ନୂଆଦିଲ୍ଲୀ,୨୦।୨: ନିକଟରେ ଟେନିସ ତାରକା ସାନିଆ ର୍ମିଜା ଏବଂ ପାକିସ୍ତାନୀ କ୍ରିକେଟର ଶୋଏବ ମଲିକ ଅଲଗା ହେବାକୁ ନିଷ୍ପତ୍ତି ନେଇଥିଲେ। କିଛି ଦିନ ପରେ ଶୋଏବ ମଲିକ ପାକିସ୍ତାନୀ ଅଭିନେତ୍ରୀ ସନା ଜାଭେଦଙ୍କୁ ବିବାହ କରିଥିଲେ। ତେବେ ଗତ ଏକ ବର୍ଷ ଧରି ସାନିଆ ଏବଂ ଶୋଏବଙ୍କ ଛାଡପତ୍ର ଖବର ସାମ୍ନାକୁ ଆସୁଥିଲା। ଶୋଏବଙ୍କ ନୂଆ ବିବାହ ପରେ ସାନିଆଙ୍କ ନାମ ଜଣେ ଭାରତୀୟ କ୍ରିକେଟରଙ୍କ ସହ ଯୋଡା ଯାଉଛି। ବାସ୍ତବରେ ପ୍ରଶଂସକମାନେ ସାନିଆଙ୍କ ବିଷୟରେ ଦୁଇ ପ୍ରକାରର ଦାବି କରୁଛନ୍ତି। ଏଠାରେ ଆମେ ଆପଣଙ୍କୁ ଉଭୟ ଦାବିର ସତ୍ୟତା କହିବାକୁ ଯାଉଛୁ…
ପ୍ରଥମ ଦାବି- ଗତ କିଛି ଦିନ ହେବ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି। ଏହି ଫଟୋରେ ସାନିଆ ର୍ମିଜା ଏବଂ ଭାରତୀୟ ଦ୍ରୁତ ବୋଲର ମହମ୍ମଦ ଶାମି ଅଛନ୍ତି। ଫଟୋର ଉଭୟ ବିବାହ ପୋଷାକରେ ନଜର ଆସିଛନ୍ତି। ଲୋକମାନେ ଦାବି କରୁଛନ୍ତି ଯେ ଶୋଏବ ମଲିକଙ୍କଠାରୁ ଅଲଗା ହେବା ପରେ ସାନିଆ ର୍ମିଜା ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ବିବାହ କରିଛନ୍ତି। ତେବେ ଏହି ଦାବି ସମ୍ପୂର୍ଣ୍ଣ ଭୁଲ ଅଟେ। ସାନିଆ ଏ ପର୍ଯ୍ୟନ୍ତ ଦ୍ୱିତୀୟ ଥର ବିବାହ କରିନାହାଁନ୍ତି। ବିବାହ ପୋଷାକରେ ଉଭୟଙ୍କ ଫଟୋ ମଧ୍ୟ ନକଲି । ଏହି ଫଟୋ ଏଆଇ ଆଧାରିତ।
ଦ୍ୱିତୀୟ ଦାବି- ସାନିଆଙ୍କ ବିଷୟରେ ସୋସିଆଲ ମିଡିଆରେ ମଧ୍ୟ ଦାବି କରାଯାଇଛି ଯେ ସେ ଖୁବ ଶୀଘ୍ର ମହମ୍ମଦ ଶାମିଙ୍କୁ ବିବାହ କରିବେ। ଉଭୟଙ୍କ ବିଭିନ୍ନ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତଥାପି, ଏହି ସମସ୍ତ ଫଟୋଗୁଡ଼ିକ ଏଆଇ ଆଧାରିତ । ସାନିଆ ଏବଂ ଶାମି ମଧ୍ୟରେ କିଛି ନାହିଁ । ସୋସିଆଲ ମିଡିଆରେ କରାଯାଉଥିବା ଦାବିଗୁଡିକ ସମ୍ପୂର୍ଣ୍ଣ ରୂପେ ମିଥ୍ୟା ଅଟେ ।
