ଆଳି,୭ା୬(ବନମାଳୀ ସେନାପତି): କେନ୍ଦ୍ରାପଡ଼ା ଜିଲା ଆଳି ମହାଦେଇପାଟଣା ଗ୍ରାମର ଗୌରାଙ୍ଗ ହତ୍ୟାକାଣ୍ଡ ଘଟଣାରେ ଗିରଫ ହୋଇଥିବା ଅଭିଯୁକ୍ତଙ୍କୁ ନେଇ ପୋଲିସର ତନାଘନା ଆରମ୍ଭ ହୋଇଛି। ଜିଲା ପୋଲିସ ପକ୍ଷରୁ ତିନି ଅଭିଯୁକ୍ତଙ୍କୁ ଆଳି ଥାନାରୁ ନେଇ ମୃତଦେହ ପଡ଼ିଥିବା ପେତପଡ଼ା ନମାଣିଆରେ ପହଞ୍ଚି ସିନ୍ ରିକ୍ରିଏଶନ କରିଛନ୍ତି। ଅଭିଯୁକ୍ତଗମାନେ ସେହି ସ୍ଥାନରେ କେତେବେଳେ ପହଞ୍ଚିଲେ କିଭଳି ଭାବେ ଗୌରାଙ୍ଗକୁ ହତ୍ୟାକଲେ ଓ ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର କେଉଁଠି ପକାଇଛନ୍ତି ତାହା ଦେଖାଇବା ସହ ସମସ୍ତ ଘଟଣା ଜଣାଇଛନ୍ତି।
ଘଟଣାସ୍ଥଳରୁ ଏକ ଲୁହାରଡ୍ ଜବତ ହେବା ସହ ଭଙ୍ଗା ମଦ ବୋତଲ ଜବତ ହୋଇଛି। ଘଟଣାସ୍ଥଳରେ କେନ୍ଦ୍ରାପଡ଼ା ଆଡିଶନାଲ ଏସ୍ପି, ପଟ୍ଟାମୁଣ୍ଡାଇ ଏସ୍ଡିପିଓ, ଆଳି ଆଇଆଇସି, ସାଇଣ୍ଟିଫିକ ଟିମ୍ର ଅଧିକାରୀମାନେ ଉପସ୍ଥିତ ଅଛନ୍ତି।
