ନୂଆଦିଲ୍ଲୀ,୨ ।୨: ଅଦାନୀ ଗ୍ରୁପ ତା’ର ଏଫପିଓ ରଦ୍ଦ କରି ଦେଇଛି । ଅଦାନୀ ଏଣ୍ଟରପ୍ରାଇଜେସ ଲିମିଟେଡର ଚେୟାରମ୍ୟାନ ଗୌତମ ଅଦାନୀ କହିଛନ୍ତି, ମାର୍କେଟରେ ଉତ୍ଥାନ ପତନକୁ ଦେଖି କମ୍ପାନୀର ବୋର୍ଡ ଏଫପିଓକୁ ରଦ୍ଦ କରିବାକୁ ନିଷ୍ପତ୍ତି ନେଇଛି । ସେ କହିଛନ୍ତି ଶେୟାର ବଜାରରେ ହଲଚଲ ଓ ମାର୍ଗେଟରେ ଅସ୍ଥିର ସ୍ଥିତିକୁ ଦେଖି ଏଭଳି ସ୍ଥିତିରେ କମ୍ପାନୀର ଉଦ୍ଦେଶ୍ୟ ନିଜ ନିବେଶକଙ୍କ ହିତକୁ ରକ୍ଷା କରିବା । ସେଥିପାଇଁ ଆମେ ଏଫପିଓରେ ମିଳିଥିବା ଅର୍ଥକୁ ଫେରାଇବାକୁ ଯାଉଛୁ ଓ ଏହାସହ ଜଡିତ କାରବାରକୁ ଶେଷ କରିବାକୁ ଚାହୁଁଛୁ ।
ସୂଚନାଯୋଗ୍ୟ, ଏଫପିଓ ବା ଫଲୋ ଅନ ପବ୍ଲିକ ଅଫର ହେଉଛି କୌଣସି କମ୍ପାନୀ ପାଇଁ ଅର୍ଥ ଯୋଗାଡ କରିବାର ଏକ ମାଧ୍ୟମ । ଯେଉଁ କମ୍ପାନୀ ପୂର୍ବରୁ ଶେୟାର ମାର୍କେଟରେ ଲିଷ୍ଟେଡ ରହିଛି । ଏହା ଇନଭେଷ୍ଟର୍ସଙ୍କ ପାଇଁ ନୂଆ ଶେୟାର ଅଫର କରିଥାଏ, ଏହି ଶେୟାର ବଜାରରେ ଥିବା ଶେୟାରଠାରୁ ଅଲଗା ।
