ଭୁବନେଶ୍ୱର,୧୯ା୩(ସରୋଜ ଜେନା): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ପକ୍ଷରୁ ଆରମ୍ଭ ହୋଇଥିବା ସିନିୟର ଆନ୍ତଃଜିଲା କଳାହାଣ୍ଡି କପ୍ କ୍ରିକେଟର ଦ୍ୱିତୀୟ ଦିନରେ ଭୁବନେଶ୍ୱର ଏ, ଇକୋର୍ସା, ଖୋର୍ଦ୍ଧା, କଟକ ଏ’ ରାଉରକେଲା ଓ ବାଲେଶ୍ୱର ବିଜୟୀ ହୋଇଛନ୍ତି। ଡାଇମଣ୍ଡ ଏ ଓ ବି ଗ୍ରୁପ୍ର ୬ ମ୍ୟାଚ ଅନୁଷ୍ଠିତ ହୋଇଥିବା ବେଳେ ଅଭିଷେକ ଯାଦବ, ବିଶ୍ୱଭୂଷଣ ବିହାରୀ ଓ ଦିବ୍ୟଶକ୍ତି ଚକ୍ରବର୍ତ୍ତୀ ଶତକ ହାସଲ କରିଛନ୍ତି।
ଡ୍ରିମ୍ସ ଗ୍ରାଉଣ୍ଡରେ ଅନୁଷ୍ଠିତ ମ୍ୟାଚ୍ରେ ଭୁବନେଶ୍ୱର ଏ’ ୧୦ ଉଇକେଟରେ କଟକ ବି’କୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରିଥିବା କଟକ ୩୨.୨ ଓଭରରେ ୧୨୦ ରନ୍ କରି ସମସ୍ତ ଉଇକେଟ ହରାଇଥିଲା। ଅନିଲ ପରିଡା ୩୪ ରନ୍ କରିଥିବା ବେଳେ ରୀତେଶ ଓ ଅଂଶୁମାନ ୩ ଉଇକେଟ ଲେଖାଏ ନେଇଥିଲେ। ଜବାବରେ ଶାନ୍ତନୁ ମିଶ୍ରଙ୍କ ୫୯* ଓ ରଘୁନାଥ ମଲ୍ଲଙ୍କ ୫୩* ରନ୍ ବଳରେ ଭୁବନେଶ୍ୱର ୧୦ ଉଇକେଟରେ ମ୍ୟାଚକୁ ଜିତି ନେଇଥିଲା।
ଏମ୍ଜିଏମ୍ ସ୍ପୋଟର୍ସ ଗ୍ରାଉଣ୍ଡରେ ଅନୁଷ୍ଠିତ ମ୍ୟାଚ୍ରେ ଇକୋର୍ସା ୧୫୪ ରନ୍ରେ ସୁନ୍ଦରଗଡକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରିଥିବା ଇକୋର୍ସା ପକ୍ଷରୁ ଅଭିଷେକ ଯାଦବ ୧୩୪ ଓ ସୁଜିତ ଲେଙ୍କା ୯୭ ରନ୍ କରିଥିବା ବେଳେ ଦଳ ୩୩୧ ରନ୍ରେ ସମସ୍ତ ଉଇକେଟ ହରାଇଥିଲା। ସ୍ବସ୍ତିକ ସାମଲ ଓ ସାହିଲ ପ୍ରସାଦ ୩ଟି ଲେଖାଏ ଉଇକେଟ ନେଇଥିଲେ। ଜବାବରେ ସୁନ୍ଦରଗଡ ୧୭୭ ରନ୍ରେ ଅଲଆଉଟ ହୋଇଥିଲା। ବିଭାସ ଶ’ ୫୧ ରନ୍ କରିଥିବା ବେଳେ ଜୟନ୍ତ ବେହେରା ୫ ଉଇକେଟ ନେଇଥିଲେ।
ସନ୍ସାଇନ୍ ଗ୍ରାଉଣ୍ଡରେ ଖୋର୍ଦ୍ଧା ୪୧ ରନ୍ରେ ସମ୍ବଲପୁରକୁ ପରାସ୍ତ କରିଛି। ବିଶ୍ୱଭୂଷଣ ବିଦ୍ୟାର୍ଥୀଙ୍କ ୧୦୨ ଓ ଆର୍ଯ୍ୟଶ୍ରୀ ଭଟ୍ଟଙ୍କ ୭୨ ରନ୍ ବଳରେ ୩୦୮ ରନ୍ରେ ସମସ୍ତ ଉଇକେଟ ହରାଇଥିଲା। ହ୍ରିତିକ ପଟେଲ ଓ ଦିନା ଦାସ ଦୁଇଟି ଲେଖାଏ ଉଇକେଟ ନେଇଥିଲେ। ଜବାବରେ ସମ୍ବଲପୁର ୨୬୭ ରନ୍ରେ ଅଲଆଉଟ ହୋଇଥିଲା। ଦଳ ପକ୍ଷରୁ ଋଷି ମେହେରା ୭୩ ଓ ସୟଦ ଜାକି ୭୧ ରନ୍ ସ୍କୋର କରିଥିଲେ। ଖୋର୍ଦ୍ଧା ପକ୍ଷରୁ ଜ୍ୟୋତି ବେହେରା ୩ ଓ ସନ୍ଦୀପ ଚୌହାନ ୨ ଉଇକେଟ ନେଇଥିଲେ।
