ମୁମ୍ବାଇ: ନୀଳନୟନା ଐଶ୍ୱର୍ଯ୍ୟା ରାୟଙ୍କର କୌଣସି ପରିଚୟର ଆବଶ୍ୟକତା ନାହିଁ। କାରଣ ତାଙ୍କୁ ସମସ୍ତେ ପ୍ରାୟ ଜାଣିଛନ୍ତି। ଏବେ ଐଶ୍ୱର୍ଯ୍ୟା-ଅଭିଷେକଙ୍କ ସହ ଛାଡ଼ପତ୍ର ହେବାର ଗୁଜବ ପାଇଁ ଗତ କିଛିଦିନ ହେବ ଚର୍ଚ୍ଚାରେ ରହିଆସିଛନ୍ତି। ତାଙ୍କ ସୌନ୍ଦର୍ଯ୍ୟ ସହିତ ସେ ନିଜ ଅଭିନୟ ଜରିଆରେ ଦର୍ଶକଙ୍କୁ ପାଗଳ କରିଦେଇଛନ୍ତି। ତଥାପି ଅଭିଷେକଙ୍କ ସହ ଛାଡ଼ପତ୍ର ହେବାର ଗୁଜବ ପ୍ରଚାର ହେବା ପରଠାରୁ ପ୍ରଶଂସକମାନେ ନିରାଶ ହୋଇଛନ୍ତି। ଲୋକମାନେ ଜାଣିବାକୁ ଚାହାନ୍ତି ଐଶ୍ୱର୍ଯ୍ୟା ଯଦି ଅଲଗା ହୁଅନ୍ତି ତେବେ ତାଙ୍କର ବ୍ୟକ୍ତିଗତ ସମ୍ପତ୍ତି କେତେ?
ଐଶ୍ୱର୍ଯ୍ୟା-ଅଭିଷେକ ଛାଡ଼ପତ୍ର ହେଲେ ବି ଐଶ୍ୱର୍ଯ୍ୟାଙ୍କର ଅର୍ଥର ଅଭାବ ନାହିଁ। କାରଣ ସେ ଫିଲ୍ମ ଏବଂ ବିଜ୍ଞାପନରୁ ଏତେ ଅଧିକ ରୋଜଗାର କରନ୍ତି, ଯାହା ଅନ୍ୟ ଅଭିନେତ୍ରୀଙ୍କଠାରୁ ବହୁତ ଅଧିକ ଅଟେ।
ଐଶ୍ୱର୍ଯ୍ୟା ଦୀର୍ଘବର୍ଷ ଧରି ନିଜର ସୌନ୍ଦର୍ଯ୍ୟ, ଅଭିନୟ ଏବଂ ଡ୍ୟାନ୍ସ ସହିତ ଲୋକଙ୍କ ହୃଦୟ ଜିତି ଆସିଛନ୍ତି। ସେ ହିନ୍ଦୀ ଫିଲ୍ମର ଅନେକ ହିଟ୍ ଫିଲ୍ମରେ କାମ କରିଛନ୍ତି। ଏହା ବ୍ୟତୀତ ସେ ତାମିଲ ଫିଲ୍ମରେ ମଧ୍ୟ ନିଜର ପ୍ରତିଭା ପ୍ରଦର୍ଶନ କରିଛନ୍ତି।
ଐଶ୍ୱର୍ଯ୍ୟାଙ୍କ ସମ୍ପତ୍ତି ବିଷୟରେ କହିବାକୁ ଗଲେ ତାଙ୍କର ଆନୁମାନିକ ସମ୍ପତ୍ତିର ମୂଲ୍ୟ ୭୭୬ କୋଟି ଟଙ୍କା। ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ସେ ଭାରତର ସବୁଠାରୁ ଧନୀ ଅଭିନେତ୍ରୀମାନଙ୍କ ମଧ୍ୟରୁ ଜଣେ। ସେ ଏକ ଫିଲ୍ମ ପାଇଁ ୧୦ରୁ ୧୨ କୋଟି ଟଙ୍କା ଆଦାୟ କରନ୍ତି। ଏକ ପ୍ରଡକ୍ଟର ବିଜ୍ଞାପନ ପାଇଁ ସେ ଦିନକୁ ପ୍ରାୟ ୬-୭ କୋଟି ଟଙ୍କା ଆଦାୟ କରନ୍ତି।
ଐଶ୍ୱର୍ଯ୍ୟା ଭାରତ ଏବଂ ବିଦେଶର ଅନେକ ବ୍ରାଣ୍ଡ ପାଇଁ ବିଜ୍ଞାପନ କରିଆସୁଛନ୍ତି। ଅମିତାଭ ବଚ୍ଚନଙ୍କ କେତେକ କମ୍ପାନୀରେ ଐଶ୍ୱର୍ଯ୍ୟାଙ୍କର ମଧ୍ୟ ଶେୟାର ରହିଛି। ଯଦି ଆମେ ତାଙ୍କ ଫିଲ୍ମ ବିଷୟରେ କଥା ହେବା, ତେବେ ତାଙ୍କୁ ଶେଷଥର ପାଇଁ ତାମିଲ ଫିଲ୍ମ ‘ପୋନିୟନ ସେଲଭନ’ରେ ଦେଖିବାକୁ ମିଳିଥିଲା। ସେ ଏହି ଫିଲ୍ମରେ ନନ୍ଦିନୀଙ୍କ ଭୂମିକାରେ ଅଭିନୟ କରିଥିଲେ। ଖବର ଅନୁଯାୟୀ ଏହି ଫିଲ୍ମ ପାଇଁ ଐଶ୍ ୧୦ କୋଟି ଟଙ୍କା ଆଦାୟ କରିଥିଲେ।
ଅଭିଷେକ ବଚ୍ଚନଙ୍କ ସମ୍ପତ୍ତି ୨୮୦ କୋଟି ଟଙ୍କା ବୋଲି ଆକଳନ କରାଯାଇଛି। ଯାହା ଅଭିନେତ୍ରୀଙ୍କ ସମ୍ପତ୍ତିଠାରୁ ପ୍ରାୟ ଦୁଇ ଗୁଣ କମ୍ ଅଟେ। ରିପୋର୍ଟ ଅନୁଯାୟୀ, ଜୁନିଅର ବଚ୍ଚନ ବାର୍ଷିକ ୨୫ କୋଟି ଟଙ୍କା ରୋଜଗାର କରନ୍ତି।
