ମୁମ୍ବାଇ,୨୩।୪: ମିଷ୍ଟର ପରଫେକ୍ଟିନିଷ୍ଟଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓଟିରେ ଅମୀର ଖଁ। ଇକୋନୋମିକ କ୍ଲାସର ଓ୍ବିଣ୍ଡୋ ସିଟ୍ ପାଖରେ ଚୁପ୍ଚାପ୍ ବସିଥିବା ଦେଖିବାକୁ ମିଳିଛି। ଅମୀରଙ୍କ ଭଳି ସୁପରଷ୍ଟାର ବିଜନେସ୍ କ୍ଲାସରେ ଯାତ୍ରା କରିବା ନେଇ ଆଶା କରାଯାଉଥିବା ବେଳେ ତାଙ୍କୁ ଡୋମେଷ୍ଟିକ ଏୟାରଲାଇନ୍ସର ଇକୋନୋମିକ କ୍ଲାସରେ ଦେଖି ଲୋକେ ଚକିତ ହୋଇପଡ଼ିଥିଲେ। ଅମୀର ଏକ ବ୍ଲୁ କଲରର କେପ୍ ପିନ୍ଧିବା ସହ ସ୍ପେକ୍ ପିନ୍ଧିଥିବା ଦେଖିବାକୁ ମିଳିଛି। ତାଙ୍କୁ ନିଜ ଗହଣରେ ପାଇ ତାଙ୍କର ପ୍ରଶଂସକମାନେ ବହୁ ଖୁସି ହେବା ସହ ବିଶ୍ୱାସ କରିପାରିନଥିଲେ। ତେବେ ଅମୀରଙ୍କ ଏଭଳି ବିନମ୍ରତା ଆଚରଣକୁ ସୋସିଆଲ ମିଡିଆରେ ପ୍ରଶଂସା କରାଯିବା ସହ ଚର୍ଚ୍ଚା ଜୋର ଧରିଛି। ଅମୀରଙ୍କ ଭାଇରାଲ ହୋଇଥିବା ଭିଡିଓରେ ଜଣେ ୟୁଜର ତାଙ୍କୁ ସମ୍ବୋଧିତ କରି ଲେଖିଛନ୍ତି, ‘ଅମୀର ଭାଇ, ମାଶାଆଲ୍ଲା, ତମେ ପ୍ରକୃତ ହିରୋ’। ଅପରପକ୍ଷରେ ତାଙ୍କର ଏହା ବିନମ୍ରତାର ପ୍ରକୃତ ପରିଚୟ ବୋଲି ଅନ୍ୟ ଜଣେ ୟୁଜର କମେଣ୍ଟ କରିଛନ୍ତି। ଅମୀର ଖଁା ଠଗ୍ସ ଅଫ୍ ହିନ୍ଦୁସ୍ତାନର ବିଫଳତା ପରେ ଏବେ ନୂଆ ଫିଲ୍ମ ଲାଲ ସିଂହ ଚଡା ପାଇଁ ବ୍ୟସ୍ତ ଥିବା ଜଣାପଡ଼ିଛି। ଏହି ଫିଲ୍ମ ୧୯୯୪ର ହଲିଉଡ୍ ଫିଲ୍ମ ‘ଫରେଷ୍ଟ ଗମ୍ପ’ର ରିମେକ। ଏହାର ଶୁଟିଂ ଆକ୍ଟୋବରରେ ଆରମ୍ଭ ହେବାକୁ ଥିବା ବେଳେ ଏହି ଫିଲ୍ମ ପାଇଁ ଅମୀର ୨୦ କିଲୋ ଓଜନ ହ୍ରାସ କରିଥିବା ଜଣାପଡ଼ିଛି। ଏହି ଫିଲ୍ମ ୨୦୨୦ରେ ପରଦାକୁ ଆସିବ ବୋଲି ସମ୍ଭାବନା ରହିଛି।