ନୂଆଦିଲ୍ଲୀ,୨୧ ।୩: ଆମେଜନ ପକ୍ଷରୁ ପୁଣିଥରେ ଛଟେଇ ଖବର ସାମ୍ନାକୁ ଆସିଛି । ଆମେଜନ ତା’ର ଭିନ୍ନ ଭିନ୍ନ ଡିପାର୍ଟମେଣ୍ଟରୁ ପ୍ରାୟ ୯୦୦୦ ଲୋକଙ୍କୁ ଛଟେଇ କରିବାକୁ ପ୍ରସ୍ତୁତ ହୋଇଛି । ଅଧିକାଂଶ କର୍ମଚାରୀଙ୍କ ଛଟେଇ ୱେବ ସର୍ଭିସେସ, ପିପୁଲ, ଏକ୍ସପିରିୟନ୍ସ, ଆଡଭର୍ଟାଇଜିଂ ଟିସ୍ୱିଚରେ କରାଯିବ । ଆମେଜନର ସିଇଓ ଏଣ୍ଡି ଜୈସି କର୍ମଚାରୀଙ୍କୁ ପଠାଯାଇଥିବା ମେମୋରେ ଛଟେଇକୁ ନେଇ ଏହା କହିଛନ୍ତି । ସେ କହିଛନ୍ତି ଦୀର୍ଘଦିନ ଧରି କମ୍ପାନୀର ସଫଳତା ପାଇଁ ଏହା କରିବା ଜରୁରୀ ଥିଲା ।
ଏହାପୂର୍ବରୁ ବି ନଭେମ୍ବର ୨୦୨୨ରେ ଆମେଜନ ତା’ର ବିଭିନ୍ନ ବିଭାଗରୁ ପ୍ରାୟ ୧୮,୦୦୦ କର୍ମଚାରୀଙ୍କୁ ଛଟେଇ କରିଥିଲା । ଏହି ଛଟେଇ ଫଳରେ ଗ୍ରେଡ ୧ରୁ ଗ୍ରେଡ ୭ ପର୍ଯ୍ୟନ୍ତ ସମସ୍ତ ବିଭାଗର କର୍ମଚାରୀ ପ୍ରଭାବିତ ହୋଇଥିଲେ । ଆମେନର ମ୍ୟାନେଜରଙ୍କୁ କର୍ମଚାରୀଙ୍କ ପରଫରମାନ୍ସକୁ ଷ୍ଟଡି କରିବାକୁ କୁହାଯାଇଥିଲା । ସାରା ବିଶ୍ୱରେ ଆମେଜନର ୧୫ ଲକ୍ଷ କର୍ମଚାରୀ ରହିଛନ୍ତି । ଯେଉଁ କର୍ମଚାରୀଙ୍କୁ ଛଟେଇ କରାଯାଉଛି ସେମାନଙ୍କୁ ୨୪ ଘଣ୍ଟା ପୁର୍ବରୁ ନୋଟିସ ଓ ସେଭେରେଂସ ପେ ଦିଆଯିବ । ଏହ ଆମେଜନ ଇତିହାସରେ ପଞ୍ଚମ ଥର ଲାଗି ସବୁଠାରୁ ବଡ ଛଟେଇ ।
