ପୋର୍ଟାଲ ସହ ଜଡ଼ିତ ହୋଇଥିବାରୁ ଆମାଜନ୍ ଇଣ୍ଡିଆକୁ ପ୍ରଶଂସା କରୁଛୁ। ଏପରିକି ଏହି ସହଭାଗିତା ଆମାଜନ୍ରେ କାର୍ଯ୍ୟ ସୁଯୋଗଗୁଡିକର ବର୍ଦ୍ଧିତ ଦୃଶ୍ୟମାନତା କ୍ଷେତ୍ରରେ ଦୀର୍ଘ ପଥ ଅତିକ୍ରମ କରିବ। ଭାରତ, ଜାପାନ ଓ ଉଦୀୟମାନ ବଜାରଗୁଡିକରେ ଆମାଜନ୍ ଷ୍ଟୋର୍ସର ଏଚ୍ଆର୍/ପିପୁଲ୍ସ ଏକ୍ସପେରିଏନ୍ସ ଆଣ୍ଡ ଟେକ୍ନୋଲୋଜି ବିଭାଗର ଉପାଧ୍ୟକ୍ଷ ଦୀପ୍ତି ବର୍ମା କହିଛନ୍ତି, ଆମେ ଏନ୍ସିଏସ୍ର ବିସ୍ତୃତ ନେଟ୍ୱର୍କରେ ଆମର ପ୍ରାର୍ଥୀଙ୍କର ଅନ୍ବେଷଣକୁ ଅନ୍ତର୍ଭୁକ୍ତ କରିବା ପାଇଁ କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ସହ ସହଭାଗିତା କରି ଉତ୍ସାହିତ ଅଛୁ। ଏପରିକି ନ୍ୟାଶନାଲ କ୍ୟାରିୟର ସର୍ଭିସ୍ ପୋର୍ଟାଲରେ ଆମାଜନ୍ରେ ନିଯୁକ୍ତି ସୁଯୋଗଗୁଡ଼ିକୁ ତାଲିକାଭୁକ୍ତ କରିବା ଦ୍ୱାରା ଭାରତବ୍ୟାପୀ ନିଯୁକ୍ତି ସନ୍ଧାନକାରୀମାନେ ଆମେ ପ୍ରଦାନ କରୁଥିବା ବିଭିନ୍ନ ପଦବୀ ପାଇଁ ପହଞ୍ଚ ହାସଲ କରିପାରିବେ।
