ବରଗଡ଼,୨୭ା୧୧(ପ୍ରେମାନନ୍ଦ ଖମାରୀ): ସମ୍ବିଧାନ ଦିବସ ଓ ଦଳର ସ୍ଥାପନା ଦିବସ ଅବସରରେ ବୁଧବାର ଆମ ଆଦମୀ ପାର୍ଟି ଓଡ଼ିଶା (ଏଏପି) ପକ୍ଷରୁ ବରଗଡ଼ ସହରରେ ବିକ୍ଷୋଭ ଶୋଭାଯାତ୍ରା ସହିତ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲଖପାଳଙ୍କୁ ସ୍ମାରକପତ୍ର ପ୍ରଦାନ କରାଯାଇଛି। ଗତ ସାଧାରଣ ନିର୍ବାଚନ ପୂର୍ବରୁ ଦିଆଯାଇଥିବା ପ୍ରତିଶ୍ରୁତି ମୁତାବକ ପ୍ରତ୍ୟେକ ପରିବାରକୁ ମାସିକ ୩ ଶହ ୟୁନିଟ ମାଗଣା ବିଜୁଳି, ବୃଦ୍ଧାବୃଦ୍ଧଙ୍କୁ ୩ ହାଜର ଟଙ୍କା ଭତ୍ତା, ୨ଟି କିସ୍ତିରେ ମହିଳା ମାନଙ୍କୁ ୫୦ ହଜାର ଟଙ୍କା ପ୍ରଦାନ, ପ୍ରତ୍ୟେକ ପଞ୍ଚାୟତରେ ୧ ଶହ ଜଣକୁ ଚାକିରି, ୪୮ ଘଣ୍ଟାରେ ଚିଟଫଣ୍ଡ ଟଙ୍କା ଫେରସ୍ତ କରିବା ପାଇଁ ଏଏପି ସ୍ମାରକପତ୍ରରେ ଦାବି କରିଛି। ସେହିପରି ହସ୍ପିଟାଲରେ ଡାକ୍ତର, ଷ୍ଟାଫ ନିଯୁକ୍ତି, ଔଷଧ ବ୍ୟବସ୍ଥା, ଧାନବିକ୍ରି ପଞ୍ଜୀକରଣରୁ ବାଦ ପଡ଼ିଥିବା ଜିଲାର ୫ହଜାର ଚାଷୀଙ୍କୁ ପଞ୍ଜୀକୃତ କରିବା, ବରଗଡ଼ର ବନ୍ଦ ହୋଇଥିବା ୧୭୩ ସରକାରୀ ସ୍କୁଲକୁ ଖୋଲିବା, ମହିଳାମାନଙ୍କ ସୁରକ୍ଷାକୁ ସୁଦୃଢ କରିବା, ଭୂମିହୀନଙ୍କୁ ଉଚ୍ଛେଦ ବନ୍ଦ କରିବା, ବାଲି, ମାଟି, ନିଶା ମାଫିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ସହିତ ଚୋରି, ହତ୍ୟା ଭଳି ଅପରାଧ ରୋକିବା ପାଇଁ ବ୍ୟାପକ ପଦକ୍ଷେପ ନେବା ପାଇଁ ମଧ୍ୟ ଦାବି ହୋଇଛି। ଏଏପି ରାଜ୍ୟ ସମ୍ପାଦକ ଭବାନୀ ସାହୁ, ଜିଲା ସଭାପତି ଯଦୁମଣି ପ୍ରଧାନ, ସମ୍ପାଦକ ସ୍ବରୂପ ଭୋଇ, ବାଲ୍ମୀକି ନାଏକ, ଜୟକ୍ରିଷ୍ଣା ଛୁରିଆ, ନାରୀନେତ୍ରୀ ମରୀୟମ ବାର୍ଲା, ମିଳୁ ନାଗ, ଶ୍ବେତ କୁମାର ପଟେଲ, ମୁକେଶ ନାଏକ, ଭାସ୍କର ପଟେଲ, ପଦ୍ମଲୋଚନ ରଣା, ଡୋଲାମଣି ନାଏକ, ରୁପେନ୍ଦ୍ର ସାହୁ, ଅର୍ଜୁନ ସାହୁ, ଚୂଡ଼ାମଣି ସାହୁ, କ୍ଷୀରସାଗର ପଟେଲ, ଲୋଚନ ପ୍ରସାଦ କୈବର୍ତ୍ତ, କୋକିଳ ଭୋଇ, କହ୍ନୟା ନାଏକ, ବାଦଲ ବରିହା, ହେମଲାଲ ନାଏକ ପ୍ରମୁଖ ଉପସ୍ଥିତ ଥିଲେ।
