ଦେବଗଡ଼,୨୩ା୪(ଶଶାଙ୍କ ଶେଖର ଝାଙ୍କର): ଦେବଗଡ଼ ତିଲେଇବଣି ଗାଙ୍ଗନଣ ସରକାରୀ ଉଚ୍ଚ ବିଦ୍ୟାଳୟରେ ଅନିୟମିତତା ଅଭିଯୋଗ ହେଇଛି। ମୋ’ ସ୍କୁଲ ଅଭିଯାନରୁ ଲକ୍ଷାଧିକ ଟଙ୍କା ଦୁର୍ନୀତି କରାଯାଇଥିବା ଅଭିଯୋଗ ହୋଇଛି।
ସୂଚନାଥାଉ କି, ମୋ’ ସ୍କୁଲ ଅଭିଯାନରେ ଉକ୍ତ ବିଦ୍ୟାଳୟ ପୂର୍ବତନ ଛାତ୍ରୀଛାତ୍ର ଜଣକୁ ସଭାପତି କରିଥାନ୍ତି ଓ ପୂର୍ବତନ ଛାତ୍ରୀଛାତ୍ର ବିଦ୍ୟାଳୟର ଉନ୍ନତି ପାଇଁ ଯାହା ଟଙ୍କା ଦେବେ ତାହା ୩ ଗୁଣ ହେଇ ବିଦ୍ୟାଳୟକୁ ଆସିବ ଏବଂ ଉକ୍ତ ଟଙ୍କାରେ ବିଦ୍ୟାଳୟର ଉନ୍ନତି କରାଯିବ। କିଛି ମାସ ପୂର୍ବରୁ ଉକ୍ତ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ପାଳନ ହେଇଯାଇଛି। ଜୟନ୍ତୀ ପାଇଁ ପୁରାତନ ଛାତ୍ରମାନେ ବହୁତ ଟଙ୍କା ଦେଇଥିଲେ, ପୂର୍ବ ସରକାର ଏହି ଯୋଜନା କରିଥିଲେ, ବର୍ତ୍ତମାନ ସରକାର ଏହି ଯୋଜନାର ନାମ ପରିବର୍ତ୍ତନ କରି ପଞ୍ଚ ସଖା ଶିକ୍ଷା ସେତୁ ଯୋଜନାରେ ନାମିତ କରିଛନ୍ତି, ହେଲେ ମଜାର କଥା ଉକ୍ତ ବିଦ୍ୟାଳୟର ପ୍ରଧାନଶିକ୍ଷକ ଓ ଜନୈକ ଶିକ୍ଷକ ମିଶି ଆସିଥିବା ଟଙ୍କାକୁ ହେର୍ଫେର୍ କରିଥିବା ଅଭିଯୋଗ ହୋଇଛି, କଥା ଉଠୁଛି ଯେ ପୂର୍ବତନ ଛାତ୍ର ହେଉ କି ଛାତ୍ରୀ ଏହି ଯୋଜନାର ସଭାପତି ହେବା କଥା ହେଲେ ଏହି ବିଦ୍ୟାଳୟରେ ନିୟମ ଉଲ୍ଲଘଂନ କରି ଜଣେ ଶିକ୍ଷକ ସଭାପତି ହେଉଛନ୍ତି। ଯାହା କି ହେବା କଥା ନୁହଁ ସେ ଶିକ୍ଷକ ଉକ୍ତ ବିଦ୍ୟାଳୟର ପୂର୍ବତନ ଛାତ୍ର କିନ୍ତୁ ସେ ସେହି ବିଦ୍ୟାଳୟରେ ଶିକ୍ଷକ ଥିବାରୁ ଏମିତି ହେବା କଥା ନାହିଁ ବୋଲି ବୁଦ୍ଧିଜୀବୀ ମହଲରେ ଆଲୋଚନା ସମାଲୋଚନା ହେଉଛି, ଆସିଥିବା ଟଙ୍କାକୁ ହେରଫେର କରିବା ପାଇଁ ସୁବିଧା ବାଟ କ’ଣ ପାଇଁ ନା ଯେଉଁ ବ୍ୟାଙ୍କ ଆକାଉଣ୍ଟ ରେ ଟଙ୍କା ଆସିଛି ପ୍ରଧାନଶିକ୍ଷକ ଓ ସେହି ଶିକ୍ଷକ ଯିଏ ସଭାପତି ହେଇଛନ୍ତି ଦୁଇଜଣଙ୍କର ଦସ୍ତଖତ ହେଲେ ହିଁ ଟଙ୍କା ବ୍ୟାଙ୍କରୁ ଉଠାଇ ପାରିବ କେହି ବି କହିବାକୁ ନାହିଁ, ତେଣୁ ଏହି ସମୟର ଫାଇଦା ଉଠାଇ ବିଦ୍ୟାଳୟର ଉନ୍ନତି ନାମରେ ଟଙ୍କା ଅନିୟମିତତା କରିଥିବା ଅଭିଯୋଗ ହୋଇଛି।
ଏ ସମ୍ପର୍କରେ ବିଦ୍ୟାଳୟର ପ୍ରଧାନଶିକ୍ଷକ ଟିକେଶ୍ୱର୍ ଦେହୁରୀଙ୍କୁ ପଚାରିବାରୁ ସେ କହିଲେ ଆଲୁମିନି ପ୍ରେସିଡେଣ୍ଟ ଆମ ବିଦ୍ୟାଳୟର ପୁରାତନ ଛାତ୍ର ଓ ସେ ପୂର୍ବ ପ୍ରଧାନଶିକ୍ଷୟିତ୍ରୀଙ୍କ ସମୟରେ ମନୋନୀତ କରାଯାଇଥିଲା ଓ ଏହି ଅର୍ଥର ଅନିୟମିତତା ଅଭିଯୋଗ ଭିତ୍ତିହୀନ ବୋଲି କହିଥିଲେ।ତେଣୁ ଜିଲାପାଳ ହସ୍ତକ୍ଷେପ କରି ତଦନ୍ତ କରିଲେ ସତ୍ୟାସତ୍ୟ ଜଣାପଡ଼ିବ ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛ ଏବଂ ଭିଜିଲାନ୍ସ ତଦନ୍ତ ଦାବି ହେଉଛି।
