ଭିଟାମିନ୍ ‘ଇ’ରେ ଅନେକ ପ୍ରକାରର ସ୍ବାସ୍ଥ୍ୟ ଉପକାରୀ ଗୁଣ ଭରି ରହିଛି। ତେଣୁ ନିଜର ଦୈନନ୍ଦିନ ଖାଦ୍ୟ ତାଲିକାରେ ଭିଟାମିନ୍ ‘ଇ’ଯୁକ୍ତ ଖାଦ୍ୟ ସାମିଲ କରନ୍ତୁ। ସବୁଠାରୁ ଖାସ୍ କଥା ହେଲା, ଏପରି ଖାଦ୍ୟ ଶରୀରରେ ଲାଲ ରକ୍ତକୋଷିକା ଗଠନ କରିଥାଏ। ଏହା ମଧ୍ୟ ଆଣ୍ଟିଅକ୍ଟିଡାଣ୍ଟ ପରି କାମ କରେ। ଭିଟାମିନ୍ ‘ଇ’ କେତେ ପରିମାଣରେ ଆଲର୍ଜି ଦୂର କରିବାରେ ସହାୟକ ହେଉଛି, ତାହା ଜାଣିବା ପାଇଁ ୟୁନିଭର୍ସିଟି ଅଫ୍ ଲଣ୍ଡନର ପୁଷ୍ଟିବିଜ୍ଞାନୀମାନେ ଏକ ଗବେଷଣା କରି ଏକଥା ଜାଣିପାରିଛନ୍ତି। ଆଲର୍ଜି ପରି ସମସ୍ୟା ସହ ଜଡ଼ିତ କେତେକ ବ୍ୟକ୍ତିଙ୍କୁ ନିୟମିତ ଭିଟାମିନ୍ ‘ଇ’ଯୁକ୍ତ ଖାଦ୍ୟ ଖାଇବାକୁ ଦିଆଯାଇଥିଲା। ଅନ୍ୟପକ୍ଷରେ ନିୟମିତ ସମୟ ଅନ୍ତରାଳରେ ସେମାନେ ଆଲର୍ଜି ଦ୍ୱାରା ଆକ୍ରାନ୍ତ ହେଉଛନ୍ତି କି ନାହିଁ, ତାହାକୁ ତନ୍ନ ତନ୍ନ କରି ନିରୀକ୍ଷଣ କରିଥିଲେ ବିଶେଷଜ୍ଞମାନେ। ଆଶ୍ଚର୍ଯ୍ୟଜନକ ଭାବରେ ସେମାନଙ୍କ ମଧ୍ୟରୁ କେତେକ ବ୍ୟକ୍ତିଙ୍କ ଶରୀରରେ ଆଲର୍ଜି ପରିମାଣ କମୁଥିବାର ଜଣାପଡିଥିଲା। ବାଦାମ, ଆଲମଣ୍ଡ, ପୋଇ ଆଦିରେ ଭିଟାମିନ୍ ‘ଇ’ ଭରିରହିଛି।
