ବମ୍ବେ: ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଭିନେତ୍ରୀ ତାରା ସୁତାରିଆଙ୍କ ପୂର୍ବତନ ପ୍ରେମିକ ଆଦର ଜୈନ। ସେ ଏବେ ଆଉଜଣେ ଯୁବତୀଙ୍କୁ ଡେଟ୍ କରୁଥିବା ସ୍ପଷ୍ଟ ହୋଇଛି। କରିନା କପୁରଙ୍କ ଦୀପାବଳି ପାର୍ଟିରେ ଆଦରଙ୍କୁ ଉକ୍ତ ଯୁବତୀଙ୍କ ସହ ଦେଖାଯାଇଥିଲା। ଉଭୟ ହାତରେ ହାତ ଛନ୍ଦି କ୍ୟାମେରାକୁ ଦେଖି ପୋଜ୍ ଦେଇଥିଲେ। ପରେ ସମ୍ପର୍କ ଉପରେ ମୋହର ମାରି ସୋସିଆଲ ମିଡିଆରେ ଆଦର ଏକ ପୋଷ୍ଟ କରି ‘ ମୋ ଜୀବନର ଆଲୋକ’ ବୋଲି ଲେଖିଛନ୍ତି। ତେବେ ଯୁବତୀଜଣଙ୍କ କିଏ ତାହା ଜଣାପଡ଼ି ନ ଥିଲେ ହେଁ ଦୁହେଁ ଡେଟ୍ କରୁଛନ୍ତି।
କିଛି ସପ୍ତାହ ପୂର୍ବେ ଏକ ସାକ୍ଷାତକାରରେ ତାରା ସମ୍ପର୍କକୁ ନେଇ ମୁହଁ ଖୋଲିଥିଲେ। ଆଦର ଏବଂ ତାଙ୍କ ବାଟ ଅଲଗା ହୋଇଥିବା ସେ କହିଥିଲେ। ସେ ଏବେ ସିଙ୍ଗଲ ବୋଲି କହିବା ପରେ ପ୍ରଶଂସକଙ୍କୁ ଝଟ୍କା ଲାଗିଥିଲା। ଏବେ ଆଦର ବ୍ରେକ୍ଅପ୍ରୁ ଆଗକୁ ବଢ଼ିଥିବା ଜଣାପଡ଼ିବା ପରେ ତାରାଙ୍କୁ ମଧ୍ୟ ସବୁକିଛି ଭୁଲିଯିବାକୁ ପ୍ରଶଂସକ ପରାମର୍ଶ ଦେଉଛନ୍ତି।
