ନୂଆଦିଲ୍ଲୀ,୨୦।୪: ଭାରତରେ କରୋନା ସଂକ୍ରମଣ ଦ୍ରୁତ ଗତିରେ ବଢିଚାଲିଛି। ପ୍ରତିଦିନ ୨.୫ ଲକ୍ଷରୁ ଅଧିକ କରୋନା ରୋଗୀ ଚିହ୍ନଟ ହେଉଥିବାବେଳେ ୧୫୦୦ରୁ ଅଧିକ ଲୋକଙ୍କର ମୃତ୍ୟୁ ଘଟୁଛି। ଏବେ ଲୋକଙ୍କ ମନରେ ଗୋଟିଏ ପ୍ରଶ୍ନ ମହାମାରୀ କରୋନାରୁ ଆଶ୍ୱସ୍ତି ମିଳିବ କେବେ। ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସର ନିର୍ଦ୍ଦେଶକ ଡା ରଣଦୀପ ଗୁଲେରିଆ କହିଛନ୍ତି ଯେ, ୨୦୨୧ ଶେଷ ସୁଦ୍ଧା ଆମେ ସ୍ଥିର ହୋଇପାରିବା। ଆସନ୍ତା ବର୍ଷ ମଧ୍ୟଭାଗରେ ଦେଶ ପୁଣି ସାଧାରଣ ସ୍ଥିତିକୁ ଫେରିବ ବୋଲି ସେ ଆଶା ପ୍ରକାଶ କରିଛନ୍ତି।
ଏକ ସାକ୍ଷାତକାରରେ ସେ କହିଛନ୍ତି, ଯେତେବେଳେ ଜାନୁୟାରୀ ଏବଂ ଫେବୃୟାରୀରେ କରୋନା ସଂକ୍ରମଣ ହ୍ରାସ ପାଇଥିଲା ଏବଂ ଟୀକାକରଣ ଆରମ୍ଭ ହୋଇଥିଲା, ସେତେବେଳେ ଅନେକ ଲୋକ ଅନୁଭବ କରିବାକୁ ଲାଗିଲେ ଯେ ମହାମାରୀ ସମାପ୍ତ ହୋଇଛି। ଲୋକମାନେ ସେତେବେଳେ କୋଭିଡ ପ୍ରୋଟୋକଲଗୁଡିକର ଉଲ୍ଲଂଘନ କରିଥିଲେ। କିନ୍ତୁ କରୋନା ଭୂତାଣୁ କୁଆଡେ ଯାଇ ଯାଇ ଥିଲା। ଏହା ଅଧିକ ବଢି ଯାଇଥିଲା। ଏହା ପରିବର୍ତ୍ତନ ହୋଇ ଅଧିକ ସଂକ୍ରାମକ ହେବାକୁ ଲାଗିଲା। ଆମେ ଇତିହାସରୁ ଶିକ୍ଷା କରିନାହୁଁ। ୧୯୮୯-୯୦ର ଇଫ୍ଲୁଏଞ୍ଜା ମହାମାରୀ ସମୟରେ ମଧ୍ୟ ସମାନ ଘଟଣା ଘଟିଥିଲା। ତେଣୁ ସମସ୍ତେ ସତର୍କ ହେବା ଜରୁରୀ। ଟିକେ ଅବହେଳା ଜୀବନ ନେଇପାରେ ବୋଲି ସେ କହିଛନ୍ତି।
