ମୁମ୍ବାଇ: ଫିଲ୍ମ ‘ବ୍ରହ୍ମାସ୍ତ୍ର’ର ସଫଳତା ଆଲିଆଙ୍କ ଗର୍ଭଧାରଣ ଖୁସିକୁ ଦ୍ୱିଗୁଣିତ କରିଦେଇଛି। ମା’ ହେବା ପୂର୍ବରୁ ‘ବ୍ରହ୍ମାସ୍ତ୍ର’ରୁ ଭଲ ରୋଜଗାର କରିଛନ୍ତି ଆଲିଆ। ବର୍ତ୍ତମାନ ଆଲିଆ ଗର୍ଭଧାରଣ ସମୟକୁ ଉପଭୋଗ କରୁଛନ୍ତି। ଏପିରିକି ମା’ ହେବା ପରେ ମଧ୍ୟ ଆଲିଆ ତାଙ୍କର ଅଭିନୟ ଜାରି ରଖିବେ ବୋଲି ସୂଚନା ଦେଇଛନ୍ତି।
ମହେଶ ବାବୁଙ୍କ ସହ ଏସ୍ସ୍ ରାଜମୌଲିଙ୍କ ଫିଲ୍ମ ‘ଏସ୍ଏସ୍ଏମ୍ବି ୨୯’ ରେ ମୁଖ୍ୟ ଭୂମିକାରେ ଅଭିନୟ କରିବା ପାଇଁ ଆଲିଆଙ୍କ ନିକଟକୁ ଅଫର ଆସିଛି। ଯଦିଓ ଏହି ଖବର ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ନିଶ୍ଚିତ ହୋଇନାହିଁ।
ଆଲିଆ ସବୁଜ ସଙ୍କେତ ଦେବା ପରେ ଏହି ଫିଲ୍ମରେ ଅଭିନୟ କରିବେ। ସାଉଥ୍ ସୁପରଷ୍ଟାର ମହେଶ ବାବୁଙ୍କ ସହ ଆଲିଆଙ୍କ ରୋମାନ୍ସ ଦେଖିବାକୁ ମିଳିବ। ଡେଲିଭରି ପରେ ଏହି ଫିଲ୍ମର ଶୁଟିଂ ଆରମ୍ଭ ହେବ।
ଏହାବ୍ୟତୀତ ଆଲିଆ ଖୁବ୍ଶୀଘ୍ର ଏକ ହଲିଉଡ୍ ଫିଲ୍ମରେ ମଧ୍ୟ ଅଭିନୟ କରିବେ। ତାଙ୍କ କ୍ୟାରିୟରର ପ୍ରଥମ ହଲିଉଡ୍ ଫିଲ୍ମ କରିବାକୁ ଯାଉଥିବା ଆଲିଆ ନିକଟରେ ଫିଲ୍ମ ‘ହାର୍ଟ ଅଫ୍ ଷ୍ଟୋନ୍ସ’ର ଶୁଟିଂ ଶେଷ କରିଛନ୍ତି। ଏଥିସହିତ ରଣବୀର ସିଂଙ୍କ ସହିତ ‘ରକି ଓ୍ବର୍ ରାନି କି କହାନୀ’ରେ ମଧ୍ୟ ନଜର ଆସିବେ।
