ମୋରବି,୧।୧୧ : ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁଜୁରାଟର ମୋରବି ଗସ୍ତ କରିଥିଲେ। ଏହି ସମୟରେ ସେ ଝୁଲାପୋଲ ଦୁର୍ଘଟଣା ଘଟିଥିବା ମାଚ୍ଛୁ ନଦୀ କୂଳକୁ ଯାଇଥିଲେ। ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ସମଗ୍ର ଅଞ୍ଚଳରେ ବ୍ୟାପକ ମରାମତି କରାଯାଇଥିଲା। ଦୁର୍ଘଟଣାସ୍ଥଳରେ ପୋଲର ମରାମତି କାମ କରିଥିବା କମ୍ପାନୀର ନାମ ଥିବା ଏକ ବୋର୍ଡ ଥିଲା। ତେବେ ଏହି ବୋର୍ଡ ଉପରେ ଏକ ଧଳା କପଡ଼ାରେ ଆଚ୍ଛାଦନ କରାଯାଇ ଲୁଚାଯାଇଥିଲା।
ଏଥି ସହିତ, ଯେଉଁ ଡାକ୍ତରଖାନାରେ ଦୁର୍ଘଟଣାରେ ଆହତ ହୋଇଥିବା ଲୋକମାନେ ଭର୍ତ୍ତି ହୋଇଥିଲେ ାହାର ବିଭିନ୍ନ ସ୍ଥାନରେ ଯୁ୍rଦ୍ଦକାଳୀନ ଭିତ୍ତିରେ ରଙ୍ଗ ଦିଆଯିବା ସହିତ ହସ୍ପିଟାଲର ବେଡ ସିଟ ଏବଂ ବେଡ ମଧ୍ୟ ପରିବର୍ତ୍ତନ କରାଯାଇଥିଲା । ମଙ୍ଗଳବାର ଦିନ ଘଟଣାସ୍ଥଳ ପରିଦର୍ଶନ କରିବା ପରେ ପ୍ରଧାନମନ୍ତ୍ରୀ ଆହତମାନଙ୍କୁ ହସ୍ପିଟାଲରେ ଭେଟିଥିଲେ। ପ୍ରଧାନମନ୍ତ୍ରୀ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଏହି ପ୍ରସ୍ତୁତିକୁ ବିରୋଧୀ ଦଳଙ୍କ ପକ୍ଷରୁ ଇଭେଣ୍ଟ ମ୍ୟାନେଜମେଣ୍ଟ ବୋଲି ଅଭିଯୋଗ କରାଯାଇଛି।
ଦୁଇ ଦଶନ୍ଧିରୁ ଅଧିକ ସମୟ ଧରି ଗୁଜରାଟରେ କ୍ଷମତାରେ ଥିବା ଭାରତୀୟ ଜନତା ପାର୍ଟି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଂଗ୍ରେସ ଏବଂ ଆମ ଆଦମୀ ପାର୍ଟି ପଚାରିଛନ୍ତି ଯେ ଏନଓସି ନ ପାଇ ତୁମେ କିପରି ସମୟ ପୂର୍ବରୁ ସେତୁ ଖୋଲିଲ?
ପୋଲର ମରାମତି କାର୍ଯ୍ୟ ସମୟରେ କମ୍ପାନୀ କିଛି ପୁରୁଣା କେବୁଲ ବଦଳାଇ ନଥିଲା। ମରାମତି ପାଇଁ ମାର୍ଚ୍ଚରୁ ଏହି ସେତୁ ବନ୍ଦ ରହିଥିଲା। ପୋଲରେ ପ୍ରବେଶ ପାଇଁ ଟିକଟ ୧୨ ଟଙ୍କା ଥିବାବେଳେ ଏହାକୁ ୧୭ ଟଙ୍କାରେ ବିକ୍ରି ହୋଇଥିଲା। ଏହାର କ୍ଷମତା ଅପେକ୍ଷା ଅଧିକ ଲୋକଙ୍କୁ ଅନୁମତି ଦିଆଯାଇଥିଲା। ଫଳରେ ଏହିସବୁ କାରଣରୁ ପୋଲଟି ମାତ୍ର ୪ ଦିନ ମଧ୍ୟରେ ଭାଙ୍ଗି ଯାଇଥିବା ଅଭିଯୋଗ ହୋଇଛି।
ଓରେଭା କମ୍ପାନୀର ମାଲିକ ଜୟସୁଖ ଭୋଇ ପଟେଲଙ୍କ ନାମ ପୋଲିସର ଏଫଆଇଆରରେ ନାହିଁ। ଏହି କମ୍ପାନୀ ସ୍ଥାନୀୟ ନାଗରିକ ସଂସ୍ଥାରୁ ଫିଟନେସ ସାର୍ଟିଫିକେଟ ମଧ୍ୟ ନେଇ ନଥିବା ଅଭିଯୋଗ ହୋଇଛି।
