ବଲାଙ୍ଗୀର,୧୭।୧୦ (ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ଦେଓଗାଁ ଥାନା ଅନ୍ତର୍ଗତ ସଦର ବ୍ଲକ ଭୁତିଆରବାହାଲ ବାରପୁରିଆ ଗାଁ ରାସ୍ତା ରଜା ମୁଣ୍ଡା ଟ୍ରନିଂ ଛକଠାରେ ଶୁକ୍ରବାର ଏକ ଚାଉଳ ବୋଝେଇ ଟ୍ରକ ଓଲଟିଯାଇଛି । ଭୋର ୪ଟାରେ ଏହି ଦୁର୍ଘଟଣା ଘଟିଥିବା ଜଣାପଡିଛି। ଆଖ ପାଖ ଅଞ୍ଚଳର ଗାଁ ଲୋକେ ଚାଉଳ ବୋଝେଇ ଟ୍ରକ ଓଲଟି ପଡ଼ିଥିବା ଜାଣିବା ପରେ ସ୍ଥାନୀୟ ଗାଁର ଲୋକେ ଆସି ଟ୍ରକରୁ ବସ୍ତା ବସ୍ତା ଚାଉଳ ଘରକୁ ବୋହି ନେଇଛନ୍ତି । ଚାଉଳ ବୋହିନେବା ପାଇଁ ଲୋକେ ଟଣାଓଟରା ହେଉଥିବା ମଧ୍ୟ ଦେଖିବାକୁ ମିଳିଛି। ଚାଉଳ ବୋଝେଇ ଟ୍ରକଟି ଛତିଶଗଡ଼ ରାୟପୁରରୁ ବଲାଙ୍ଗୀର ଆସୁଥିଲା। ଚାଉଳ ଚାଲାଣର କାଗଜପତ୍ର ଅଛି ନା ନାହିଁ, ଜଣାପଡିନାହିଁ। ଚାଉଳ ବୋଝେଇ ଟ୍ରକ ଓଲଟି ପଡ଼ିଥିବା ଦେଓଗାଁ ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା । ଚାଉଳ ବୋଝେଇ ଟ୍ରକରେ ଆଉ ଚାଉଳ ବସ୍ତା ନ ଥିବା ଦେଖିବାକୁ ପାଇଥିଲା । ଚାଉଳ ବୋଝେଇ ଟ୍ରକ ଗାଡିକୁ ନେଇ ଦେଓଗାଁ ପୋଲିସ ତଦନ୍ତ କରୁଥିବା ଥାନା ଅଧିକାରୀ ବୁଲୁ ମୁଣ୍ଡା କହିଛନ୍ତି।
