ବଲାଙ୍ଗୀର,୧୧।୬(ସୁନିଲ କୁମାର ମହାନ୍ତି): ବଲାଙ୍ଗୀର ଆମ ଆଦମୀ ପାର୍ଟି ଜିଲା ସଭାପତି ତଥା ରାଷ୍ଟ୍ରୀୟ ପରିଷଦ ସଦସ୍ୟ ଆଶିଷ ପାଣ୍ଡେଙ୍କ ନେତୃତ୍ୱରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରାଯାଇଛି । ଗୁରୁବାର ବଲାଙ୍ଗୀର ଜିଲାପାଳଙ୍କ କାର୍ଯ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଆମ ଆଦମୀ ପାର୍ଟୀ ପକ୍ଷରୁ ରାଷ୍ଟ୍ରପତିଙ୍କୁ ବଲାଙ୍ଗୀର ଜିଲାପାଳଙ୍କ ଜରିଆରେ NEET ପରୀକ୍ଷାରେ ଘଟିଥିବା ପେପର ଲିକ ଓ ସରକାରଙ୍କ ଅପାରକତା ବିରୋଧରେ ଏବଂ ଶିକ୍ଷ୍ୟାମନ୍ତ୍ରୀ ଧର୍ମେନ୍ଦ୍ର ପଧାନଙ୍କ ଇସ୍ତଫା ଦାବି କରିଛି । ଏନେଇ ଆମ ଆଦମୀ ପରଟି ବଲାଙ୍ଗୀର ସ୍ଥିତ ଯାଦବ ଭବନ ଠାରୁ ଏକ ଶୋଭାଯାତ୍ରାରେ ବାହାରି ଜିଲାପାଳ ଅଫିସ ସମ୍ମୁଖ ରେ ପହଞ୍ଚି ବିକ୍ଷୋଭ ପ୍ରଦର୍ଶନ କରି ଦାବିପତ୍ର ପ୍ରଦାନ କରିଥିଲେ ।
ଗୁରୁତ୍ତ୍ୱପୂର୍ଣ୍ଣ ପ୍ରବେଶିକା ପରୀକ୍ଷା NEET ରେ ହୋଇଥିବା ପେପର ଲିକ ଘଟଣା ଦେଶର ୨୨ ଲକ୍ଷ ଛାତ୍ରୀଛାତ୍ରଙ୍କ ଭବିଷ୍ୟତ୍କୁ ଅନ୍ଧକାରରେ ପକାଇଦେଇଛି। ଏହା ଶିକ୍ଷା ବ୍ୟବସ୍ଥାର ନିଷ୍ପକ୍ଷତା ଓ ପ୍ରତିଶ୍ରୁତି ଉପରେ ଗୁରୁତର ପ୍ରଶ୍ନ ଉଠାଇଛି । ଏହି ସରକାର ସମୟରେ ଏହି ଘଟଣା ପ୍ରଥମ ନୁହଁ ଅନେକ ଥର ବିଭିନ୍ନ ପରୀକ୍ଷାର ପେପର ଲିକ ହୋଇଛି, ଏହି ସରକାର ସମୟରେ ପେପର ଲିକ ହାପ୍ ସେଞ୍ଚୁରୀ କ୍ରସ କରିସାରିଛି, ଯାହା ଫଳରେ NEET ପରୀକ୍ଷା ବାତିଲ ହେବା ପରେ ୧୭ ଜଣ ଛାତ୍ରୀଙ୍କ ଜୀବନ ଚାଲିଯାଇଛି l କେନ୍ଦ୍ର ଶିକ୍ଷ୍ୟା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟକାଳ ରେ ୨୦୨୧, ୨୦୨୪,୨୦୨୬ ରେ ଅନେକ ଥର ପେପର ଲିକ ହୋଇଛି । ଗତ ପାଞ୍ଚ ବର୍ଷରେ ୪ ଥର NEET ପରୀକ୍ଷା ପେପର ଲିକ ହେବା ପରେ ମଧ୍ୟ ଉପରେ କୌଣସି କାର୍ଯ୍ୟାନୁଷ୍ଠାନ ନ କରାଯିବା ଏହା ସ୍ପଷ୍ଟ କରୁଛି ଭାଜପା ସରକାର ହେଉଛି ଶିକ୍ଷା ବିରୋଧୀ ବୋଲି ଅଭିଯୋଗ କରିଛନ୍ତି ।
ତୁରନ୍ତ ସରକାର ସ୍ପେସିଆଲ ଟିମ ଗଠନ କରି ତଦନ୍ତ କରୁ ଏବଂ କେନ୍ଦ୍ର ଶିକ୍ଷା ମନ୍ତ୍ରୀଙ୍କୁ ବହିଷ୍କାର କରାଯାଉ ଦାବି କରିଛନ୍ତି । ନଚେତ ଆଗାମୀ ଦିନରେ ବଲାଙ୍ଗୀର ଆମ ଆଦମୀ ପାର୍ଟି ପକ୍ଷରୁ ଆହୁରି ତୀବ୍ର ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ।
ଏହି କାର୍ଯ୍ୟକ୍ରମରେ ଆପ୍ ବଲାଙ୍ଗୀର ଜିଲା ସମ୍ପାଦକ ଜୟପ୍ରକାଶ ମିଶ୍ର, ମାଇନୋରିଟି ବିଙ୍ଗ ସଭାପତି ଅଶୋକ ସୁନା, ୟୁଥ ବିଙ୍ଗ ଇନଚାର୍ଜ ରମାକାନ୍ତ ବେହେରା, ବଲାଙ୍ଗୀର ବିଧାନସଭା ଜୋଇଁଣ୍ଟ ସେକ୍ରେଟାରୀ କାଁହୁ କରଣ, ଲୋଇସିଂହା ବିଧାନସଭା ଜୋଇଁଣ୍ଟ ସେକ୍ରେଟାରୀ ପଙ୍କଜ ସାହୁ, ଆପ୍ ବଲାଙ୍ଗୀର ନଗର ସମ୍ପାଦକ ପ୍ରମୋଦ କୁମାର ବହିଦାର, ଲୋଇସିଂହା ସଭାପତି ରୋହିତ ପାଣ୍ଡେ, ବଲାଙ୍ଗୀର ବିଧନସଭା ସଦାଶିବ ମେହେର ଖପ୍ରାଖୋଲ ବ୍ଲକ ସଭାପତି ଲେକ୍ରୁ ଭୋଇ, ଲୋଇସିଂହା ଦିଲ୍ଲିପ ପଧାନ, ପୁଇଁତଲା ବ୍ଲକ ସତ୍ୟନାରାୟଣ ଛତ୍ରିଆ ଏବଂ ପାର୍ଟିର ସକ୍ରିୟ ସଦସ୍ୟ, ପ୍ରଶାନ୍ତ ରଣା , ସୁମନ୍ତ ବାଗ, ଉଦୟନାଥ ପଟେଲ,ପ୍ରଦିପ ନାଗ, ସୂର୍ଯ୍ୟନାରାୟନ ନୈକ, ବିଦେଶୀ ସୁନା, ରମେଶ ବେହେରା ପ୍ରମୁଖ ଉପସ୍ଥିତ ରହି କେନ୍ଦ୍ର ସରକାର କୁ ଦୃଢ ନିନ୍ଦା କରିଥିଲେ ।
