ସିଲହଟ, ୧।୧୦ : ମହିଳା ଏସିଆ କପର ଦ୍ୱିତୀୟ ମ୍ୟାଚ୍ ଶନିବାର ବାଂଲାଦେଶର ସିଲହଟରେ ଆରମ୍ଭ ହୋଇଛି। ଟୁର୍ନାମେଣ୍ଟର ଦ୍ୱିତୀୟ ମ୍ୟାଚ ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯାଉଛି। ଶ୍ରୀଲଙ୍କା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।
ଧାର୍ଯ୍ୟ ୨୦ ଓଭରରେ ଛଅ ଓ୍ବିକେଟ ହରାଇ ଭାରତ ୧୫୦ ରନ୍ ସ୍କୋର କରିଛି। ଫଳରେ ଶ୍ରୀଲଙ୍କା ଦଳ ଆଗରେ ୧୫୧ର ବିଜୟ ଲକ୍ଷ୍ୟ ରହିଛି। ଟିମ ଇଣ୍ଡିଆ ପାଇଁ ଜେମିମା ରୋଡ୍ରିଗେଜ ସର୍ବାଧିକ ୭୬ ରନ ସଂଗ୍ରହ କରିଥିଲେ। ସେ ୫୩ ବଲ ଖେଳିଥିବା ଇନିଂସରେ ୧୧ ଚୌକା ମାରିଥିଲେ। ଜେମିମା ଗୋଟିଏ ଛକା ମଧ୍ୟ ମାରିଥିଲେ। ତାଙ୍କ ବ୍ୟତୀତ ଅଧିନାୟକ ହରମାନପ୍ରୀତ କୌର ୩୩ ରନର ଇନିଂସ ଖେଳିଥିଲେ। ଦିନଲାନ ହେମଲାଟା ୧୩ ଏବଂ ଶେଫାଲୀ ବର୍ମା ୧୦ ରନ କରିଥିଲେ।
