ନୂଆଦିଲ୍ଲୀ,୧।୧: ଭାରତୀୟ କ୍ରିକେଟ ଦଳର ମୁଖ୍ୟ କୋଚ ଗୌତମ ଗମ୍ଭୀରଙ୍କ ମତ ଚୟନକର୍ତ୍ତାଙ୍କ ଶୁଣିନାହାନ୍ତି। ଚୟନକର୍ତ୍ତାମାନେ ବର୍ଡର-ଗାଭାସ୍କର ଟ୍ରଫି ୨୦୨୪-୨୫ ପାଇଁ ଅଧିକାଂଶ ଯୁବ ଖେଳାଳିଙ୍କ ଉପରେ ବିଶ୍ୱାସ ପ୍ରକଟ କରିଥିଲେ। ବ୍ୟାଟ୍ସମ୍ୟାନ ଚେତେଶ୍ୱର ପୂଜାରାଙ୍କ ସମେତ ଅନେକ ଅଭିଜ୍ଞ ଖେଳାଳିଙ୍କ ନାମ ଦଳରୁ ବାଦ୍ ଥିଲା। ରିପୋର୍ଟରେ ଦର୍ଶାଯାଇଛି, ଗମ୍ଭୀର ଚାହୁଁଥିଲେ ଯେ ପୂଜାରାଙ୍କୁ ଟିମ ଇଣ୍ଡିଆରେ ଅନ୍ତର୍ଭୁକ୍ତ କରାଯାଉ, କିନ୍ତୁ ତାଙ୍କ ପ୍ରସ୍ତାବ ଗ୍ରହଣ କରାଯାଇ ନ ଥିଲା।
ଏକ ରିପୋର୍ଟ ଅନୁଯାୟୀ, ବର୍ଡର-ଗାଭାସ୍କର ଟ୍ରଫି ପାଇଁ ପୂଜାରାଙ୍କୁ ଟିମ ଇଣ୍ଡିଆରେ ଅନ୍ତର୍ଭୁକ୍ତ କରାଯିବାକୁ ଗମ୍ଭୀର ଚାହୁଁଥିଲେ, କିନ୍ତୁ ଏହା ହୋଇ ନ ଥିଲା। ପୂଜାରାଙ୍କୁ ଦଳରେ ଅନ୍ତର୍ଭୁକ୍ତ କରିବାକୁ ଚୟନକର୍ତ୍ତା ଗମ୍ଭୀରଙ୍କ କଥା ଶୁଣି ନ ଥିଲେ। ରିପୋର୍ଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ, ପର୍ଥରେ ସିରିଜର ପ୍ରଥମ ଟେଷ୍ଟ ଜିତିବା ପରେ ମଧ୍ୟ ଗମ୍ଭୀର ପୂଜାରାଙ୍କ ବିଷୟରେ କହିଥିଲେ।
ସୂଚନାଯୋଗ୍ୟ,ପୂଜାରା ଟିମ ଇଣ୍ଡିଆ ପାଇଁ ୧୦୦ରୁ ଅଧିକ ଟେଷ୍ଟ ଖେଳିଛନ୍ତି। ସେ ୨୦୨୩ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲରେ ଟିମ ଇଣ୍ଡିଆ ପାଇଁ ତାଙ୍କର ଶେଷ ଟେଷ୍ଟ ଖେଳିଥିଲେ। ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଏହି ମ୍ୟାଚରେ ପୂଜାରା ଉଭୟ ଇନିଂସରେ ୧୪ ଓ ୨୭ ରନ ସ୍କୋର କରିଥିଲେ।
୨୦୧୮-୧୯ରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ସିରିଜରେ ପୂଜାରା ସର୍ବାଧିକ ରନ ସ୍କୋରର୍ ହୋଇଥିଲେ। ଭାରତୀୟ ବ୍ୟାଟ୍ସମ୍ୟାନ ୧୨୫୮ ବଲରେ ୫୨୧ ରନ ସଂଗ୍ରହ କରିଥିଲେ। ତା’ପରେ ୨୦୨୦-୨୧ରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ସିରିଜରେ ପୂଜାରା ୨୭୧ ରନ ସଂଗ୍ରହ କରିଥିଲେ। ସେ ପନ୍ତଙ୍କ ପରେ ସିରିଜରେ ଭାରତ ପାଇଁ ସର୍ବାଧିକ ରନ ସ୍କୋରର୍ ହୋଇଥିଲେ।
