ପୁରୁଷୋତ୍ତମପୁର,୧୫ା୩(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ଜଳେଶ୍ବରଖଣ୍ଡି ଗ୍ରାମ ଋଷିକୂଲ୍ୟା ନଦୀତଟରେ ତାରାତାରିଣୀଙ୍କ ନିକଟରେ ପ୍ରତିଷ୍ଠିତ ଅନ୍ୟତମ ଶକ୍ତିପୀଠ ମା’ ଦକ୍ଷିଣକାଳୀଙ୍କ ପୀଠରେ ଦୀର୍ଘ ୩୦ ବର୍ଷ ପରେ ଅନୁଷ୍ଠିତ ହୋଇଛି ସପ୍ତସତୀ ଚଣ୍ଡୀ ମହାଯଜ୍ଞ। ମନ୍ଦିର ଟ୍ରଷ୍ଟି ସୁଦର୍ଶନ ନାୟକ ଓ ମୁଖ୍ୟ ପୁରୋହିତ ପଣ୍ଡିତ ବାସୁଦେବ ମିଶ୍ରଙ୍କ ତତ୍ତ୍ୱାବଧାନରେ ନୀତିକ୍ରାନ୍ତି ଅନୁଯାୟୀ ମା’ଙ୍କ ପୂଜାର୍ଚ୍ଚନା ଓ ଯଜ୍ଞ ଚାଲିଛି। ପ୍ରତ୍ୟହ ସୂର୍ଯ୍ୟ ପୂଜା,୧୦୮ ଚଣ୍ଡୀପାଠ, ନାମଯଜ୍ଞ, ଘୃତ ଯଜ୍ଞ, ଅନ୍ନଯଜ୍ଞମାନ ସହ ବିଭିନ୍ନ ପ୍ରକାରର ପୂଜାପାଠ ଚାଲିଛି। ଏଥିରେ ମୁଖ୍ୟ ପ୍ରଚାରକ ପଣ୍ଡିତ ସିମାଞ୍ଚଳ ତ୍ରିପାଠୀ, ବିଭୂତି ଭୂଷଣ ତ୍ରିପାଠୀଙ୍କ ସମେତ ୧୦୦୮ ଜଣ ପଣ୍ଡିତ ଯୋଗଦେଇଥିବା ବେଳେ କର୍ତ୍ତାଭାବରେ ରହିଛନ୍ତି। ଯଜ୍ଞ ଦେଖିବା ସହ ମା’ଙ୍କ ଆଶୀର୍ବାଦ ଭିକ୍ଷା ଲାଗି ଭକ୍ତଙ୍କ ଭିଡ଼ ଲାଗିଥିବା ବେଳେ ଆଜି ସଂକ୍ରାନ୍ତି ହେତୁ ପ୍ରବଳଭିଡ଼ ଲାଗିରହିଛି। ଆସନ୍ତା ୨୦ ତାରିଖରେ ଏହ ଯଜ୍ଞର ଉଦ୍ଯାପନ ଘଟିବ।
