ନୂଆଦିଲ୍ଲୀ,୧୯।୮: ଚାଇନାର ବୈଦେଶିକ ମନ୍ତ୍ରୀ ୱାଙ୍ଗ ୟି ଜାତୀୟ ସୁରକ୍ଷା ପରାମର୍ଶଦାତା (NSA) ଅଜିତ ଡୋଭାଲଙ୍କୁ ଭେଟିଥିଲେ। ଉଭୟ ଭାରତ-ଚାଇନା ସୀମା ପ୍ରସଙ୍ଗରେ ସ୍ବତନ୍ତ୍ର ପ୍ରତିନିଧି (SR)ଙ୍କ ମଧ୍ୟରେ ୨୪ତମ ପର୍ଯ୍ୟାୟ ଆଲୋଚନା କରିଥିଲେ।
ଏନଏସଏ ଅଜିତ ଡୋଭାଲ ଚୀନ ବୈଦେଶିକ ମନ୍ତ୍ରୀ ୱାଙ୍ଗ ୟିଙ୍କୁ ଭେଟି କହିଥିଲେ, ଭାରତ ଏବଂ ଚାଇନା ସେମାନଙ୍କର କୂଟନୈତିକ ସମ୍ପର୍କର ୭୫ ବର୍ଷ ପୂରଣ କରୁଛନ୍ତି ଏବଂ ଏହା ଉତ୍ସବ ପାଳନ କରିବାର ସମୟ। ନୂତନ ଶକ୍ତି ଏବଂ ନୂତନ ଉତ୍ସାହ ସହିତ, ଉଭୟ ଦେଶ ବହୁତ ପ୍ରଗତି କରିଛନ୍ତି। ସେ ୱାଙ୍ଗ ୟିଙ୍କ ବ୍ୟକ୍ତିଗତ ପ୍ରୟାସକୁ ପ୍ରଶଂସା କରି କହିଛନ୍ତି, କୂଟନୈତିକ ଟିମ୍ ସହିତ, ସୀମାରେ ନିୟୋଜିତ ସେନାଙ୍କ ସହଯୋଗରେ, ଉଭୟ ଦେଶ ଏହି ସ୍ଥାନରେ ପହଞ୍ଚିଛନ୍ତି। ଏହି ନୂତନ ପର୍ଯ୍ୟାୟ ସମ୍ପର୍କକୁ ଆହୁରି ମଜଭୁତ କରିବ।
ଚାଇନା ବୈଦେଶିକ ମନ୍ତ୍ରୀ ଡୋଭାଲଙ୍କ ପ୍ରୟାସକୁ ପ୍ରଶଂସା କରି କହିଛନ୍ତି ଯେ, ବର୍ତ୍ତମାନ ଭାରତ ଏବଂ ଚାଇନା ମଧ୍ୟରେ ସମ୍ପର୍କ ଉନ୍ନତ ହେବା ଏବଂ ଆଗକୁ ବଢ଼ିବା ପାଇଁ ଏକ ଗୁରୁତ୍ୱପୂର୍ଣ୍ଣ ସୁଯୋଗରେ ଠିଆ ହୋଇଛି। ଚାଇନା ବୈଦେଶିକ ମନ୍ତ୍ରୀ ୱାଙ୍ଗ ୟିଙ୍କ ସହ ସାକ୍ଷାତ ସମୟରେ, ଡୋଭାଲ କହିଛନ୍ତି, ମୁଁ ବହୁତ ଆଶାବାଦୀ ଯେ ଗତ ଆଲୋଚନା ପରି, ଏହି ୨୪ତମ ସ୍ବତନ୍ତ୍ର ପ୍ରତିନିଧି ସ୍ତରୀୟ ଆଲୋଚନା ମଧ୍ୟ ସଫଳ ହେବ। ଆମର ପ୍ରଧାନମନ୍ତ୍ରୀ ଚାଇନାରେ ଅନୁଷ୍ଠିତ ହେବାକୁ ଥିବା SCO ଶିଖର ସମ୍ମିଳନୀ ପାଇଁ ଖୁବ ଶୀଘ୍ର ଚାଇନା ଯାଉଛନ୍ତି ଏବଂ ତେଣୁ, ମୁଁ ଭାବୁଛି ଏହି ସ୍ବତନ୍ତ୍ର ପ୍ରତିନିଧି ସ୍ତରୀୟ ଆଲୋଚନା ବହୁତ ଗୁରୁତ୍ୱପୂର୍ଣ୍ଣ।
NSA ଅଜିତ ଡୋଭାଲ କହିଛନ୍ତି, ସୀମାରେ ଶାନ୍ତି ଆସିଛି। ଶାନ୍ତି ଏବଂ ସଦ୍ଭାବନା ପ୍ରଚଳିତ ହୋଇଛି। ଚାଇନା ସହିତ ଆମର ଦ୍ୱିପାକ୍ଷିକ ସମ୍ପର୍କ ଆହୁରି ମଜଭୁତ ହୋଇଛି। ସୃଷ୍ଟି ହୋଇଥିବା ନୂତନ ପରିବେଶ ଆମକୁ ବିଭିନ୍ନ କ୍ଷେତ୍ରରେ ଆଗକୁ ବଢ଼ିବାରେ ସାହାଯ୍ୟ କରିଛି ଯେଉଁଠାରେ ଆମେ କାମ କରୁଛୁ।
