ମୁମ୍ବାଇ: ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଝିଅ ଆରାଧ୍ୟାଙ୍କ ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି। ଏଥିରେ ସେ ଅନଲାଇନ୍ ହିନ୍ଦୀ ଶିଖୁଥିବା ନଜର ଆସିଛନ୍ତି। କିଛି ସପ୍ତାହ ପୂର୍ବରୁ କରୋନାରେ ଆକ୍ରାନ୍ତ ହୋଇ ବଚ୍ଚନ ପରିବାର ମେଡିକାଲରେ ଭର୍ତ୍ତି ହୋଇଥିଲେ। ସୁସ୍ଥ ହେବା ପରେ ଏବେ ସାଧାରଣ ଜୀବନକୁ ଉପଭୋଗ କରୁଛନ୍ତି। ଆଜି ଏହାର ଏକ ଭିଡିଓ ଅଭିଷେକ ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି।
ଅନ୍ୟପକ୍ଷରେ ସମସ୍ତ ଛାତ୍ରୀଛାତ୍ରଙ୍କ ପାଇଁ ଅନ୍ଲାଇନ କ୍ଲାସ ବାଧ୍ୟତାମୂଳକ ହୋଇଛି। କାରଣ ଲକ୍ଡାଉନ୍ରେ ପିଲାମାନଙ୍କୁ ଶିକ୍ଷୟିତ୍ରୀଶିକ୍ଷକମାନଙ୍କ ସହ ଯୋଡ଼ି ରଖିବାର ଏହା ହେଉଛି ଏକମାତ୍ର ମାଧ୍ୟମ। ଭିଡିଓରେ ଆରାଧ୍ୟା ତାଙ୍କ ହିନ୍ଦୀ ଶିକ୍ଷକଙ୍କୁ ‘ଧନ୍ୟବାଦ ମିସ୍’ କହିଥିବା ଶୁଣିବାକୁ ମିଳିଛି। ଏହି ଭିଡିଓରେ ଆରାଧ୍ୟା ଏକ ଧଳା ହେଡ୍ବ୍ୟାଣ୍ଡ ବାନ୍ଧିଥିବା ସହିତ ଲାଇଟ୍ ବ୍ଲୁ ଡ୍ରେସ୍ରେ ଖୁବ୍ ସୁନ୍ଦର ଦିଶୁଛନ୍ତି। ସେ ତାଙ୍କ ଅନଲାଇନ୍ କ୍ଲାସରେ ବେଶ୍ ଖୁସିଥିବା ଦେଖିବାକୁ ମିଳିଛି। ବର୍ତ୍ତମାନ ସୁଦ୍ଧା ଏହି ଭିଡିଓକୁ ୩.୫୫ ଲକ୍ଷରୁ ଅଧିକ ଲୋକ ଦେଖିସାରିଲେଣି।
ସେହିପରି ଏହାର କିଛି ସମୟ ପୂର୍ବରୁ ଅଭିଷେକ ତାଙ୍କର ସମସ୍ତ ପ୍ରଶଂସକଙ୍କୁ ଜଣାଇଛନ୍ତି ଯେ, ତାଙ୍କୁ ଡାକ୍ତରଖାନାରୁ ଡିସ୍ଚାର୍ଜ କରାଯାଇଛି। ସେ ଟୁଇଟ୍ କରି କହିଛନ୍ତି, ଆଜି ମୋର କରୋନା ନମୁନା ନେଗେଟିଭ୍ ଆସିଛି। ମୁଁ ଏହାକୁ ପରାସ୍ତ କରିଛି। ମୁଁ ଏବଂ ମୋ’ ପରିବାର ପାଇଁ ତୁମେ ସମସ୍ତେ ପ୍ରାର୍ଥନା କରିଥିବାରୁ ଧନ୍ୟବାଦ। ନାନାବତୀ ଡାକ୍ତରଖାନାର ଡାକ୍ତର ଏବଂ ନର୍ସଙ୍କୁ ମୋର ଆନ୍ତରିକ ଶୁଭେଚ୍ଛା।
