ବ୍ରହ୍ମପୁର ଅଫିସ,୨୫ା୩: ବ୍ରହ୍ମପୁର ମହାନଗରରେ ସଂଘଟିତ ନିର୍ବାଚନୀ ହିଂସା ଘଟଣାରେ ବୈଦ୍ୟନାଥପୁର ପୋଲିସ ଜଣଙ୍କୁ ଗିରଫ କରିଛି। ସେ ହେଲେ ଲାଞ୍ଜିପଲ୍ଲୀ ଢିପ ସାହିର ସୁନୀଲ ବେହେରା। ପୋଲିସ ଏକ ମାମଲା(ନଂ. ୮୭/୨୨) ରୁଜୁ କରି ସୁନୀଲଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଛି। ତାଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଥିବା ଥାନା ଅଧିକାରୀ ରାମ କୁମାର ମୁର୍ମୁ କହିଛନ୍ତି।
ପ୍ରକାଶ ଯେ, ଲାଞ୍ଜିପଲ୍ଲୀ ରାମନଗରର ସତ୍ୟନାରାୟଣ ଜେନା ବିଏମ୍ସି ୩୬ ନମ୍ବର ୱାର୍ଡର ଜଣେ ପ୍ରାର୍ଥୀଙ୍କ ପାଇଁ ପ୍ରଚାର କରୁଥିଲେ। ତାଙ୍କୁ ଏଥିରୁ ନିବୃତ୍ତ ରିହିବା ପାଇଁ ଅଭିଯୁକ୍ତ ସୁନୀଲ ଏବଂ ତାଙ୍କ ସମର୍ଥକ କହିଥିଲେ। ହେଲେ ସତ୍ୟନାରାୟଣ ସେମାନଙ୍କ କଥା ନ ଶୁଣି ପ୍ରଚାର କରୁଥିଲେ। ଏହାକୁ ନେଇ ଗତ ୨୩ ତାରିଖରେ ସୁନୀଲ ଓ ତାଙ୍କର ୩୦ରୁ ଉଦ୍ଧର୍ବ ସମର୍ଥକ ସତ୍ୟନାରାୟଣଙ୍କୁ ଆକ୍ରମଣ କରିଥିଲେ। ଏପରି କି ସୁନୀଲ ଏକ ବନ୍ଧୁକ ସତ୍ୟନାରାୟଣଙ୍କ ମୁଣ୍ଡରେ ରଖି ହତ୍ୟାା ଧମକ ଦେବା ସହ ବ୍ରହ୍ମପୁର ଛାଡ଼ି ଚାଲିଯିବାକୁ କହିଥିଲେ। ସୁନୀଲଙ୍କ ସମର୍ଥକମାନେ ସତ୍ୟନାରାୟଣ ଓ ତାଙ୍କର ୩ଜଣ ସାଙ୍ଗକୁ ଆକ୍ରମଣ କରିଥିଲେ। ଅନ୍ୟ ଜଣେ ସାଙ୍ଗକୁ ଅପହରଣ କରି ନେଇଥିବା ଥାନାରେ ଅଭିଯୋଗ ହୋଇଥିଲା। ସୁନୀଲଙ୍କୁ ଗିରଫ ପରେ ଏବେ ଘଟଣାର ତଦନ୍ତ ଜାରି ରହିଛି। ଅନ୍ୟ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯିବ ବୋଲି ପୋଲିସ କହିଛି।
