ନୂଆଦିଲ୍ଲୀ: ବେଳକୁ ବେଳ କୃତ୍ରିମ ବୁଦ୍ଧିମତ୍ତା (ଏଆଇ)ର ବ୍ୟବହାର ବୃଦ୍ଧି ପାଇବାରେ ଲାଗିଛି। ଅଫିସଠାରୁ ଆରମ୍ଭ କରି ମେଡିକାଲ କ୍ଷେତ୍ରରେ ମଧ୍ୟ ତା’ ସଫଳ ଯୋଗଦାନ ଦେଖିବାକୁ ମିଳୁଛି। ନିକଟରେ ଏଆଇ ଏମିତି କିଛି କାର୍ଯ୍ୟ କରିଛି, ଯାହା ଜାଣିଲେ ଆଶ୍ଚର୍ଯ୍ୟ ଲାଗିବ। କିଛି ମାସ ପୂର୍ବରୁ ନେଦରଲାଣ୍ଡରେ ଜଣେ ୪୦ ବର୍ଷୀୟ ଏଆଇ ସାହାଯ୍ୟରେ ଚାଲିବାକୁ ସକ୍ଷମ ହୋଇଛନ୍ତି। ଏବେ ବୈଜ୍ଞାନିକଙ୍କ ଅନେକ ସଫଳତା ମିଳିବାକୁ ଲାଗିଛି। ନିକଟରେ ଜଣେ ମହିଳାଙ୍କ ସହିତ ମଧ୍ୟ ଏପରି ହୋଇଛି। ଯିଏ ଦୀର୍ଘ ୧୮ ବର୍ଷ ପରେ କଥା କହିବାକୁ ସକ୍ଷମ ହୋଇପାରିଛନ୍ତି। ୪୮ ବର୍ଷୀୟା ଆନ ଜନସନ୍ଙ୍କୁ ୩୦ ବର୍ଷ ବୟସରେ ବ୍ରେନ୍ ଷ୍ଟୋକ୍ ହୋଇଥିଲା। ଏଥିଯୋଗୁ ତାଙ୍କୁ ପକ୍ଷାଘାତି ହୋଇଯାଇଥିଲା। ସେ ସେତେବେଳେ କିଛି କଥା କହିପାରୁ ନ ଥିଲେ। କିନ୍ତୁ ଏବେ ଏଆଇ ତାଙ୍କ ଜୀବନ ବଦଳାଇ ଦେଇଛି। ତାଙ୍କ ମସ୍ତିଷ୍କରେ ପାଖାପାଖି ୨୫୦ଟି ଇଲେକ୍ଟ୍ରୋନିକ ତାର ଇଂପ୍ଲାଣ୍ଟ କରାଯାଇଛି। ଏହି ଇଲେକ୍ଟ୍ରୋନିକ ତାର ମସ୍ତିଷ୍କର ସ୍ପିଚ ପ୍ରୋସେସିଂ କ୍ଷେତ୍ରକୁ ଘେରି ରହିଛି। ମସ୍ତିଷ୍କ ପଠାଉଥିବା ସଙ୍କେତକୁ କମ୍ପ୍ୟୁଟର ସାହାଯ୍ୟରେ ଯୋଗା ଯାଇଥିଲା। ଯାହା ଫଳରେ ଜନସନଙ୍କୁ କିଛି ଚିତ୍ର ଦେଖାଯାଇଥିଲା ଏବଂ ତାହା କେଉଁ ସଙ୍କେତ, ସେ ବାବଦରେ ଜନସନ ନିଷ୍ପତ୍ତି ନେଇଥିଲେ। ଏହାର ଏକ ଭିଡିଓ ସୋସିଆଲ ମିଡିଆରେ ଶେୟାର କରାଯାଇଛି। ଜନସନ ଏହି ସଙ୍କେତକୁ ଚିହ୍ନିବାକୁ ଏଆଇର ସାହାଯ୍ୟ ନେଇଥିଲେ।
