ପାଟଣାଗଡ଼, ୧୭।୬(ସଚ୍ଚିଦାନନ୍ଦ ମହାକୁର): ବଲାଙ୍ଗୀର ଜିଲା ପାଟଣାଗଡ଼ ଡାକ୍ତରଖାନାରେ ବୁଧବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।ଡାକ୍ତରଙ୍କ ଅବହେଳାରୁ ଜଣେ ନବଜାତ ଶିଶୁର ମୃତ୍ୟୁ ହୋଇଥିବା ଅଭିଯୋଗ ହେଉଛି । ଶିଶୁଙ୍କ ମୃତ୍ୟୁ ହେବା ପରେ କିଛି ସମୟ ପର୍ଯ୍ୟନ୍ତ ଡାକ୍ତରଖାନା ଭିତରେ ପରିବାର ଲୋକେ ଉତ୍ତେଜନା କରୁଥିବା ଦେଖାଯାଇଥିଲା ।
ଏଘଟଣା ସମ୍ପର୍କରେ ଖପର ପାଇଁ ଘଟଣାସ୍ଥଳକୁ ପାଟଣାଗଡ଼ ପୋଲିସ ପହଞ୍ଚି ପରିବାର ବର୍ଗଙ୍କୁ ବୁଝାସୁଝା କରିଥିଲା । ସୂଚନା ଅନୁସାରେ, ପାଟଣାଗଡ ଥାନା ଚିଙ୍ଗେରବନ୍ଦ ଗାଁର ଶରତ ମେହେରଙ୍କ ସ୍ତ୍ରୀ ଗର୍ଭ ବେଦନା ହେବାରୁ ମଙ୍ଗଳବାର ରାତ୍ରି ୮ଟା ସମୟରେ ପାଟଣାଗଡ ଡାକ୍ତରଖାନାକୁ ଆଣିଥିଲେ । ସେଠାରେ ତାଙ୍କ ସ୍ତ୍ରୀ ଏକ ଶିଶୁ ପୁତ୍ର ଜନ୍ମ ଦେଇଥିଲେ । କିନ୍ତୁ ଡାକ୍ତର ଖାନାରେ କୌଣସି ଡାକ୍ତର ନଥିବାରୁ ଶିଶୁଙ୍କର ମୃତ୍ୟୁ ହୋଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଏନେଇ ନେଇ କିଛି ସମୟ ପର୍ଯ୍ୟନ୍ତ ଡାକ୍ତରଖାନା ଭିତରେ ପରିବାର ଲୋକେ ହୋହାଲ୍ଲା କରିଥିଲେ ।
ସକାଳ ପର୍ଯ୍ୟନ୍ତ ଡ଼ାକ୍ତରଙ୍କ ଦେଖାନଥିବାରୁ ଅବହେଳାରୁ ମୃତ୍ୟୁ ହୋଇଥିବା ନେଇ ଅଭିଯୋଗ ହୋଇଛି । ଏଘଟଣା ସମ୍ପର୍କରେ ପାଟଣାଗଡ଼ ଉପଖଖ୍ତ ଚିକିତ୍ସା ଅଧିକାରୀଙ୍କୁ ପଚାରିବାରୁ ମୁଁ ଆଜି ଏଘଟଣା ସମ୍ପର୍କରେ ଜାଣିବାକୁ ପାଇଲି । ନୂଆ ନୂଆ ଏହି ହସ୍ପିଟାଲ ହୋଇଛି ସେଥିପାଇଁ ଟିକେ ଡ୍ୟୁଟି ପାଇଁ ଅସୁବିଧା ହେଉଛି । ଆମେ ଦୁଇଜଣ ଡାକ୍ତରଙ୍କୁ ଦେବୁ ସେମାନେ ରେଗୁଲାର ଡ୍ଯୁଟି କରିବେ । ଆଜି ୫ ଟାରେ ଗୋଟିଏ ବୈଠକ ଅଛି ତାର ସମାଧାନ କରିବୁ ବୋଲି ତାଙ୍କର ପ୍ରତିକ୍ରିୟା ରଖିଥିଲେ ।
