ଭୁବନେଶ୍ୱର: ଜେଇଇ ଆଡଭାନ୍ସ ୨୦୨୦ରେ ଆକାଶ ଇନ୍ଷ୍ଟିଚ୍ୟୁଟ ଭୁବନେଶ୍ୱରର ଛାତ୍ର ଶିବାଶିଷ ରାଉତ ସର୍ବଭାରତୀୟ ର଼୍ୟାଙ୍କ ୭୩ ହାସଲ କରିଛନ୍ତି। ଏଥିରେ ଚିରାଗ ଫାଲୁର ସର୍ବଭାରତୀୟ ୧ ର଼୍ୟାଙ୍କରେ ରହିଥିବା ବେଳେ ସେ ଆକାଶର ୪ ବର୍ଷିଆ କ୍ଲାସରୁମ ଛାତ୍ର ଅଟନ୍ତି। ସେହିଭଳି ଅନୁଷ୍ଠାନର ଅନିମେସ ସାହୁ ୩୦୧ ର଼୍ୟାଙ୍କ ଏବଂ ୮୫୩ ତମ ସ୍ଥାନରେ ରିତେଶ୍ୱର ରାଜଗୁରୁ ରହିଛନ୍ତି। ଅପରପକ୍ଷରେ ଆୟାଶକାନ୍ତ ମିଶ୍ର, ପ୍ରିତି ନିଲଞ୍ଜନା, ଆଶୁତୋଷ ମିଶ୍ର, ସତାଂଶ ପଟ୍ଟନାୟକ ପ୍ରମୁଖ ର଼୍ୟାଙ୍କରେ ରହି ଓଡିଶା ପାଇଁ ଗୌରବ ଆଣିଛନ୍ତି। ଏହି ଫଳାଫଳ ଇଣ୍ଡିଆନ ଇନ୍ଷ୍ଟିଚ୍ୟୁଟ ଅଫ୍ ଟେକ୍ନୋଲୋଜି, ଦିଲ୍ଲୀ ଦ୍ୱାରା ଆଜି ଘୋଷଣା କରାଯାଇଛି। ଆକାଶ ଏଜୁକେଶନାଲ ସର୍ଭିସେସ ଲିମିଟେଡ୍ର ସିଇଓ ଆକାଶ ଚୌଧୁରୀ ଶିବାଶିଷଙ୍କୁ ଏଥି ଲାଗି ଶୁଭେଚ୍ଛା ଜଣାଇଛନ୍ତି। ଚୌଧୁରୀ କହିଛନ୍ତି ଯେ, ଶିବାଶିଷଙ୍କ ସଫଳତା ଅନୁଷ୍ଠାନ ଲାଗି ଗର୍ବର ବିଷୟ। ଏହି ସଫଳତାର ଶ୍ରେୟ ଆମ ଛାତ୍ରଙ୍କର କଠିନ ପରିଶ୍ରମ, ମାତାପିତାଙ୍କର ସହଯୋଗ, ଏହି ପଥରେ ଯିବା ଲାଗି ମାର୍ଗ ଦେଖାଇଥିବା ଶିକ୍ଷକଙ୍କୁ ଯାଉଛି। ଛାତ୍ରୀଛାତ୍ରଙ୍କୁ ଟେଷ୍ଟ ପ୍ରସ୍ତୁତି କ୍ଷେତ୍ରରେ ସହଯୋଗ କରାଯାଉଛି। ଫଳରେ ମେଡିକାଲ ଏବଂ ଇଞ୍ଜିନିୟରିଂ ପ୍ରବେଶିକାରେ ଛାତ୍ରୀଛାତ୍ର ସଫଳତା ହାସଲ କରୁଛନ୍ତି। ଶିବାଶିଷଙ୍କ ଭବିଷ୍ୟତ ପାଇଁ ସଫଳତା କାମନା କରୁଥିବା ଚୌଧୁରୀ ମତ ରଖିଛନ୍ତି। କଠିନ ପରିଶ୍ରମ ଏବଂ ଆକାଶ ପ୍ରତିଷ୍ଠାନର ସହଯୋଗ ଯୋଗୁ ସଫଳତା ପାଇବାରେ ସହାୟକ ହୋଇଥିବା ଶିବାଶିଷ କହିଛନ୍ତି। ଛାତ୍ରୀଛାତ୍ରଙ୍କ ଉତ୍ତମ ପ୍ରଦର୍ଶନ ଲାଗି ସର୍ବଦା ପଦକ୍ଷେପ ନିଆଯାଉଛି। ବର୍ତ୍ତମାନର ଫଳାଫଳ ଏହାର ଜ୍ୱଳନ୍ତ ଉଦାହରଣ ବୋଲି ଭୁବନେଶ୍ୱର ସେଣ୍ଟରର ନିର୍ଦ୍ଦେଶକ ଅଜୟ ବାହାଦୁର ସିଂ ମତ ପ୍ରକାଶ କରିଛନ୍ତି। ସୂଚନାଯୋଗ୍ୟ ସାରା ଦେଶରୁ ଜେଇଇ ୨୦୨୦ ପାଇଁ ୯ ଲକ୍ଷରୁ ଊର୍ଦ୍ଧ୍ୱ ଛାତ୍ରୀଛାତ୍ର ପଞ୍ଜୀକରଣ କରିଥିଲେ।
