ଆବୁଧାବି,୧୬।୧୨: କୋଲକାତା ନାଇଟ୍ ରାଇଡର୍ସ (KKR) ଚଳିତ IPL ମିନି ନିଲାମରେ ବଡ଼ ଧରଣର ଖର୍ଚ୍ଚ କରିଛି। ଅଷ୍ଟ୍ରେଲିଆର ଅଲରାଉଣ୍ଡର କ୍ୟାମେରନ୍ ଗ୍ରୀନ୍ଙ୍କୁ ୨୫.୨୦ କୋଟି ଟଙ୍କାରେ କିଣିବା ପରେ, ଦଳ ଶ୍ରୀଲଙ୍କାର ପ୍ରତିଭାବାନ ଦ୍ରୁତ ବୋଲର ମାଥିଶା ପାଥିରାନାଙ୍କୁ ୧୮ କୋଟି ଟଙ୍କାରେ କିଣିବାରେ ସଫଳ ହୋଇଛି।
ପାଥିରାନାଙ୍କୁ କିଣିବା ପାଇଁ ଦିଲ୍ଲୀ କ୍ୟାପିଟାଲ୍ସ (DC) ଏବଂ ଲକ୍ଷ୍ନୌ ସୁପର ଜାଏଣ୍ଟସ୍ (LSG) ମଧ୍ୟରେ ତୀବ୍ର ନିଲାମୀ ଯୁଦ୍ଧ ହୋଇଥିଲା। ୧୭ କୋଟି ଟଙ୍କା ଅତିକ୍ରମ କରିବା ପରେ DC ଓହରି ଯାଇଥିଲା ଏବଂ ପରେ LSG ମଧ୍ୟ ୧୮ କୋଟି ଟଙ୍କାରେ ନିଲାମରୁ ଓହରିଯିବାରୁ KKR ତାଙ୍କୁ କିଣି ନେଇଥିଲା। ପାଥିରାନା ପୂର୍ବରୁ CSK ଦ୍ୱାରା ୧୩ କୋଟି ଟଙ୍କାରେ ରିଲିଜ୍ ହୋଇଥିଲେ। ପାଥିରାନା ପରବର୍ତ୍ତୀ ସିଜିନରେ ଟିମ୍ ସାଉଦୀ ଏବଂ ଡ୍ୱେନ୍ ବ୍ରାଭୋଙ୍କ ତତ୍ତ୍ଵାବଧାନରେ ଖେଳିବେ।
ଅନ୍ୟପଟେ ନ୍ୟୁଜିଲ୍ୟାଣ୍ଡର ଦ୍ରୁତ ବୋଲର ଜ୍ୟାକବ ଡଫିଙ୍କୁ ତାଙ୍କ ମୂଳ ମୂଲ୍ୟ ୨ କୋଟି ଟଙ୍କାରେ ଡିଫେଣ୍ଡିଂ ଚାମ୍ପିଅନ୍ସ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) କିଣିଛି।
ତେବେ ଭାରତୀୟ ଦ୍ରୁତ ବୋଲର ଆକାଶ ଦୀପ (ମୂଳ ମୂଲ୍ୟ ୧ କୋଟି) ଓ ଶିବମ ମାଭି (ମୂଳ ମୂଲ୍ୟ ୭୫ ଲକ୍ଷ), ଏବଂ ଦକ୍ଷିଣ ଆଫ୍ରିକାର ଗେରାଲ୍ଡ କୋଏଟଜି ଏହି ମିନି-ନିଲାମରେ ବର୍ତ୍ତମାନ ବିକ୍ରି ହୋଇ ନାହାନ୍ତି।
