ଜାମାଇକା,୨୩।୭: ୩୭ ବର୍ଷୀୟ ଅଲରାଉଣ୍ଡର ଆଣ୍ଡ୍ରେ ରସେଲଙ୍କୁ ଆଉ କେବେ ୱେଷ୍ଟଇଣ୍ଡିଜ ଜର୍ସିରେ ଦେଖିବାକୁ ମିଳିବ ନାହିଁ। ସେ ୨୨ ଜୁଲାଇରେ ଅଷ୍ଟ୍ରେଲିଆ ବିପକ୍ଷରେ ତାଙ୍କର ଶେଷ ମ୍ୟାଚ ଖେଳିଥିଲେ। ଯେଉଁଠାରେ ରସେଲ ଏକ ଝଡ଼ମୟ ଇନିଂସ ଖେଳିଥିଲେ। ଏହା ସତ୍ତ୍ୱେ, ତାଙ୍କ ଦଳ ତାଙ୍କୁ ବିଜୟ ସହିତ ବିଦାୟ ଦେବାରେ ବିଫଳ ହୋଇଥିଲେ।
ଅଷ୍ଟ୍ରେଲିଆ ଦଳ ଏହି ମ୍ୟାଚ ୮ ୱିକେଟରେ ଜିତିଥିଲା। ମ୍ୟାଚ ପୂର୍ବରୁ, ଆଣ୍ଡ୍ରେ ରସେଲଙ୍କୁ ଉଭୟ ଦଳର ଖେଳାଳିମାନେ ଗାର୍ଡ ଅଫ ଅନର ଦେଇଥିଲେ। ଏହା ସହିତ, ଏହି କିମ୍ବଦନ୍ତୀ କ୍ରିକେଟରଙ୍କୁ ୱେଷ୍ଟଇଣ୍ଡିଜ କ୍ରିକେଟ ବୋର୍ଡ ପକ୍ଷରୁ ଏକ ବିଶେଷ ଉପହାର ମଧ୍ୟ ମିଳିଥିଲା।
ୱେଷ୍ଟଇଣ୍ଡିଜ ପାଇଁ ୧୪୨ ଅନ୍ତର୍ଜାତୀୟ ମ୍ୟାଚ ଖେଳିଥିବା ଆଣ୍ଡ୍ରେ ରସେଲ ମଙ୍ଗଳବାର ଶେଷ ଥର ପାଇଁ ଖେଳିଥିଲେ। ଅଷ୍ଟ୍ରେଲିଆ ବିପକ୍ଷରେ ଟି୨୦ ସିରିଜ ଆରମ୍ଭ ହେବା ପୂର୍ବରୁ ମଧ୍ୟ ସେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। ୱିଣ୍ଡିଜ ବୋର୍ଡ X ରେ ଏକ ସ୍ବତନ୍ତ୍ର ପୋଷ୍ଟ ଜାରି କରି ଜଣାଇଥିଲା ଯେ ତାଙ୍କ ଘରୋଇ ଗ୍ରାଉଣ୍ଡ ଜାମାଇକାରେ ଅନୁଷ୍ଠିତ ହେବାକୁ ଥିବା ଦ୍ୱିତୀୟ ଟି୨୦ ତାଙ୍କ ଜୀବନର ଶେଷ ଅନ୍ତର୍ଜାତୀୟ ମ୍ୟାଚ ହେବ।
ମ୍ୟାଚ ପୂର୍ବରୁ, ଉଭୟ ଦଳର ଖେଳାଳିମାନେ ତାଙ୍କୁ ଗାର୍ଡ ଅଫ ଅନର ଦେଇ ତାଙ୍କର ଅବଦାନକୁ ପ୍ରଶଂସା କରିଥିଲେ। ଏହା ପରେ ରସେଲଙ୍କୁ ୱେଷ୍ଟଇଣ୍ଡିଜ କ୍ରିକେଟ ବୋର୍ଡ ପକ୍ଷରୁ ଏକ ଉପହାର ମଧ୍ୟ ମିଳିଥିଲା। ଏହା ଏକ ସ୍ବତନ୍ତ୍ର ସ୍ମାରକୀ ଥିଲା। ଯାହା ବ୍ୟାଟ ଆକୃତିର ଗିଟାର ପରି ଦେଖାଯାଉଥିଲା। ଏଥିରେ ଏକ ଲାଲ ବଲ ମଧ୍ୟ ଲାଗିଥିଲା। ଏହା ମାଧ୍ୟମରେ ୱେଷ୍ଟଇଣ୍ଡିଜ ତାଙ୍କୁ ସମ୍ମାନିତ କରିଥିଲା। ଏହାର ଏକ ଭିଡିଓ ମଧ୍ୟ ସେମାନଙ୍କର ଅଫିସିଆଲ X ହ୍ୟାଣ୍ଡେଲରେ ଅପଲୋଡ କରିଥିଲା।
ଆନ୍ଦ୍ରେ ରସେଲ ତାଙ୍କ କ୍ୟାରିଅରର ଶେଷ ମ୍ୟାଚରେ ୧୫ ବଲ ରେ ୩୬ ରନର ଏକ ଝଡ଼ମୟ ଇନିଂସ ଖେଳିଥିଲେ। ଯଦି ଆମେ ତାଙ୍କ କ୍ୟାରିଅରକୁ ଦେଖିବା, ୨୦୧୦ରେ ଡେବ୍ୟୁ କରିବା ପରେ, ସେ ୱେଷ୍ଟଇଣ୍ଡିଜ ପାଇଁ ଗୋଟିଏ ଟେଷ୍ଟ, ୫୬ ଦିନିକିଆ ଏବଂ ୮୫ ଟି ୨୦ ମ୍ୟାଚ ଖେଳିଛନ୍ତି। ତାଙ୍କର ଦିନିକିଆରେ ୧୦୩୪ରନ ଅଛି।
ଯେଉଁଥିରେ ୪ ଅର୍ଦ୍ଧଶତକ ଅନ୍ତର୍ଭୁକ୍ତ। ସେହି ସମୟରେ, ଟି ୨୦ ଆନ୍ତର୍ଜାତୀୟରେ, ସେ ତିନୋଟି ଅର୍ଦ୍ଧଶତକ ସହାୟତାରେ ୧୦୮୬ରନ କରିଥିଲେ। ଏକମାତ୍ର ଟେଷ୍ଟରେ ସେ ୨ ରନ କରିବା ସହିତ ଗୋଟିଏ ୱିକେଟ ନେଇଥିଲେ।
Dre Russ takes his final walk in the Maroon🌴 , honored by teammates, hailed by fans🙌🏾 and etched forever in West Indies Cricket Legend.🏏✌🏾💥 #WIvAUS | #DreDay | #FullAhEnergy pic.twitter.com/bUBKXO92MP
— Windies Cricket (@windiescricket) July 23, 2025
