ଦାରିଙ୍ଗବାଡ଼ି,୨୧ା୧୨(ଅରୁଣ ସାହୁ): ଓଡ଼ିଶାର କଶ୍ମୀର କୁହାଯାଉଥିବା ଦାରିଙ୍ଗବାଡ଼ିକୁ ଏବେ ପର୍ଯ୍ୟଟକଙ୍କ ସୁଅ ଛୁଟୁଛି। ଦୈନିକ ଶହ ଶହ ପର୍ଯ୍ୟଟକ ଦାରିଙ୍ଗବାଡ଼ି ଆସୁଛନ୍ତି। ତେବେ କଫି ବଗିଚା ନିକଟରେ ଓଡ଼ିଶା ଆଦର୍ଶ ବିଦ୍ୟାଳୟ ରହିଥିବା ବେଳେ ସେହି ରାସ୍ତାରେ ଦୈନିକ ଶହଶହ ଛାତ୍ରୀଛାତ୍ର ବିଦ୍ୟାଳୟକୁ ଯାତାୟାତ କରୁଛନ୍ତି। ହେଲେ ପୂର୍ତ୍ତବିଭାଗର ଉକ୍ତ ରାସ୍ତାରେ ଟ୍ରାଫିକ୍ ବୃଦ୍ଧି ପାଉଥିବା ବେଳେ ରୋଡ୍ ରୋମିଓଙ୍କ ଉପଦ୍ରବ ସମେତ ଦ୍ରୁତଗତିରେ ଗାଡ଼ିଚାଳନା ପାଇଁ ଛାତ୍ରୀଛାତ୍ରଙ୍କ ଛୋଟ ବଡ଼ ଦୁର୍ଘଟଣା ଘଟୁଥିବା ନଜିର ରହିଛି। ଆଦର୍ଶ ବିଦ୍ୟାଳୟରୁ ଛାତ୍ରୀଛାତ୍ର ପୂର୍ତ୍ତ ବିଭାଗ ରାସ୍ତାକୁ ବାହାରିବା ବେଳେ ବିପଦ ପୂର୍ଣ୍ଣ ଭାବେ ବାହାରୁଛନ୍ତି ତେଣୁ ପୂର୍ତ୍ତ ବିଭାଗର ଉକ୍ତ ରାସ୍ତାର ଆଦର୍ଶ ବିଦ୍ୟାଳୟ ଛକରେ ହମ୍ପସ୍ ନିର୍ମାଣ ପାଇଁ ବାଲିଗୁଡ଼ା ଆଇଟିଡିଏ ପ୍ରକଳ୍ପ ପ୍ରଶାସକ କୃପାସିନ୍ଧୁ ବେହେରାଙ୍କୁ ଅଭିଭାବକମାନେ ଲିଖିତ ନିବେଦନ କରିଛନ୍ତି। ସେ ଏନେଇ ବିଭାଗୀୟ ଅଧିକାରୀଙ୍କ ସହ ଆଲୋଚନା କରି ପଦକ୍ଷେପ ନେବେ ବୋଲି ପ୍ରତିଶ୍ରୁତି ଦେଇଛନ୍ତି।
ପ୍ରକାଶ ଯେ, ଦାରିଙ୍ଗବାଡ଼ିଠାରୁ ବ୍ରାହ୍ମଣୀଗାଁ, ଗଜପତି ଦେଇ ବ୍ରହ୍ମପୁରକୁ ଉକ୍ତ ପୂର୍ତ୍ତ ବିଭାଗ ରାସ୍ତା ସଂଯୋଗ କରୁଛି ଦାରିଙ୍ଗବାଡ଼ିର କଫି ବଗିଚା ସମେତ ଡୁଲୁରୀ ପାଇନବଣ, ମିଡିୟୁାନ୍ଦା ଜଳପ୍ରପାତ, ଋଷିମାଳ ପାହାଡ଼, ଯୋଗୀମଠ ଆଦି ପର୍ଯ୍ୟଟନ କ୍ଷେତ୍ର ରହିଥୁବା ବେକେ ଦୈନିକ ଶହଶହ ଗାଡ଼ି, ଯାତ୍ରୀବାହୀ ବସ୍ ଅଟୋ, କାର୍ ଆଦି ଚଳାଚଳ କରୁଛି।
