ଦୁବାଇ,୯।୯: ଏସିଆ କପ୍ ୨୦୨୨ରେ ଆଫଗାନିସ୍ତାନ-ପାକିସ୍ତାନ ମଧ୍ୟରେ ବୁଧବାର ଅନୁଷ୍ଠିତ ମ୍ୟାଚ୍ରେ ଦୁଇ ଦଳର ଖେଳାଳିଙ୍କ ବ୍ୟତିତ ପ୍ରଶଂସକଙ୍କ ମଧ୍ୟରେ କଥା କଟାକଟି ହୋଇଥିଲା। ମଇଦାନରେ ଖେଳାଳିମାନେ ମୁହାଁମୁହିଁ ହୋଇଥିବା ବେଳେ ଦର୍ଶକ ଗ୍ୟାଲେରୀ ଏବଂ ଷ୍ଟାଡିୟମ ବାହାରେ ପ୍ରଶଂସକଙ୍କ ମଧ୍ୟରେ ଘମାଘୋଟ ଲଢ଼େଇ ଦେଖିବାକୁ ମିଳିଥିଲା। ହେଲେ ଘଟଣାର ଦିନକ ପରେ ଅର୍ଥାତ ଗୁରୁବାର ଭାରତ ବନାମ ଆଫଗାନିସ୍ତାନ ମ୍ୟାଚ୍ରେ ଭିନ୍ନ ଦୃଶ୍ୟ ଦେଖିବାକୁ ମିଳିଛି।
ଏସିଆ କପ୍ର ସୁପର-୪ ପର୍ଯ୍ୟାୟରେ ଭାରତର ଅନ୍ତିମ ମ୍ୟାଚ୍ ଆଫଗାନିସ୍ତାନ ବିପକ୍ଷରେ ଥିଲା। ଏହି ମ୍ୟାଚ୍ରେ ଭାରତ ୧୦୧ରନ୍ରେ ବିଜେତା ହୋଇଥିଲା। ତେବେ ଏହି ମ୍ୟାଚ୍ ବେଳେ ଉଭୟ ଦେଶର ପ୍ରଶଂସକ ଭାଇଚାରାର ନିଦର୍ଶନ ଦେଇଛନ୍ତି, ଯାହାର ଭିଡିଓ ଭାଇରାଲ ହେଉଛି।
ଆଫଗାନିସ୍ତାନ ଏବଂ ଭାରତୀୟ ପ୍ରଶଂସକ ପରସ୍ପରକୁ ଆଲିଙ୍ଗନ କରି ଭାରତ ଏବଂ ଆଫଗାନିସ୍ତାନ ଜିନ୍ଦାବାଦର ସ୍ଲୋଗାନ ଦେଇଛନ୍ତି। ଏହାର ଏକ ଭିଡିଓ ଆଫଗାନିସ୍ତାନର ଜଣେ ବ୍ୟକ୍ତି ଶେୟାର କରିଥିଲେ। ଭିଡିଓଟି ଏବେ ବେଶ ଭାଇରାଲ ହେଉଛି।
ଦେଖନ୍ତୁ ଭିଡିଓ:
Spirit of brotherhood. Afghan and Indian fans during #AFGvsIND cricket match. 🇦🇫🇮🇳 pic.twitter.com/UweUaAwUwi
— Habib Khan (@HabibKhanT) September 9, 2022
