ବମ୍ବେ: ୨୦୦୪ରେ ରିଲିଜ ହୋଇଥିଲା ଫିଲ୍ମ ‘ଟାରଜନ୍ ଦ ଓ୍ବଡର୍ କାର୍’। ଏଥିରେ ନିଜର ସୁନ୍ଦରତା ଏବଂ ଅଭିନୟ ଚାତୁରୀ ଯୋଗୁ କୋଟି କୋଟି ଦର୍ଶକଙ୍କ ମନ କିଣିଥିଲେ ଅଭିନେତ୍ରୀ ଆୟେଶା ଟାକିଆ। ଦିନେ ଯେଉଁ ରୂପକୁ ନେଇ ତାଙ୍କୁ ପ୍ରଶଂସା କରାଯାଉଥିଲା ଏବେ ସେଥିପାଇଁ ତାଙ୍କୁ ଟ୍ରୋଲ ହେବାକୁ ପଡ଼ୁଛିି। କାରଣଟି ହେଉଛି ତାଙ୍କ ଓଠ। ପ୍ଲାଷ୍ଟିକ୍ ସର୍ଜରୀ ପରେ ଆୟେଶାଙ୍କ ଓଠ ତାଙ୍କ ଚେହେରାକୁ ବିଗାଡ଼ି ଦେଇଛି। ଏଥିପାଇଁ ପ୍ରଶଂସକମାନେ ତାଙ୍କର ମଜା ଉଡାଉଛନ୍ତି।
ନିକଟରେ ଆୟେଶା ନିଜର ଇନ୍ଷ୍ଟାଗ୍ରାମରେ ଏକ ଭିଡିଓ ଶେୟାର କରିଥିଲେ। ଭିଡିଓରେ ସେ ଦର୍ପଣ ସାମ୍ନାରେ ଛିଡ଼ା ହୋଇ ନିଜର ସେଲ୍ଫି ନେଉଥିବା ଦେଖାଯାଇଥିଲା। ପ୍ରଶଂସକମାନେ ଭିଡିଓକୁ ପସନ୍ଦ କରିବେ ବୋଲି ସେ ଆଶା ରଖିଥିଲେ। ହେଲେ ଓଲଟା ହୋଇଥିଲା। ଲୋକେ ତାଙ୍କର ମଜା ଉଡାଇବା ସହ ଅସନ୍ତୋଷ ପ୍ରକାଶ କରୁଛନ୍ତି। କେହି କେହି ତାଙ୍କୁ ‘କଣ ହୋଇଯାଇଛି ତୁମକୁ ମ୍ୟାଡାମ। କ’ଣ ଥିଲ? କ’ଣ ହୋଇଗଲ ବୋଲି କମେଣ୍ଟ ଦେଇଛନ୍ତି। ଏପରିକି ‘ ଏ ନିଜର ଚେହେରାକୁ ବିଗାଡ଼ି ଦେଲେ’ ବୋଲି ମଧ୍ୟ କହିଛନ୍ତି।
୨୦୧୭ରେ ଆୟେଶା ଏକ କାଫେର ଲଞ୍ଚ ଉତ୍ସବରେ ପହଞ୍ଚିଥିଲେ। ଏହି ସମୟରେ ସେ ଓଠର ସର୍ଜରୀ କରିଥିବା ଜଣାପଡ଼ିଥିଲା। ସେ ଭଲ ଦେଖାଯାଉ ନ ଥିଲେ। ସେତେବେଳେ ପ୍ରଶଂସକ ତାଙ୍କ ତୁଳନା କାଏଲି ଜେନେରଙ୍କ ସହ କରିଥିଲେ।
ବ୍ୟକ୍ତିଗତ ଜୀବନ ବିଷୟରେ କଥା ହେଲେ ଆୟେଶା ଏବେ ବଡ଼ ପରଦାରୁ ଦୂରେଇ ଯାଇଛନ୍ତି। ୨୦୦୯ରେ ସେ ସମାଜବାଦୀ ପାର୍ଟି ନେତା ଅବୁ ଆଜମୀଙ୍କ ପୁଅ ଫରହାନ ଆଜମୀଙ୍କୁ ବିବାହ କରିଥିଲେ। ଏହାପରେ ସେ ଅଭିନୟରୁ ଦୂରେଇ ଯାଇଥିଲେ। ଉଭୟଙ୍କର ଏକ ୩ ବର୍ଷର ପୁଅ ମାଇକେଲ ଅଛି।