ରେଭେନ୍ସା ଗ୍ରାଉଣ୍ଡ-୧ରେ ଖେଳା ଯାଇଥିବା ମ୍ୟାଚରେ କଟକ ଏ’ ୪ ଉଇକେଟରେ ଯାଜପୁରକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ଯାଜପୁର ୪୬.୨ ଓଭରରେ ୨୧୩ ରନ୍ କରି ସମସ୍ତ ଉଇକେଟ ହରାଇଥିଲା। ସୟଦ ଇଜହାରୁଦ୍ଦିନ ୮୭ ଓ ସାଓ୍ବନ ପାହଡିୟା ୪୫ ରନ୍ କରିଥିଲେ। କଟକ ପକ୍ଷରୁ ଜାମଳ ମହାପାତ୍ର ୩ ଓ ରାମଚନ୍ଦ୍ର ବେହେରା ୨ ଉଇକେଟ ନେଇଥଲେ। ଜବାବରେ କଟକ ୪୪.୩ ଓଭରରେ ୬ ଉଇକେଟ ହରାଇ ୨୧୪ ରନ୍ କରିଥିଲା। ବିଶ୍ୱ ସ୍ବାଗତ ଭଟ୍ଟାଚାର୍ଯ୍ୟ ୫୦ ଓ ଅଭିଷେକ ରାଉତ ୪୮ ରନ୍ ସ୍କୋର କରିଥିଲେ। ଯାଜପୁର ପକ୍ଷରୁ ଶିବସୁନ୍ଦର ଦାସ ଓ ଏସ୍ କେ ଆଝାରୁଦ୍ଦିନ ୩ଟି ଲେଖାଏ ଉଇକେଟ ନେଇଥିଲେ।
ନିମପୁର ଗ୍ରାଉଣ୍ଡରେ ଖେଳାଯାଇଥିବା ମ୍ୟାଚ୍ରେ ରାଉରକେଲା ୮୩ ରନ୍ରେ ଝାରସୁଗୁଡାକୁ ପରାସ୍ତ କରିଛି। ସ୍ବରୂପ ଭୂୟଁାଙ୍କ ୭୭ ଓ ଜ୍ଞାନ ରଞ୍ଜନ ନାୟକଙ୍କ ୬୦ ରନ୍ ବଳରେ ରାଉରକେଲା ୯ ଉଇକେଟରେ ୩୨୧ ରନ୍ କରିଥିଲା। ଝାରସୁଗୁଡା ପକ୍ଷରୁ ଶୁଭମ୍ ସିଂ ୪ ଉଇକେଟ ନେଇଥିଲେ। ଜବାବରେ ଝାରସୁଗୁଡା ୫୦ ଓଭରରେ ୮ ଉଇକେଟରେ ୨୩୮ ରନ୍ କରିଥିଲା। ଏମ୍ଡି ଅର୍ମାନ ୫୯ ରନ୍ କରିଥିଲେ।
ବାରବାଟୀ ଷ୍ଟାଡିୟମରେ ଦିବ୍ୟଶକ୍ତି ଚକ୍ରବର୍ତ୍ତୀଙ୍କ ଶତକ ଓ ସର୍ବେଶ୍ୱର ମହାନ୍ତିଙ୍କ ଅଲରାଉଣ୍ଡ ସଫଳତା ବଳରେ ବାଲେଶ୍ୱର ୧୪୪ ରନ୍ରେ ଢେଙ୍କାନାଳକୁ ହରାଇଛି। ପ୍ରଥମେ ବ୍ୟାଟିଂ କରି ଦିବ୍ୟଶକ୍ତି ଚକ୍ରବର୍ତ୍ତୀଙ୍କ ୧୦୦ ଓ ସର୍ବେଶ୍ୱରଙ୍କ ୫୬ ରନ୍ ବଳରେ ବାଲେଶ୍ୱର ୯ ଉଇକେଟରେ ୨୫୦ ରନ୍ କରିଥିଲା। ଜବାବରେ ଢେଙ୍କାନାଳ ୧୦୬ ରନ୍ରେ ସମସ୍ତ ଉଇକେଟ ହରାଇଥିଲା। ସର୍ବେଶ୍ୱର ଓ ଜ୍ଞାନେନ୍ଦ୍ର ୩ଟି ଲେଖାଏ ଉଇକେଟ ନେଇଥିଲେ।
