ଭୁବନେଶ୍ୱର,୯।୪: ବିଜେଡିର ଭବିଷ୍ୟତ ଏବେ କ’ଣ ହେବ ତା’ ନେଇ ଓଡ଼ିଶା ରାଜନୀତିରେ ଜୋରଦାର ଚର୍ଚ୍ଚା ଚାଲିଛି। ୨୪ ବର୍ଷର ଦୀର୍ଘ ଶାସନ ପରେ ୨୦୨୪ ନିର୍ବାଚନରେ ବିଜେଡି ଭାଜପା ଠାରୁ ପରାଜୟ ହାସଲ କରିଥିଲା। ଏହା ପରେ ଦଳର ଭବିଷ୍ୟତ ନେଇ ଅନେକ ପ୍ରଶ୍ନ ଉଠିଛି। ବିଜେଡିର ଆଗାମୀ ଭବିଷ୍ୟତ କ’ଣ ହେବ ତାହା କେବଳ ସମୟ ହିଁ କହିପାରିବ। ବିଜେଡିର ଭବିଷ୍ୟତକୁ ନେଇ ଅନେକ ରାଜନୈତିକ ବିଶେଷଜ୍ଞ ବିଭିନ୍ନ ଆକଳନ କରୁଛନ୍ତି। ବିଭିନ୍ନ ବରିଷ୍ଠ ନେତା ତଥା ତୁଙ୍ଗ ନେତା ଅନେକ କଥା କହୁଛନ୍ତି। କିନ୍ତୁ ଏହାରି ଭିତରେ AI ବିଜେଡିକୁ ନେଇ ଏମିତି କିଛି ଭବିଷ୍ୟବାଣୀ କରିଛି ଯାହାକୁ ଶୁଣି ସମସ୍ତେ ତାଜୁବ ହୋଇଯାଇଛନ୍ତି। ଏଆଇର ଆକଳନକୁ ନେଇ ରାଜ୍ୟ ରାଜନୀତିରେ ମଧ୍ୟ ଭୂକମ୍ପ ସୃଷ୍ଟି ହୋଇଛି। ତେବେ ଆସନ୍ତୁ ଜାଣିବା ବିଜେଡିକୁ ନେଇ ଏଆଇ କ’ଣ କହିଛି…
AI predictions about BJD: ନବୀନ ପଟ୍ଟନାୟକଙ୍କ ନେତୃତ୍ୱରେ ବିଜେଡି ଦୀର୍ଘ ସମୟ ଧରି ଓଡ଼ିଶାରେ ଏକ ଶକ୍ତିଶାଳୀ ରାଜନୈତିକ ଶକ୍ତି ହୋଇ ରହିଥିଲା। କିନ୍ତୁ ୨୦୨୪ ନିର୍ବାଚନରେ ଦଳଟି ବିଧାନସଭାରେ ୫୧ଟି ଆସନ ଓ ଲୋକ ସଭାରେ ଗୋଟିଏ ବି ଆସନ ଜିତି ପାରି ନଥିଲା। ଏହା ପରେ ଦଳରୁ ଦୁଇ ରାଜ୍ୟ ସଭା ଏମପି ମମତା ମହାନ୍ତ ଓ ସୁଜିତ କୁମାର ଭାଜପାକୁ ଯାଇଥିବା ବେଳେ ସ୍ଥାନୀୟ ସ୍ତରରେ ଅନେକ ନେତା ମଧ୍ୟ ଦଳ ଛାଡ଼ିଛନ୍ତି। ଯାହା ଦଳ ଭିତରେ ଅସ୍ଥିରତା ସୃଷ୍ଟି କରିଛି ବୋଲି ବିଶେଷଜ୍ଞମାନେ ଆକଳନ କରିଛନ୍ତି।
AI predictions about BJD: ସାମ୍ପ୍ରତିକ ଖବର ଅନୁସାରେ, ଭାଜପା ଏମପି ବଳଭଦ୍ର ମାଝୀ ଦାବି କରିଛନ୍ତି ଯେ, ବିଜେଡିର କୌଣସି ସ୍ପଷ୍ଟ ଆଦର୍ଶ ଓ ଦିଗଦର୍ଶନ ନାହିଁ, ଯାହା ଦଳକୁ ଓଡ଼ିଶାରୁ ଧୀରେ ଧୀରେ ଲିଭାଇ ଦେବ। ଅନ୍ୟପକ୍ଷରେ, ନବୀନ ପଟ୍ଟନାୟକ ଦଳର ୨୮ତମ ପ୍ରତିଷ୍ଠା ଦିବସରେ କହିଥିଲେ ଯେ, “ବିଜେଡିର ଭବିଷ୍ୟତ ଉଜ୍ଜ୍ୱଳ ଅଛି ଓ ଆଗାମୀ ୧୦୦ ବର୍ଷ ପର୍ଯ୍ୟନ୍ତ ଏହା ଓଡ଼ିଶା ଲୋକଙ୍କ ସେବା କରିବ।”
AI Predict About BJD: ଏଆଇ ବିଶ୍ଳେଷଣ କହୁଛି, ବିଜେଡିର ଭବିଷ୍ୟତ ନିର୍ଭର କରୁଛି ନବୀନଙ୍କ ନେତୃତ୍ୱ, ଦଳୀୟ ସଂଗଠନର ପୁନର୍ଗଠନ ଓ ଭାଜପା ସରକାରଙ୍କ ବିରୋଧରେ ଏକ ଶକ୍ତିଶାଳୀ ବିରୋଧୀ ଭୂମିକା ଉପରେ। ଯଦି ଦଳ ନିଜର ଗାଁ ସ୍ତରୀୟ ସମର୍ଥନ ପୁନରୁଦ୍ଧାର କରି ପାରେ ଓ ନୂଆ ନେତୃତ୍ୱ ଆଗକୁ ଆଣିବ, ତେବେ ଏହା ପୁଣି ଥରେ ରାଜ୍ୟ ରାଜନୀତିରେ ପ୍ରଭାବ ବିସ୍ତାର କରି ପାରିବ। କିନ୍ତୁ ଏହା ନ ହେଲେ, ଭାଜପା ଓ କଂଗ୍ରେସ ଭଳି ଦଳମାନଙ୍କ ପାଇଁ ଏହା ଅସୁବିଧା ସୃଷ୍ଟି କରିପାରେ। ପଞ୍ଚାୟତ ନିର୍ବାଚନ ଓ ଅନ୍ୟାନ୍ୟ ସ୍ଥାନୀୟ ନିର୍ବାଚନ ଆଗାମୀ ଦିନରେ ବିଜେଡିର ସ୍ଥିତି ସ୍ପଷ୍ଟ କରିବ। ଏଆଇ ଅନୁସାରେ, ସଠିକ ରଣନୀତି ଓ ଜନସମର୍ଥନ ବିଜେଡିକୁ ପୁନର୍ଜନ୍ମ ଦେଇପାରେ, ନଚେତ ଦଳର ଅବସ୍ଥା ଦୁର୍ବଳ ହେବାର ଆଶଙ୍କା ରହିଛି।
