ଗୁଆହାଟୀ,୧୩।୪ : ଆସାମ ବନ ବିଭାଗ କେନ୍ଦ୍ର ସରକାରଙ୍କୁ ଏକ ଚିଠି ଲେଖିଛି। ଚିଠିରେ ବନ ବିଭାଗ ଜଣେ ଆରଟିଆଇ କାର୍ଯ୍ୟକର୍ତ୍ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି। ଏହି କାର୍ଯ୍ୟକର୍ତ୍ତା କାଜିରଙ୍ଗା ଜାତୀୟ ଉଦ୍ୟାନକୁ ବଦନାମ କରିବା ପାଇଁ ପାର୍କରେ ଥିବା ଗଣ୍ଡାଙ୍କର ସଂଖ୍ୟାକୁ ଅତ୍ୟଧିକ ମାତ୍ରାରେ ବଢ଼ାଇଥିବାର ଅଭିଯୋଗ କରିଛନ୍ତି। ଆସାମ ଜଙ୍ଗଲ ମୁଖ୍ୟ ତଥା ଜଙ୍ଗଲର ମୁଖ୍ୟ ସଂରକ୍ଷଣକାରୀ ଏମ.କେ ଯାଦବ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟକୁ ଲେଖିଥିବା ଏକ ଚିଠିରେ କହିଛନ୍ତି ଆରଟିଆଇ କାର୍ଯ୍ୟକର୍ତ୍ତା ରୋହିତ ଚୌଧୁରୀ ଗଣ୍ଡାସଂଖ୍ୟା ସହ ଜଡିତ ଏସଓପିକୁ ଭୁଲ ବୋଲି ଅଭିଯୋଗ କରିଛନ୍ତି।
ବାସ୍ତବରେ, ଚୌଧୁରୀ ମନ୍ତ୍ରଣାଳୟକୁ ଏକ ଚିଠି ଲେଖି କହିଛନ୍ତି, ବନ ବିଭାଗ ୨୦୨୨ ଜନଗଣନାରେ କାଜିରଙ୍ଗା ଜାତୀୟ ଉଦ୍ୟାନରେ ଗଣ୍ଡାର ଜନସଂଖ୍ୟାକୁ ୨,୬୩୪ ପ୍ରଦାନ କରିଥିବାବେଳେ ପ୍ରକୃତ ସଂଖ୍ୟା ୨,୦୪୨ । ଅଭିଯୋଗ ଉପରେ ମନ୍ତ୍ରଣାଳୟ ଜଙ୍ଗଲ ବିଭାଗରୁ ସ୍ପଷ୍ଟୀକରଣ ମାଗିଛି। ଆସାମ ଜଙ୍ଗଲ ମୁଖ୍ୟ ଯାଦବ ମନ୍ତ୍ରଣାଳୟକୁ ଏକ ଚିଠି ଲେଖି କହିଛନ୍ତି ଚୌଧୁରୀ ପାର୍କକୁ ବଦନାମ କରିବାକୁ ଚେଷ୍ଟା କରୁଛନ୍ତି। ଅନୁମାନ କରିବାର ପ୍ରକ୍ରିୟା ଏବଂ ପଦ୍ଧତି ବୁଝିି ନ ପାରି ସେ ଏଭଳି ଅଭିଯୋଗ କରିଛନ୍ତି। ସେ ଜାତୀୟ ଉଦ୍ୟାନର ଗଣନାକୁ ଅଜବ ବୋଲି କହିଛନ୍ତି। ଏହା ସହିତ ସେ ତାଙ୍କର ଉଦ୍ଦେଶ୍ୟ ଦେଖାଉଛନ୍ତି, ଯାହା ଅତ୍ୟନ୍ତ ନିନ୍ଦନୀୟ।
ଚୌଧୁରୀ ମନ୍ତ୍ରଣାଳୟକୁ ଲେଖିଥିବା ଅଭିଯୋଗରେ ଦର୍ଶାଯାଇଛି ଗତ ବର୍ଷ ମାର୍ଚ୍ଚ ୧୬-୧୭ ରେ ଜାତୀୟ ଉଦ୍ୟାନର ୨୨ ଟି ବ୍ଲକରେ ଏକ ସର୍ଭେ କରାଯାଇଥିଲା। ଏହି ସମୟ ମଧ୍ୟରେ ୧୦୬୪ ଗଣ୍ଡା ଥିବା ଦେଖାଯାଇଥିଲା, କିନ୍ତୁ ବାସ୍ତବରେ ଏହି ସଂଖ୍ୟା ୪୭୨ ଗଣ୍ଡ ଥିଲା। ଅନ୍ତିମ ଗଣନାରେ ୨୨ ଟି ବ୍ଲକର ମୂଳ ତଥ୍ୟ ହଟାଯାଇଛି। ସମସ୍ତ ୮୦ଟି ବ୍ଲକରେ ଗଣ୍ଡା ଜନସଂଖ୍ୟା ୨୬୩୪ ବୋଲି କୁହାଯାଇଛି। ଯେତେବେଳେ କିପ୍ରକୃତ ସଂଖ୍ୟା ହେଉଛି ୨୦୪୨।
